Havaktingit

You are here

Huunngiqtuq ilangani Qikiqtaalup Itiqtauvia

Immaktirvia 21, 2018

Statement 

Huunngiqtuq ilangani Qikiqtaalup Itiqtauvia 

Nanngariyauyuq Jeannie Ehaloak, Minista Maligaliqiyitkut, ttuhaqtitiyuq uqaqtakhaminik: 

“Qanuriliyuqaqtut Qikiqtaalup Itiqtauviani (BCC) unnugiaq Imarutirvia 20, 2018, amihuvyait itiqtauhimayut hapukuuhiqtuivaktut ilanganik itiqtauviup akhirruqhunillu tamna Charlie Unit. Qaniuriliurutat nutqaqtitauyuq aanniqtuqaqhimaitumik itiqtauhimayunut havaktinginullu ikayuqtigiikhutik uuktuutanit Itiqtauvingni Havagvingani Pallihimallu. 

Ikualayuliqiyikkut talkvungauhimayullu hulititlugit qayangnaitumik upalungaiqhimaplutik, itingittut itiqtauvingmut. 

Ihuaqhaqtauyarialaqiyut BCC-kut Charlie Unit. Tadja, Maligaliqiyikkut ihivriuqhiliqtut nuullagvikhanik itiqtauhimayut Itiqtauviinut ahiat aviktuqhimanianit hapkuat ahirruqtauhimayut ihuaqhaqtautitlugit iniqhirlugit. 

Quyahuktunga aanniqtuqangitutik akhuurutanit ikayuqatigiikhutiklu itiqtauvingmi havaktingit, Pallihimatgkullu aallallu amigaqhurnatumik ikayuriaqtuqhimayut havaktingit. 

Ministauplunga Maligaliqiyitkuni, uqautiyumayatka nunaqaqtut Iqalungni qayangnaituq inungnut taimailiurutaanit itiqtauhimayunit. Maligaliqiyikkut Itiqtauvingni Havagvinganillu havaqatigiikpaktut ihuaqhainahurlutik ahirruqtauyunik itiqtauvillu qayangnaitangani havaktinginut itiqtauhimayunullu. 

Maligaliqiyikkut havakhimmakniaqtut talvani Qikiqtani Itiqtauviani Mamitirviani, himmautauhunguyuq tadja itiqtauvianut. Tamna nutaaq aularanginaqtukhaq ihuaqhautigihunguyat aatjikkutainut ayuqhautauvaktunut, aallaniklu mamitirutikhanut atuqtakhanik.” 

### 

Tuhagaqtidjutikhanut Uqaqvikhaq: 

Matilda Madekufamba 
Atugakhanut Tuhagakhanullu Naunaiyaiyi 
Maligaliqiyitkut Havagvik 
867-975-6325 
mmadekufamba@gov.nu.ca