Nunallaani Apirhuijit Tikkuaqtaunirmun Akiliuhiaqhaitlu Katimajalaamun Tuqhulauqtut

Inungnut Tuhaqtitaujuqhaq

Nunallaani Apirhuijit Tikkuaqtaunirmun Akiliuhiaqhaitlu Katimajalaamun Tuqhulauqtut

Nunallaani Apirhuijit Tikkuaqtaunirmun  Akiliuhiaqhaitlu Katimajalaamun (JPARC mik naunaittut naittumik) hadja piliqtut titiraqhimajunik ilaumanikkut piinnariaqaqtuni Nunavunmiut tikkuaqtaujumajut nunallaami Apirhuijini tahapkunani Nunavut Apirhuijini (NJC).

Nunallaani Apirhuijini munarijaqaqtut amigaittunik titiqqiviliqidjutinut ihuaqhinahuarnirmunlu ihuigijaujuni hivitujumik akittuqjuarnaittumik kuatiliqiuni taapkuatut katuhirnirmun sainirnirmun itiriamingni qiniqhiariami igluqpani titiqidjutaitigut havaqhutiklu uuktuqtunut anijaami itiqtauvingni hivuani naalakviqhat. Ilihaqtiaqtaudjutiqhat piviqhaqaqtut havattiariami naalattiaqtaudjutiqhanut.

NCJ kut qiniqhiajut tikkuaqtaujuqhanik naammagijaujunik inungnik kivraqtuijaamingnik Nunallaani Apirhuijini ilainni nunallaani, taapkunani Ikpiarjuk, Kangiqtugaapik, Uqhuqtuuq, Kimmirut, Kugluktuk, Naujaat, Pangnirtung, Mittimatalik, Qausuittuq, Sanikiluaq, Talokyuarmilu. 

Nammagijaujaami pitqujaunirmun, uuktuqtut ukiuqaqtuqhat 19 nik nunaqaqpaqhimajutlu Nunavunmi 12 luni tatqiqhiutini.  JPARC kut ihumaliurniaqtut inuk naammagijaujaaqhainnik tikkuaqtaunirmun ihumagitigiplugut inuup qaujimania Inuit Nuatqatigiitiarniagut, qaujimanikkut Inuit Uqauhiinnik qaujimanikkutlu nunallaami uuktuqtup kivraqtiginiaqtaatigun tikkuaqtaugumi. 

Piumagumik inuit tunihiuqhat havakpaqhimajainnik naunaitkutimik, ikajuutiqhamiklu titiqqamik naunaiqlugit ajuitamingnik, taapkuatlu atiit qanuqlu uqaqvigijaami naunaijautait pinggahuniklu atiinnik ikayuutigijaujuqhanik. Tamaita uuktuutait tujuqtaujuqhat qaritaujakkut hamunga ncj.chambers@gov.nu.ca. Uuktuqtun aulahimmaaqtut pitqujaujutlu talvanga Inuit Nunataarutit Nunaqatauhimajunit.

Naunaittiagumaguvit, qaritaujakkuuqlugit,ncj.chambers@gov.nu.ca, hivajaqlugitluunniit 867-975-6121.

###

Tuhaqtipkainikkut Uqarvigijaqhaq:

Isabelle Gingras
Atugaqhanut Tuhaqtipkainikkutlu Naunaijaiji
Maligaliqiijitkut
867-975-6324
igingras@gov.nu.ca