You are here
Aullaarniq Avaliingaaqtukhakkullu
COVID-19 (Novel Coronavirus) Qalagjuarnikkut Atuqtakhat
Aanniaqtailinirmut Havagvia nutqarniaqtuq pinikkut avaliingaarvingnin upagiaqtuqvikhanik uvani Fibjuali 19mi. Aullaaqtun tadja ittun hivuraani avaliinngarvingni taapkualluunniit pijukhaujariiqhimajun itiriami hilataani-nunaptiknin avaliingarvingnun, pidjutiqarniaqtun naliinnik aulahimmaaqtirlugin avaliinngaarutimingnik, nutqaqtilluguluunniit avaliingaarutikhaminik ihuarhaqtauhimajumik aallaniklu ihuarhailutik ingmiknik akiliqtuilutik.
Talvannga Fibjuali 28, 2022min, kapurhiqtauhimaittun ilanginnarnikluunniit kapurhiqtauhimajun Nunavunmiutat, aullaaqtaaliqtun nunamingnun talvuuna takupkainikkut naunaitkutimik piqangittukkut COVID-19 qalagjuarnikkut uuktuutimi pihimajumik ilauni 72nik ikaarnirnik hivuagun aullaaqtiqtinnani. COVID-19 qalagjuarnikkut uuktuutit hailihimajun akiittumik atuqtaulluaqpakhimajunin tingmitiqarvingnin Kanadami.
Aihimalirumik nunamingni, kapurhiqtauhimangittun, taapkualluunniit ikitqijanik pingahunin kapuutinin COVID-19 qalagjuarnikkut kapurhirutinin, aihimajukhat qulinun (10) ublunun. Aihimaniq aullaqtirniaqtuq ublunganin kapurhiqtauhimangittumin inungmin tikitpat Nunavunmun. Iglumiutaqatigiit kapurhiqtauhimangittun ilainnarnikluunniit kapurhiqtauhimajun aihimajukhaujullu qulinun (10) ublunun.
Talvannga Fibjuali 19, 2022min, Nunavutiup hilataani-nunaptiknin avaliingaariaqtukvikhat pinialiqtun taapkuningainnarnik kapuqhiqtauhimangittunik ilainnarnikluunniit kapurhiqtauhimajunik Nunavunmiutanik taapkuat uuktuutimin naunaiqtun aannialaqihimajun COVID-19 qalagjuarnirmik aanniarnikkut aullarhimatillutik.
Kavamatuqait Kanadami Maliktakhat pitqujait tamaita tingmijun avatquhimajun ukiunginni 12ni tingmijuk tunitquijun titiqqanik kapurhirhimanikkut naunaitkutainnik tingmijaamingni.
Kajumiktut COVID-19 qalagjuarnikkut uuktuutit hailihimajun Iqalungni tingmihiarviani. Una inuup-ingmigut uuktuutia tunijaujuq tingmitiqaqtunin qanurittaakhaaniklu naunaitqutiqarniaqtuq imaakiaq 30 minitsini. Tingminahuaqtun uqaqatigijakhait tingmitiqaqtun aallanik ilitturittiarutikhanik tamainni qanuriliurutimi ilaliutilugulu ubluqhiutikhat tingmidjutikhamingni upalungaijautimingni. Ilihimalugu: Nunavunmi, una uuktuuti talvaniinnaq hailihimajuq Iqalungni tingmihiarviani. Nunavut Kavamanga tunihimangittuq uuktuutikhanik pidjutainni tingmidjutikhanun.
Aallanik ilitturittiarutikhanik kavamatuqatkunni tingminikkut pitqujaudjutinik hivajaqlugu 1-833-524-0733.
Tingminikkut Pitqujauhimajun ataani kavamatuqatkunni maliktakhainni
Tadja, tamaita tingmijukhat tingmijun ukunani Nunavunmi nunallaani tingmihimangittut talvuunga Iqalungni tingmitiqarviani, pidjutiqangittun kavamatuqatkunnin
maliktakhainnin, imaatun tunijariaqangittun kapurhirhimanikkut naunaitkutimik, angirutimik piluniluunniit COVID-19 qalagjuarnikkut uuktuutimik iniqtirluniluunniit titiraqluni uqariijautimik.
