Aquinahuaqqat Hilataani Kaanatap

Munarhiliqiyiitkut uqautiliqtut ihumaliruvit niuviriaqni aquinahuarniqmut akiliuhiarutikhanik aullaqtinnatit Kaanatamit haalitiirialiruvit akuniraalukmikluuniit aullaqhimanahuaruvit Kaanatamit.

Ihumagiyakharaluat uqaqatigilugit Nunavunmi Aaniarviliqinirmut Naunaitkutingit Atiliurutit Havakvinganut,  1-800-661-0833, aullaqtinnatit aullaqhimanahuaruvit nunavunmit kaanatamitluuniit aullaqhimanahuaruvit 6nik tatqirhiutini.

Tamna Nunavut Munarhiliqinirmut Nampanginnik akiliqpagait atauttimuungittumik akingit qilamiuqtuqaqqat munariliqiyukhamik piyuq Nunavut taaktiliqinirmut akinginnik naunaitkutat angiqtauyuqlu Nunavunmi aaniarviit atayut akingit.  Akhaluutikkut tingmitikkutluuniit aaniarviliarutiuyut akingit akililimaitait.

Uvva uuktuut aquihimagumik Kaanatamit manik utiqtittiniq * aquinahuaruvit Amialikamut taaktiliqinahuaruvit:

         Qilamiuqtuqaqluni taaktiliqiniq Amialikami      $1700.00

         Nunavut manik utiqtiniaqtaat                          $ 287.00

         Qilamiuqtuqaqluni taaktiliqigumi

         Amialikamiitilluni                                           $ 300.00

         Nunavut akinganik utiqtiniaqtuq                       $  90.60

Tunivaklutit akiliqtarnik naunaitkutingit ukuatluuniit akiliqtakhat ukununnga Nunavunmi Munarhiliqinirmut Akiliuhiarutikhat Pinahuarutit ihumagiyauyukhat tuyuqlugu uumunnga:

            Nunavut Health Insurance Programs Office
            Department of Health
            Box 889
            Rankin Inlet, NU
            X0C 0G0

            Hivayautikkut: (867) 645-8001
            Kayumiktukkut: (867) 645-8092
            Akiittukkut: (800) 661-0833
            Qaritauyakkut

*Amialikamiut munarhiliqiniqmut akingit aatlangayut, manik utiqtitjutingit piyakhat Nunavut Kavamanganit aatlangurniaqtuqlu.