Havaktingit

You are here

Puiguqtailuhi: Nunallaami miitiqatigiigutikhat uumunga higaarlungnirnun niuvvaavikhamik Iqalungni

Niqiliqivik 10, 2020

Kavamatkunnin Tuhaqtitaujukhaq

Puiguqtailuhi: Nunallaami miitiqatigiigutikhat uumunga higaarlungnirnun niuvvaavikhamik Iqalungni

Havagviata Atanngujaup Laisigharvingmi pihimajuq uuktuutimik angmariami Itiqattarvighaittumik Higaarlungnik (Cannabis) Niuvvaavingmik uumannga Nuna Cannabis Store Inc.-kunnin. Tukhiqtauhimajuq humiilvighaa higaarlungnikkut niuvaamingmi hamaniittuq 1501 Federal Roadmi tukhiqtauhimajullu ikaarnighat niuvvaavingmi ukuat 11mi ublaami 10mun unnukpat ubluq tamaat, umikhimaluni haalatiirutini.

Una Itiqattarvighaittuq Niuvvaavik talvani higaarliut niuvvaavaktun pijaulimaittullu qujaginnaq inungnin. Inirniinnait avatquhimajunik ukiuqaqtun 19nik itiqtitauttaaqtun piliklu haniranik ukuamiklu itiqtailidjutikkut nutaqqanin. Itiqattarvighaittun higaarlungnikkut niuvvaaviit atuqpaktun naimajakhaujunik tautuktakhanik hunanik (ukuat naimajakhat hikuliat) uqautigilugillu hunaunikkut ilitturipkaidjutikhanik niuviqtunun.

Ataani uumani Higaarlungni Maligaqmi (Nunavut), GN-kut miitiqatigijakhait nunallaaq uuktuutimik pigaangamik. Iqalungmiut tujuqtaataiq uqautitik, ihumaaluutitik ihumagijamingniklu mighaagun higaalungnikkut niuvvaavingmik Iqalungni uumunga cannabis@gov.nu.ca hivajarluguluunniit una 867-975-5875. Umigvikhaa tujuriami una Niqiliqivik 21, 2020.

Kangiqhittiarumaguvin mihgaagun higaarlukkut niuvvaanikkut laisighainni Nunavunmi, takulugu Kiinaujaliqijikkut Havagvia qaritaujakkuurutaa.

###

Tuhaqtipkainikkut Uqarvigijakhaq:

Weichien Chan
Atan'ngujaq, Tuhagakhanut
Kiinaujaliqijikkut Havagvia
867-975-6818
FinanceComs@gov.nu.ca