Havaktingit

You are here

Tamna Nutaaq Inungnut Aanniaqtailiniq Maligaq Pitquyauyullu Apirhuutauqataqatut (FAQs)

New Public Health Act FAQ

The approach in public health, including with this legislation, is to improve health and decrease inequities, consistent with Inuit Societal Values.

Huuq piyariaqaqa havaklugit nutaamik Inungnun Aanniaqtailinirmun Maligamun?

Kinguliq Inungnun Aanniaqtailinirmun Maligaq piyauhimayuq Nunatsiamin uvalu ubluqaqtuq hamanga 1957min. Utuqauyuq uvalu pihimayuq havauhiitigut auladjutit tapkua aturuminangitut. Atuqtauyuq inungnun aanniaqtailiniq aalanguqtuq unalu kinguliq maligaq naunaiyaingituq ilanginik inungnun aanniaqtailinirmun tapkua ilitariyauyut kanatami nunaqyuamilu. Pidjutigiyaangini hapkua ayuqhautit, nutaamik nutaanguqtirhimayumik havaktauhimayut Nunavunmi Inungnun Aanniaqtailinirmun Maligaq angiqtauyuq Maligaliurvingmi uvani Hikutirvia 2016mi.

close
Hunanik nutaaq Inungnun Aanniaqtailiniq maligaq pidjutiqaqa?

Nutaaq Inungnun Aanniaqtailinirmun Maligaq:

  • Uqautigiyait inuuhiit inugiangnirni tamaini;
  • Tunihiyuq Maligatigut tungavingmik pidjutauyuqlu aanniaqtailinikkut havaktit munrittiaqlugit uvalu aanniaqtaililugit, pqailugit, munarilugit, havaklugillu aanniarnirmun hivuranaqtut piqangilutik ulapiqutinik pilaarutainun uvalu ihumamingnunlu;
  • Havakhugit aanniaqtailinirmun aghuurutit, ilituriyuminaqtut aanniarutit uvaluuniin qanuriniit, hiamitiqtut aanniarutit, inuuhirmun hivuuranaqtut (ilauyut niqit qayaguhuutait, halumayumik imigahat halumanahuarutit) inungnun aaniarutinun qilamiurutit;
  • Havauhikhait havaangit uvalu munaridjutikhait inungnun aanniarnirmun havaktit uvalu ministat munaqhiyut;
  • Ihuaqtut inungnun aanniaqtailinirmun Maligat aalani aviktungniini uvalu aviktuqhimayuni;
  • Pidjutiqaqtut anginiqharmik aktilaanginik pinarinikkut ikpigiyait attautit ihumamingnik, munaridjutikhat inungnun aannirnirmun, ikayuutinun, hiamitinginirmun uvalu hiamitalinirmun aanniaqtut kangiqhidjutait.
close
Hunat piyahimangitut nutaami Inungnun Aanniaqtailinirmun Maligami?

Nutaaq Inungnun Aanniaqtailinirmun Maligaq pihimangituq:

  • Pidjutiqangituq havauhiinun aanniaqtailinirmun auladjutainun;
  • Pidjutigiblugit tamaita aannianirmun hivuuranaqtut;
  • Pidjutiqangitut iqaiyarnikkut aanniaqtailinirmun uvalu qayangnautikkut pidjutit tapkua havaktauyut aalanin kavamanin timiinin ilauyut kanatap havagviit uvalu timiqutait;
  • Uqautigiyait aanniaqtailinikkut kivgaqtuutait aaniarvingni munaqhitkunilu;
  • Uqautigiyait aanniaqviliaqtut tingmidjutait, aanniarnirmun qulangnaiyautit hivituyullu aanniarnirmun ikayuutit.
close
Atuqtauvat Inuit Qaujimajatuqanngit iliyauvat nutaamun Inungnun Aanniaqtailinirmun Maligami?

