Havaktingit

You are here

Ilagiiktut Pimmarlungnikkut Hattumiarutikhainut Maligaq (FAIA)

Ilagiiktut Pimmarlungnikkut Hattumiarutikhainut Maligaq (FAIA)

Uumani Hikutirvia 2006, kinguani akhut uqautigiblugu hapkununga Nunavunmi Nunallaani, Maligaliurviup tamarmik angirutigiyaat una Ilagiiktut Pimmarlungnikkut Hattumiarutikhainut Maligaq (FAIA). FAIA atuliqtauliqtuq uumani Qiqaiyalirvia 1, 2008. Maliruagakhaq pidjutauyuq pipkariangani Nunavunmiut ihuaqutikhainik tamaini inuudjuhirmi ikayuuriamini atungitaanganilu pitianginiq ihumagilugit tadja ihariagiyauyut aaningitaangani, ayurnaitunik ihuaqtuniklu aulanirnik nalaumayunik Inuit pitquhiinut. FAIA atuliqtitauyuq nunallaani nanminiriniq ayuqhautainik, pipkaidjutigiyaa nunanga nakuuyumik havagiami inungnut uqariamingnik ihuaqhitikhainik ayuqhautauvaktunut. Ihumagiyauyuq pidjutauvlunilu FAIA atungitaangani pitianginiq mikhivaalirianganilu amigaiqpalianinginik pitiangidjutit.

Ataani FAIA piqaqtuq hitamanik hanaqidjutikhanik piinagialgit:

Amigakhuutiqaqqan Munagidjutikhanik Atuqtauyukhat (EPO);
Nunallaat Hatumiarnikkut Pitquidjutit (CIO);
Ikayuutikhamut Pitquyauyut; unalu
Akiliuhiarutikhamut Pitquyauyut.

Nunallaani Maligaliqiyikkut Havagvia hapkunani Havagviit Maligaliqiyit munaqhiyut piyaangini tapkua Nunavunmiun piyaarlutik malrungnik FAIA hanaqidjutikhanik, Amigakhuutiqaqqan Munagidjutikhanik Atuqtauyukhat (EPO) uvalu Nunallaat Hatumiarnikkut Pitquidjutit (CIO), tamaini nunallaani tamaini Nunavunmi. Nunallani Maligaliqiyikkut Havaktingat (CJOWs) unalu Nunallaani Apiqhuiviit Ayuiqhattiaqhimayut havaktiuyut munariyait ikayuriami Nunavummiut pigiami hapkuat ihuaqhaidjutingit. Maligaliqiyit (JP), taiyauhimayut tikuaqtauhimayut imaa FAIA JPnik, katimapkaiblutik FAIA apiqhuiyunik uvalu uuktuutinik aalanguqtirlugu pivikhaqarningit. Ihuiguhuutit hapkua JP ihumaliurutigiyait tuhaayauniaqtut ihumaliuqtimin hapkununga Nunavunmi Apiqhuiyinin.