You are here

Hivulliujun Aallait unalu Inuit Atugakhanun Pinahuarun atuqtaudjutikhaq Nunavunmi

Nuvaipa 08, 2022

Uqautigijaujuq

Hivulliujun Aallait unalu Inuit Atugakhanun Pinahuarun atuqtaudjutikhaq Nunavunmi

Ublumi, Nan’ngarijaujuq Marco Mendicino, Ministangat Inungnun Qajagidjutikhanun, unalu Nan’ngarijaujuq Craig Simailak, Nunavunmi Ministanga Maligaliqijitkunun, pijaa una ataani uqaqtauhimajuq:

“Kavamangit Kanatami Nunavunmilu pijaat angirutikhaq atuqtakhaq hiviturlugu una Hivulliujun Aallait unalu Inuit Atugakhanun Pinahuarun (FNIPP) Nunavunmun aturniaqtumun tugliit pingahun ukiut. Nutaat RCMP havaktiit havaktitaulirniaqtun nunallaanun avikturvingmi taimaa pihimmaarlutik. Akikhaa avikturniaqtaat akun’ngani kavamatkunun, akikhaatigun taimaa 52 pusat Kanataup unalu 48 pusat avikturvingmun.

Unaangirut naunaijautigijaa taimaa Nunavunmiut akhut uqarvikhaqarniaqtut qanuqtut piliihimaliqutit havaktaujut inmi nunallaamingni. Ataani FNIPP-mi, havaktit tunijauniaqtun aallangajumik havaktakhainun, una havaktauhimajut katimadjutikkut nunallaani kivgaqtuqtamingni. Pijumajaat una nunallaani ilaunirmun, ihuinaaqtailidjutikhanun inungnullu qajagidjutikhanun.

Ihuaqhijuumilugu angiklijuumilugulu Nunaqaqqaaqhimajunun pihimajainun pilugin inungnun qajagidjutikhanun – unalu nakuutqijanik paliihimaliqidjutikhanun Inuit nunallaanginnun – angitqijaq pilluagakhaq tamangningnun kavamatkunun hivunighaliurutilluakhamun ihuaqhiutikhanun. Ublumi tuhaqtittidjutaat nakuukpiaktuq naunaitkutikhaq uuktuutigijaptingnun paliihimaliqidjutinun Nunaqaqqaaqhimajunin nunallaanin, ukununga Nunaqaqqaaqhimajunun nunallaanun.”

###

Tuhaqtidjutikhanun Uqarvikhaq:

Alexander Cohen
Aulapkaiji Tuhaqtipkainirnut
Havakvia Ministaup Maligaliqiyikkut Kanadami
Kavamanga Kanatap
alexander.cohen@ps-sp.gc.ca 

Tuhaqtipkaijuviliqidjutiujuni
Kitunuliqaak Qajagijauniq Kanatami
613-991-0657
media@ps-sp.gc.ca 

Peter Varga
Atugakhanut Tuhagakhanullu Naunaijaiji
Maligaliqiyitkut Havagvik
Nunavut Kavamanga
867-975-6369
pvarga@gov.nu.ca