Hii, Maligaq tamainun uqautigiyait tapkua Minisat ukualu Atanguyat Inungnun Aanniaqtailinirmun Havakti pihimayukhaq tapkua Inuit Qaujimajatuqanngit ilauyut haffumani inungnun aanniaqtailinirmun auladjutainun Nunavunmi.

close
Hunat aalanguqtiqhimayut qitqani kingulirni Inungnun Anniaqtailinirmun Maligami uumanilu nutaami Inungnun Anniaqtailinirmun Maligami?

Hunat nutaat?

  • Pidjutiqaqtut aadjikiikhugit qitqani attautit pilaarutait uvalu inungnunlu ihuaqtullu haffumunga Kanatami Pilaarutait uvalu Ihumamikut;
  • Pidjutiqaqhunilu iluani haffuma Aanniarutit Titiraitigut Maligami kitut ihumaliurutauniaqtut;
  • Ilauyut uniudjutit angutit aanniarutait huradjat huradjailiqiinin, anguhiqiinin maligaliqiinilu havaktinin;
  • Uniqtuutigiblugit Inungnun Aanniaqtailinirmun Qilamiurutit uvalu naunaiyaqhugit ilaliutihimayut hakugingnirit;
  • Tunihiblutik Aanniaqtailidjutikhanun Atiliungnirit;
  • Tunihiblutik ataniudjutinik aanniaqtailinirmun aghuurutikkut pinahuarutinik;
  • Piyariaqaqtuq ukua CPHOkut havaklugit uniudjutit aanniaqtailinikkut qanuriniit Nunavunmiun malruk ukiuk naagiakpata;
  • Tunihiyuq ukununga CPHOkunun piyaanirmik havaklugit atugahat ukualu maligahat;
  • Havakhugit havauhikhat ayuqhautinun pitquyauyut tapkua ihuaqtut haffumunga Maliganun Pilaarutinun uvalu ihumamikullu;
  • Tunihibluni Nunallaanun Aanniaqtailinirmun uvalu Inuuhiqattiarnirmun Katimayinik.

Hunat unguvaqtitauyut uvaluuniin anginiqharmik ihuaqhaqtauyut?

  • Unguvaqtiqhugit naunaiyautit Katimayiinun Aanniaqtailinirmun kitut atuqtauyungnaiqtut;
  • Aalanguqtiqhugit atiit ilangit inungnun aanniaqtailinirmun havaktit;
  • Unguvaqtiqhugit quyaginaq naunaitkutit hapkununga aanniaqtailinirmun munaridjutit aulaaqtitauyunun inungnun aanniaqtailinirmun uvalu munaridjutit ilikuuqlugit. Titiraqhimayut utuqami Inungnun Aanniaqtailinirmun Maligaq piqaqtut aanniaqtunun munaridjutit aulaaqtitauhimayut iluaniiniaqtut atiffaaqhimayut maligat, Una Aulaaqtitauhimayunun Kivgaqtuutikkut Maligaq, humi utuqaq Inungnun Aanniaqtailinikkut Maligaq piiqtauyuq.
close
Qanurilivat hapkua pitquyauyut ataani utuqap Inungnun Aanniaqtailinirmun Maligaq?

Tamaita pitquyauyut ataani utuqap Inungnun Aaniaqtailinirmun Maligat ihivriuqtauhimayut uvalu piiqtauyut, nutaanguqtiqtauvlutik himmauhiqtaublutikluuniin nutaanik maliganik. Pingahut nutaat pitquyauyut havaktauyut ilauyut Uniudjutauyaaqtut uvalu Aanniarutinun Munaridjutit Pitquyauyut uvalu Inungnun Aanniaqtailinikkut Auladjutit Pitquyauyut. Havaaghat aulahimaarniaqtut nutaanguqtiqhimaaqlugit pitquidjutit hivuniptingni.

close
Hunat Uniudjutauyut uvalu Aanniarutinun Munaridjutit Piquidjutinun pihimayut?

Uniudjutauyut uvalu Aanniarutinun Munaridjutit Piquidjutinun Pitquidjutit naunaiyaqhimayut uniudjutikkut uvalu munaridjutait hiamitiqtut uvalu aalat aanniarutit uvalu hulidjutillu uqautigiblugit pivallianirmun uvalu iluaniitut aanniaqtailinikkut atiliunirit.

close
Hunat Inungnun Aanniaqtailinirmun Auladjutit Pitquidjutinun pihimavat?

