Havaktingit

You are here

Nunallaani katimajaqtuqvikhat ukunani ilagiiktuni maligani Nunavunmi

Niqiliqivik 09, 2021

Kavamatkunnin Tuhaqtitaudjutikhaq

Nunallaani katimajaqtuqvikhat ukunani ilagiiktuni maligani Nunavunmi

Maligaliqijikkut Havagvia pipkainiaqtuq nunallaani katimajaqtuqvikhanik uvuuna Ilagiiktuni Pimmarlungnikkut Hatummiarutikkut Maligami (FAIA) uvanilu Nunavunmi ilagiiktuni maligani, pidjutaanin qangannuaq pigiaqtidjutimin Maligaliuqvingmin ikajuutikkut ningarniqangittumik Nunavunmi.

Ilagiiktuni Pimmarlungnikkut Hatummiarutikkut Maligaq (FAIA) piujuq ikajuriami inungnik hapummijaujukhat ilagiiktunin pimmarluktaunirnin ukunangaluunniit piniarhimadjutinin ilagiiktunin pimmarluktaunirnik. Una maligaq akhuuqtait nunallaani nanminirilugin ihuangidjutit hakugikhaqtaalu nunallaaq ihuaqtumik havaqatigilugin nunallaami pidjutikhanik kiunikkut inungni ihuangittunik.

Nunavutip Ilagiiktuni Maligait pipkaijun taapkuat ihariagijait Nunavunmiunin ilagiiktunin havagutijauttaaqtuqn ihuaqtumik, qilamik pitquhikkullu ihumagittiarutikkut qanuriliurutimi.

Nunallaani katimajaqtuqvikhat piliqtun hapkunani nunallaani tiituqtipkailutiklu:

  • Kangiqliniq, Hitammiunmi Aakassi 12, 3min 7mun ubluumaat.
  • Naujaat, Hivulliunmi Aakassi 16, 3min 7mun ubluumaat.
  • Iqaluktuuttiaq, Hitammiunmi Aakassi 19, 3min 7mun ubluumaat.
  • Uqhuqtuuq, Hivulliunmi, Aakassi 23, 3min 7mun ubluumaat.
  • Mittimatalik, Aippiunmi, Aakassi 31, 3min 7mun ubluumaat.
  • Iqaluit, Hitammiunmi, Saptaipa 9, ubluqhiutikhaq naunaijaqtauniaqtuq.
  • Iqaluit, Tallimiunmi, Saptaipa 10, ubluqhiutikhaq naunaijaqtauniaqtuq.
  • Sanirajak, Aippiunmi, Saptaipa 14, 3min 7mun ubluumaat.
  • Iglulik, Pingattiunmi, Saptaipa, 15, 3min 7mun ubluumaat.

Ilitturittiarumagungni mighaagun pijukhanik katimadjutikhanik, qaritaujakkut titiqqidjavan FAIA@gov.nu.ca unaluunniit Familylaw@gov.nu.ca.

Inuit katimajaqtulimaittun nunallaani katimajaqturvingnun akhuurhaqtaujut tunijaami uqautimingnik pitquidjutimingnikluunniit titiqqilugin FAIA@gov.nu.ca mighaagun ilagiiktuni ningarnirnik, familylaw@gov.nu.ca mighaagun ilagiiktuni maligamik, unaluunniit 867-975-6170 naliinnun uqautigijaujuni.

###

Tuhaqtipkainikkut Uqarvigijakhaq:

Isabelle Gingras
Atugakhanut Tuhagakhanullu Naunaijaiji
Maligaliqijikkut Havagvia
867-975-6324
igingras@gov.nu.ca