Tamaita tingmijun, ilaujullu aanniarnikkut tingmijun, aullaqtiqtun aullaarhimaaqtukhalluunniit Iqalukkuurlutik, naliinni nunaptikni-hilataani tingmidjutinik ukununaluunniit nunaptikni tingmidjutikhanik, maliktakhaa kavamatuqatkunnin pitqujauhimajun, tunilutiklu nammagijaujunik titiqqanik. Tingmitiqaqtullu piqarniarungnarhijullu ingmingnik havagutikhanik naunaijainikkut kapurhiqtauhimanikkut naunaitkutainnik. Akhuuqtavun tingmijukhat uqaqatigilugin tingmitiqaqtun aallanik ilitturittiarutikhanik.
Ataani kavamatuqatkut maliktakhainni, pitqujauhimajun titiqqat ilaqarniaqtun atauhirmik amigaitqijaujunikluunniit hapkuninga, pidjutaanin kapurhiqtauhimanikkut naunaitkutainnin. Tamaita tingmijukhat pijukhat hannairiikhimajakhait hivuagun ikhuraqtinnatik tingmitimun.
Tamainnik kapurhiqtauhimajun tingmijukhat:
Qimaliqtaa Nunavut:
Tingmiliqtun talvannga, talvuunaqtulluunniit, Iqalungni tingmihiarvikkut:
- Naunaitkutaq kapurhiqtauhimanikkut titiqqamik uuminngaluunniit PVC-mik.
Tingmijuq Kangiqlinirmin Iqaluktuuttiamilluunniit:
Tadja, titiqqanik pitquihimaittun tingmijaami qimaklugu Nunavun Kangiqlinirmin Iqaluktuuttiamilluunniit. Kihimi, ukuak Yellowknife unaluunniit Winnepeg KINGULLQPAANGUNGITPAT tingminikkut upakvikhaq, hapkuat pitqujauhimajun:
- Naunaitkuti kapurhiqtauhimanikkut titiraq unaluunniit PVC-mik.
Nunavunmungauliqtuq:
- Naunaitkuti kapurhiqtauhimanikkut titiraq unaluunniit PVC-mik.
Kapurhiqtauhimajun tingmijun uuktuutilgit aannialaqihimajumik pitqujaujun avaliinngaaqtiqtukhat ataani kavamatuqatkunni maliktakhainni hivuagun ikipkaqtautinnatik tingmitimun. Nunavut Kavamanga tunilimaiqtuq hilataani Nunavunmi avaliingaaqvikhanik tingmijullu ingmiknik munariliqtukhat avaliingaarutikkut akiinnik.
Itqaumaluhi, PVC titiqqat pijauttaaqtun uqaqatigilugin nunallaarni munarhitkut qaritaujakkulluunniit titiqqilugu vaccineexemptions@gov.nu.ca. Ukununga kapurhiqhimanikkut ilaunginnikkut uukturutikhanik takulugu: Kapurhiqtauhimamuni tingmijukhani.
Tamaita ilanginnik kapurhiqtauhimajunik ukunaniluunniit kapuqhiqtauhimangittuni tingmijukhani:
Qimaliqtaa Nunavut:
Tingmiliqtun talvannga, talvuunaqtulluunniit, Iqalungni tingmihiarvikkut
- Aanniarutiqangittumik COVID-19 qalagjuarnikkut kajumiktumik uuktuutimik uuktuqtaujuq iluani 72ni ikaarnirni tingmivikhaanin, imaaluunniit
- Naunaitkutaanik aanniarutiqaqtumik COVID-19 qalagjuarnikkut uuktuutimik ubluqaqtumik ikinikhaanun kiklinganik 14nik ubluni hivuagun kihimi avatquhimangittumik amigaitqijaanik 180 ublunik hivuagun tingminahuat ihuarhaqtauhimajunin tingmidjutikhaanin ubluqhiutaanin.
