Havaktingit

You are here

Tikiliqtumun taanganun laisikhanun niruarutikhaq Iqalungni

Saptaipa 22, 2022

Inungnut Tuhaqtitaujukhaq
Tikiliqtumun taanganun laisikhanun niruarutikhaq Iqalungni

Nunami niruarutikhaq piniaqtaat Iqalungni uumani Tattiarnaqhilirvia niruarianginni piniariakhainun pipkarlugin ukuat Nunavunmi Taangaliqinirmut Higaarlungniklu Katimajiit (NLCB) tunihijaami ahinin imirvingnin laisikhanun nunami imikhaliuqpaktunun niuvrutikhanun taangaujunik beer-nik imikvirmingnin.

Ahinin imirvingnin laisikhat piinnariaqaqtait ataani Taangaliqinirmut Maligaq, kihimi, nunami niruaqtukhaujun pitinnagin nutaamik pidjutikhamik laisikhamik tunijaujaami hivullirmik pivlugu nunallaami.

Niruarutikhaq apiqhiniaqtait Iqalungni niruaqtunik niruaqulugit angirlutik qingilutikluuniin ukununga ataani apiqhuutimun: “Ilvit ilagijumajatit haffumani hilataanit niuviqtittijut qaangiqtaugialik uvani Iqalungni?”

Angiqtaukpan, Iqalungni imiliuqpaktun pittaaqtun uukturlutik NLCB-kunun ahinin imirvingmin laisikhamik niuvrutigijaami qikliqarlugu taimaa 12x355ml havigaliujunun hikulianikluuniin beer-nik atauhirmi ubluani tunilugin niuvirnahuaqtunun najugarijamingnin.

Titiraqhimajut ataani Tannganik Maligaq, taima 60 pusantiujukhat niruaqtitnit imaatut niruaqtukhat "angiqtut” angiriangani aallan’nguqtirutikhaq. Niruarutigijaq “qingikpata”, niuvrutikhanun laisikhat aallan’ngulimaittun.

Niruarniaqtun Iqalungni talvani Tattiarnaqhilirvia 24, 2022, hivuatigun niruarlutik talvani Tattiarnaqhilirvia 17, 2022.

Ikajuqtin ukunanga Kiinaujaliqijitkut unalu Elections Nunavut inungnun katimapkainiaqtun talvani Tattiarnaqhilirvia 12, 2022, tunihilutik naunaitkutikhanik niruarutikhamun, Nunavutip taanganun maligat unalu niruarutikhanun pijakhainik.

Anginiqaqtun tikiliqtunun ublunginni:

Inungnun naunaitkutikhanun katimaniaqtun – Tattiarnaqhilirvia 12, 2022.
Hivuatigun niruarvikhaat ublua – Tattiarnaqhilirvia 17, 2022.
Niruarvikhalluanga ublua – Tattiarnaqhilirvia 24, 2022.

Naunaitkutikhanun tikiliqtumun niruarutikhamun, qaritaujakkut titiqqilugu liquor@gov.nu.ca hivajarluguluuniin 867-222-9705.

###

Tuhaqtipkainikkut Uqarvigijakhaq:

Tuhaqtipkaijini
Maniliqiijitkut
867-975-6818
FinanceComs@gov.nu.ca