Inungnun Aanniaqtailinirmun Auladjutit Pitquidjutinun tunihiyut kangiqhidjutinik piyariaqaqtun tunihinirmun pitquidjutinik ataani Inungnun Aanniaqtailinirmun Maligami. Una ilauyuq uqautiblugu inuk kitu pidjutiqarniaqtuq tunitinagu uvalu tunitinagu kangiqhidjutinik qanuq uqautigiyaangani pidjutauyut, taimaali pitquidjut piyariaqangituq. Pidjuitiqaghunilu havauhikhaanik pitquidjutip.

close
Kitut inungnun aanniaqtailinirmun havaktit ataniudjutiqaqtut ataani nutaap Inungnun Aanniaqtailinikkut Maligaani?

Tamna nutaaq Inungnun Aanniaqtailinikkut Maligaq pidjutiqaqtuq Ministamun, Atanguyamun Inungnun Aanniaqtailinikkut Havaktimun (CPHO), tugliq Atanguyaq Inungnun Aanniaqtailinikkut Havakti (DCPHO), Aanniaqtailinikkut Havakti (MHO) unalu Avatiinun Aanniaqtailinikkut Havakti (EHO).

close
Hunauva hulaqutaa haffuma maligap aanniaqtailidjutikkut kapuqhirnirmun?

Nutaaq Inungnun Aanniaqtailinirmun Maligaq unalu Uniudjutauyut uvalu Aanniarutinun Munaridjutit Piquidjutinun ikayuqtait munaridjutit uvalu aghuurutit inuuhirmun. Ilauyut iluaniitut aanniaqtailidjutinun kapuqhirnirmun atiliurutit. Una naunaiyautaa tapkua aanniaqtailinirmun ayuittiaqhimayut munaqhiyut aanniaqtailidjutinik uvaluuniin tuniyauyut titiqanik mikhaagun aanniaqtailinikkut kapuqhirnirmik hilataani Nunavun uniudjutiyakhait hapkua CPHOkut. Pidjutauyuq piyaangini aanniaqtailinirmun kapuqhirniq ingilraanin attautinun piinarialik atuqtilugu aanniarut hiamitiqtuq uvalu kapuutit amigaitilaangit inugiangnirnun ihumaliurutauyaangani.

close
Hunauva havaktait Ministap uvani nutaami Inungnun Aanniaqtailinirmun Maligami?

Minista Aanniaqtailinirmun munahiyuq hapkuninga:

  • uqautilugit Kavamatkut haffumuuna inungnun aanniaqtailinirmun pidjutauyunun ilauyut tahapkununga Nunavunmi Qilamiungnikkut Upalungaiyautit;
  • uqariiqlugit inungnun aanniaqtailinirmun qilamiurutit;
  • havaklugit maligahat havaklugillu inungnun aanniaqtailidjutikhanun pinahuarutit;
  • piyaangini inungnun aanniaqtailinikkut ihivriuqviit tunihilutik kivgaqtuutinik Nunavunmiunun;
  • pidjutiqaliqlutik inungnun aanniaqtailinikkut angirutinik aalanun nunanun.
close
Hunavuat munariyait Atanguyap Inungnun Aanniaqtailinikkut Havaktiata (CPHO) nutaami Inungnun Aaniaqtailinirmun Maligait Pitquyauyullu?

CPHO-nguyuq (ilihimayauyugaluaq Ataniq Aanniaqtuliriyi Havakti Aaniaqtailiniqmun) tikkuaqtauyuq taphumanga Ministamin. CPHO-nguyuq daaktiuyukhaq uvalu piqaqluni ayuittiarnirmik havaktauhimayumik Ministamin.