Tingminahuat Kangiqlinikkuurlutik Iqaluktuuttiakkuurlutikluunniit:
Tadja, titiqqanik pitquihimaittun tingmijaami qimaklugu Nunavun Kangiqlinirmin Iqaluktuuttiakuurlutikluunniit. Kihimi, ukuak Yellowknife unaluunniit Winnepeg KINGULLQPAANGUNGITPAT tingminikkut upakvikhaq, hapkuat pitqujauhimajun:
- Anniarutiqangittumik COVID-19 qalagjuarnikkut kajumiktumik uuktuutimik uuktuqtaujuq Yellowknife-mi Winnipeg-miluunnii, iluani 72ni ikaarnirni tingmivikhaani kingulliqpaamun upaktarnun, imaaluunniit
- Naunaitkutaanik aanniarutiqaqtumik COVID-19 qalagjuarnikkut uuktuutimik ubluqaqtumik ikinikhaanun kiklinganik 14nik ubluni hivuagun kihimi avatquhimangittumik amigaitqijaanik 180 ublunik hivuagun tingminahuat ihuarhaqtauhimajunin tingmidjutikhaanin ubluqhiutaanin
Nunavunmungauliqtuq:
Tamaita ilanginnik kapurhiqtauhimajunik kapurhiqtauhimangittulluunniit tingmijun (taapkuangungittun aanniaqtukkut tingmijun nutaqqalluunniit ukiulgit ataani 12nik):
- Tamaita ilanginnik kapurhiqtauhimajunik ukuallu kapurhiqtauhimangittun Aanniaqtukkut tingmijun:
- Anniarutiqangittumik COVID-19 qalagjuarnikkut kajumiktumik uuktuutimik uuktuqtaujuq iluani 72ni ikaarnirni tingmivikhaanin.
- Nunavunmiilirumik, ilaupkaqtitauhimangittut ilanginnik kapurhiqtauhimajunk kapurhiqtauhimangittullunniit tingmijun maliktakhat avaliingaaqtukhaujukkut pitqujauhimajun uumannga Atanilluaq Nunallaani Aanniaqtailinikkut Havaktimin (CPHO). Ilitturittiarutikhat pitqujauhimadjutini takujauttaaqtun uvani Nunavunmi Avaliingaaqtirnikkut maliktakhani.
Kapurhiqtauhimajuni tingmijukhani
Kinali ihumagijaujuq tamaat kapurhiqtauhimajuq malruungnik havainirniit qaangiqhimaliqqata pininganin hivulliqpaamin kapuutimin uumannga Kanadaup Kavamanganin angiqhimajumin COVID-19 qalagjuarnikkut kapuutikhamin.
Ilaunginnikkut havaguti ukununga tamaat kapurhiqtauhimajunun tingmijunun
Kapurhiqtauhimajun tingmijun taamnainnarmik naunaitkutimik kapurhiqtauhimanikkut titiraqmik (PVC) tunihimajuq nunamin kapurhirvingmingnin Nunavunmungaujaami. Kapurhiqtauhimangittun nutaqqat ataani ukiulgit 12nin tingmijaaqtait munaqtitik pilgit atuqtumik kapurhiqtauhimanikkut titiraqmik. Kinalu kapurhiqtauhimajuq Nunavunmi pijaaqtuq PVC-mik kapurhiqtauhimagumik upakhugin nunamingni munarhitkut, Iqaluit Inungnun Aanniaqtailinikkut munarhiliarvik, qaritaujakkulluunniit titiqqilutik vaccineexemptions@gov.nu.ca. Taapkuat munarhiliarniarhimajun upautilutik apirijaujun hivajaqtakhait hivuagun ihuarhailutik munarhiliarutikhamingnik.
Aallanik ilitturittiarutikhanik pinikkut PVC-gijarnik ahinin aviktuqhimanirmi ukiuqtaqtumilluunniit, takulugu: https://www.canada.ca/en/immigration-refugees-citizenship/services/canadian-covid-19-proof-vaccination/get-proof.html.
Nunavunmi Avaliingaarnikkut maliktakhat
Kapurhiqtauhimajun inuit ilitturijauhimajun pilgit COVID-19 qalagjuarnirmik avaliinngaaqtukhat saivanik (7) ublunik.
Kapurhiqtauhimangittun inuit ilitturijauhimajun pilgit COVID-19 qalagjuarnirmik avaliinngaaqtukhat qulinik (10) ublunik.
Avaliingaarnirniup hivitunia aannialaqidjutimi piniaqtuq talvannga aullaqtirnianin naunaitkutinin uumanngaluunniit ilitturijauhimajumi aannialaqidjutimi uuktuutimin naunaitrutaanin. Avaliingaarutit hivitujuummiqtirniaqtun taimaatun inuk mihingnautiqangitpat uvani 24ni-ikaarnirni.
Pitqujauhimaguvin avaliingaaqujauhimanikkut aktuqtaunirmin COVID-19 qalagjuarnirmin uumanngaluunniit piqpialiqtumin aannialaqihimanirmin, pijaaqtaarungnarhijutin avaliinngaarnikkut ikajurutikhanik. Aallanik ilitturittiarutikhanik, qaritaujakkut titiqqiluguluunniit isolationsupports@gov.nu.ca.