CPHO-nguyuq inmikuuqluni uvalu hakugingniqaqtut uvalu havaaghat ihariagiyauyut munaridjutit inuuhiinun Nunavunmiun ilauyut:

  • munariblugit aanniarutit aulaniit uvalu inuuhiit Nunavunmiun;
  • havaklugit atuliqtilugit aanniaqtailinirmun aghuurutit pinahuarutit uvalu aanniaqtailinirmun kapuutit ilauyut kapuqhirnirmun atiliurutit;
  • havakhugit munaridjutit aanniarutinun ihivriurutait;
  • havaklugit ihivriurutit aanniaqtailinikkut qayangnautit;
  • tuniyaulutik hiamitiqtunun uvalu hiamitingitut aanniarutit uvalu qanuriniit uvalu havaklugit hapkua uniudjutait;
  • munarittiaqlugit hiamitiqtut aanniarutit ingatarnirit ilauyut titiraqlugit pitquidjutikhat inungmun ihivriuqtauluni, ungahiktungmiut uvaluuniin inuilrumiitukhat uvalu mamitirlugit
  • munarittiaqlugit aanniaqtailinirmun hivuuranaqtut;
  • munarittiaqlugi inungnun aanniaqtailinirmun pihimayut tamaini qilamiungnikkut upalungaiyautit uvalu kiudjutit Nunavunmi;
  • upalungaiyaqlugit uniudjutit tamaat malrungni ukiuni aanniaqtailinirmun qanuriniit Nunavunmiun ilauyut uniudjutigilugit huradjat aanniarutait uvalu aanniaqtailinikkut kapuutit pinahuarutait;
  • tiliuqlugit inungnun aanniaqtailinirmun havaktit tikuaqtauhimayut ataani Maligap;
  • tunihilutik uqaudjinirmik kavamatkunun uvaku inungnun havaktunun haffuuna inungnun aanniaqtailinirmun pidjutauyunun;
  • piliqlutik ayungnaqtutigut angirutinik hapkununga inungnun aanniaqtailinikkut timiqutinun;
  • upalungaiyaqlugit uniudjutit pihimayunun ihumaalugiyauyunun uvalu tuhaqtilugillu hapkununga Maligaliuqvingmun;
  • tunihilutik atugahanik mikhaanun hapkununga inungnun aanniaqtailinikkut aulapkaiyunun;
  • pitquidjutit huradjanun tuqutiqlugit uvalu uuktuqtaulutik nakimanaguhungnirmun..

Ukua CPHOkut, imaa ihumaginikkut inmi havagviilu tapkuanguyut MHOkut ukualu EHOkut.

close
Hunat havaarivait Tugliup Atanguyap Inungnun Aanniaqtailinikkut Havakti (DCPHO) uvani nutaami Inungnun Aanniaqtailinikkut Maligaa Pitquidjutillu?

Ministap tikuaqhugu Tugliq CPHO (ilihimayauyuq Tugliq Atnaguyaq Aanniaqtailinikkut Havakti Aanniaqtailiqiinin) kitu pihimayuq haakti talimanik ukiunik kikliqaqtuq. Tugliq CPHO daaktiuyukhaq uvalu piqaqluni ayuittiarnikkut titiraqhimayaanik Ministap. Havaktuq inaani haffuma CPHO humi una CPHOnguyuq talvaniingitpat, havangitpat piqangitpaluuniin CPHOmik. Imaa havagvianun, Tugliq CPHO havaagiblugillu ukua MHO unalu EHO.

close
Hunauvat havaagiyakhait Aanniaqtailinikkut Havaktip (MHO) uvani nutaami Inungnun Aanniaqtailinirmun Maligami pitquidjutinilu?

CPHO-nguyuq tikuaqhiyaaqtuq daaktimik haffumunga MHOyuumun. Tamna MHO-nguyuq Daaktiuyukhaq uvalu ayuittiaqhimaluni titiraqhimayaani Ministap. Una iluaniituq ilauyuq maligaq pipkaiyuq aalamik inungnun aanniaqtailinirmun daaktimik tikuaqtauyuq inugiakhivaliakpat hivungani uvaluuniin qanuriniatigut piyakhaukpat.

Tamna MHO-nguyuq ihivriuqhiyukhaq quyaginaq aaniarutinik huiqnirmunlu uvalu tunihiluni pitquidjutinik ilauyut qayangnautinun inungnun aanniaqtailinirmun ilauyut:

  • hiamittaaktut Aanniarutit
  • hiamitingitut aanniarutit uvaluuniin
  • uniudjutauyaaqtuq hulidjut
close
Hunauvat havaariyait Avatiliqiyit Aanniaqtailinikkut Havaktip (EHO) uvani nutaami Aaniaqtilinirmun Maligani uvalu Pitquidjutini?

EHO-nguyut tikkuaqtauhimayut hapkunanga CPHOkunin uvalu piqaqtughat ayuittiaqhimayut havaktauhimayut pitquyaitigut Ministap. EHO-nguyut piqaqtughat amigaitunik munaridjutinik:

  • Munarilugit, ihivriuqlugit uvalu havaklugit qyangnautinun naunaiyautit ilauyut aanniaqtailinirmun hivuuranaqtut;
  • Tunihilutik tamainun pitquidjutinik ilauyut aanniaqtailinikkut hivuuranaqtut piyariaqaqata;
  • Tuniyauyut pitquidjutit ilauyut hiamitiqtunun aanniarutinun uvalu atuliqlugit, nayugait hunat tapkua halumaiqhimayut haffuminga pathogenmik;
  • Tuniyaulutik tuhaqtidjutinik aulapkaiyumin imarmik auladjutainik imaq qayangnaqqat uvaluuniin ihuangitpat imap ihivriurutait maliktaungitpallu Pitquyauyut. Una EHO uniudjutigiblugu una kangiqhidjut hapkununga MHOkunun;
  • Munariblugit huradjat ihumagiyauyut aanniarutiqaqtut uvaluuniin aktungnirmun huradjanun aanniarutit ilauyut pitqulugu nanminiqaqtuq huraamik, inuk pamiqhaaqaqtuq uvaluuniin anguhiqiyi, maligaliqiyi, piliihima havaliqlugit munaridjutikhait huraap;
  • Havaklugit ihivriurutit angirutikkut uvaluuniin titiqamik pilugit hunat kitut qanuriniit.
close
Aanniaqtailinikkut munaqhiyut ayuittiaqhimayut munariyaqaqat ataani Inungnun Aanniaqtailinirmun Maligami Pitquidjutinilu?

Aanniaqtailinirmun munaqhiyut atyuittiaqhimayut ( daaktit, kiguhiqiyit, munaqhit, ingniyunik ikayuqtit uvalu iksuliinik havaktut) piyariaqaqtut uniudjutigilugit puisiqaqtut puisiqangitut hiamitiqtut aanniarutit, qanuriniit, timit aulaniinun ihuanginirit aalalu aanniarutit kansuqhimayut uvalu aanniarutit kapuqhiqhimayunun. Kiklighaqarnirit uniudjutit titiraqhimayut maligahani.

Aalat attautit piyariaqaqtulu uniudjutilugit ukua:

  • Tuqungayuliriyi;;
  • Inuit munaqhiyut havagvingni pittiaqhimalutik hiamitirnirit havagvingni;
  • iiliqiyit hiamitiqtunun aanniarutinun iiyinun;
  • Havaktit angiqtauyut munarilugit kapuqhiutit pittiarniranun munaridjutait kupuqhiutit, ihuidjutit malikhugit kapuqhirnirit uvalu kapuqtut ihuinaaqhutik;
  • Anguhiqiyit Maligaliqiyillu Havaktit pidjutiqaqtut huradjatigut aanniarutinik uvalu huradjat akturniitigut.

Aanniaqtailinirmun havakti ayuittiaqhimayuq ukpiruhukumi tamna inuk hiamitiqtumik aanniarutiqarumi, imailiuqtughat, ihuangnikkut, pilutik uuktuutinik uuktuqtauyaanginik. Tunihiyukhallu aanniaqtumun kangiqhidjutinik mikhaagut aanniaruti[ uvalu qanuq hiamitiqtinagu. Aanniaqtuq nuutitaugumi aalamun munaqhiyumun ayuittiaqtumun, nuutiriyuq inuk uqautigyakhaa tuniyauyuq munaqhi ayuittiaqhimayuq tahapkuninga munaridjutikhainik kitut munariyakhariliqtait nutaap munaqhip ayuittiaqhimayup.

close
Hunauvat munaridjutait Huradjaliqiyit, Anguhiqiyit havaktiit uvalu Maligaliqiyit Havaktit?

Huradjaliqiyit, anguhiqiyit maligaliqiyiilu uniudjuiyukhat ihumaguhungnirmun uvaluuniin tuqikhaqhimayut huradjat aanniarutait uvaluuniin inungnun aktungirit huradjat tapkua ilihimayauyut uvaluuniin ihumagiyauyut aanniarutiqaqtut huradjat aanniarutainik. Inungnun atungnirit ilauyut nuvainun uvaluuniin qaritangmun kiitiqnikkut, qitughirnikkulu, kilaanirit inuup.

Hffumuuna pidjutimun, una EHO pitquidjutiliuqlutik mikhaagun huradjap pamiqhaaqaqtumun, inuk pamiqhaaqaqtuq huradjamik, anguhiqiyi, maligaliqiyi piliihimaluuniin pitqulugit:

  • Agitilugu huraaq huraaliqiimun;
  • o Tigulugu huraaq, ilikuuqtilugu huraaq niqighaqaqlugu imigahaaniklu, uquangmiuvikhaanilu munarittiaqlugu aalanin huradjanin.

Ukua CPHOkut huraaq tuqutiquniaqtaa.

close
Hunauvat havariya taffuma Ilihaqvikmi Ataniuyup?

Illiniaqtuliqiyit Maligaa uqaqhimayuq tapkua iliharvingni atanguyat, humi apiriyaukpata CPHO, qingiyukhat nutaqamun kinali hiamitiqtumik aaniarutiqaqtuq hiamitirniaqtuq aalanun nutaqqanun. Inungnun Aanniaqtailinirmun Maligaq tunihiyuq hapkununga CPHOkunun angiyutinik tuyuqlugit kangiqhidjutit atanguyamun taimaali Ilinniaqtuliqiyit Maligaat maliktauyaangani

close
Haamlatkut uqaqtauhimayut uvani Inungnun Aanniaqtailinirmun Maligami Pitquyauyunilu. Hunanik munaqhivat?

Haamlatkut kuapaliisiit piqaqtut munariyakhamingnik ilauyut:

  • Aulapkaqlugit imiqtautit auladjutait tapkua tunihiyuq imiqtautinik tadjamin hivunganilu piumayauyut ikualaaqtununlu qaptirutaublutik. Imiqtautit auladjutait aulapkaqtauyukhat munariyaulutiklu halumalugillu tamainun qauyangnautikkut ihariagiyauyut halumaiqtailiblugit uvalu aalat qayangnautit. Ihivriuqtauhimaaqtughat uvalu uuktuqtauhimaaqlugit. Imaq qayangnautiqaqat quyaginaq qanuriniinun, una uniudjutigiyauyukhaq hapkununga EHOkunun.
  • Aulapkaqlugit munarilugillu anaqtautit auladjutait kitut ihuaqtut tadjamin hivunganilu piumayauyut. Pihimayauyukhaq halumalugit uvalu halumanikkut pihimayumik taimaa halumaiqtailinikkut niqinun imarmunlu uvalu munaridjutiqaqtuq inungnun aalanilu qayangnautinun.
  • Aulapkaqlugillu iqakkut aalallu igitauyukhat.
close
Kinalu munaridjutiqaqa nutaamun Maligamun uvalu pitquyauyununlu?

Aulaaqtunun Aulapkaiyit ilituripkaqtaghait ukua CPHOkut hivuani hiniktarvikhat havaktautinagit angmaqtinagillu. Hiniktarvik tunihiyukhaq qayangnaitumik imigahamik, anarvingmik uvalu iqakuuvikhamik. Aulaaqtunun aulapkaiyuq piyriaqaqtuq uniudjutilugit ukua CPHOkut quyaginaq uniudjuqtauyaaqtunun maliganun.

Inmikkut Kivgaqtuutit Igluqpanik Aulapkaiyit tunihiyukhat halumayumik uvalu avatiinunlu halumapkailutik. Hapkua kivgaqtuutit ilauyut nuttanik piniqhaiyit, kukliqiyit, kakiniit, piniqhautit, hilalihaiyilu.

close
Qanuq inmikkut aanniaqtailinikkut kangiqhidjutit munaridjutiqaqtut nutaami Inungnun Aaniaqtainirmun Maligami Pitquyauyunilu?

Ukua CPHOkut katitirniaqtait kangiqhidjutit aalakiinun pidjutikhanun munaridjutikhainun aanniarutit aulaniit, ihivriuqlugit uvalu qayangnautit inungnun aanniaqtailinirmun, pinahuarutit upalungaiyautait uvalu naunaiyautait ihivriurutaillu. Ukua CPHOkut pihimayukhat havaklugit nakuutqiatigut aanniaqtailinikkut kangiqhidjutit ihuaqpiarnikkut iniqtiqlugillu kikliilu naunaiyattiaqhimalugit kangiqhidjutait. Tapkuanginait nalunarnikkut naunaiyaruminangitut kangiqhidjutit tuhaqtitauyukhat kitunun qanuriniitugut pihimalugit inuup naunaiyaruminaqtukkut kangiqhidjutit. Nalunarnikkut naunaiyaruminangitut kangiqhidjutit ilauyut attautit aktilaangit kangiqhidjutit hiamitiqtughaungitut, imaa attautit naunaiyaqtaulimaitut. Una ilauniaqtuq kangiqhidjut tamna ilaqaqtuq taimaali pidjutiqaqtuq inungnun attauhiungitumun.

close
Hunauva Inungnun Aanniaqtailinirmun Qilamaiurutit?

Hunauva Inungnun Aanniaqtailinirmun Qilamaiurutit atuqtauyut humi inungnun aanniaqtailinirmun aktilaangit atuqtauvangniit ihumagiyaugumilu tapkua taiyauhimayut aktilaangit piyariaqaqtut. Uuktuutit inungnun aanniaqtailinirmun qilamiurutit ilauyut hiamitiqtut aanniarutit hiamitiqtulu Ebola. Atanguyaq Inungnun Aanniaqtailinirmun Havakti uniutilugu Minista qanuriniagut uvalu Minista uqariiyautigilugu inungnun aanniaqtailinirmun qilamiurutinik kitut hivitunikhaa 14 ubluni kihimi hivituqyuumiyaaqtauyaaqtuq taimaatauq 14nik ublunik.

Uqauriiyaut inungnun aanniaqtailinirmun qilamiurut tunihiyuq haffumunga Atanguyamun Inungnun Aanniaqtailinirmun Havaktimun angirutikkut ilaliutilugit aktilaangitigut piliqlutik aanniarutikkut havautikhanik tamayaniklu, atuqtunun inungnun uvaluuniin nanminiqaqtunun (aihimaviungitut) ihariagiyaunikkut inungmiihuirutit attautinun, uvalu aulaqtailinirit.

close
Huna ihumagiyauva aanniaqtailinirmun hivuuranaqtuq?

Inuuhirmun hivuuranaqtut naunaiyautaa qanurinia, hunaunia, huna uvaluuniin hulidjut tamna hivuuranarniaqtuq inungnun aanniarnirmik uvaluuniin ulapiqutauluni aanniaqtilinirmun, aannirnirmun aalalu qayangnatut inungnun inuuhiinun.

Aaniaqtailinirmun Hivuranaqtutigut titiraqhimayut haffumani Inungnun Aanniaqtailinirmun Maligaq uqautigiyaat ilangit kitut niqitigut, imaqtigut, anaqtautitigut, iqaquurnikkut, inmikkullu kivgaqtuutikkut.

close