Havaktingit

You are here

COVID-19 Kappuutit Havautit

Tamaita Nunavummiut tallimanik ukiuqaqtun avatquhimajuniklu pittaaqtun COVID-19 qalagjuarnikkut kapuutikhanik. Tadja, Nunavut hailihimajaa una Moderna SPIKEVAX ukununga Nunavummiunun ukiulgit 18nik avatquhimauniklu ukuninngalu Pfizer-BioNTech Comirnaty mRNA kapuutikhanik. Ukununga Nunavummiunun 18ngujunun avatquhimajunullu.

Kapurhiqtauninginni Nunavunmiunnik piqpiarutaujuq uvani Nunavutip Apqutikhaani. Atauhiujuq nakuuqpiaktuq ikajuutikhaqqut aannialiqtailitikhaptingnik COVID-19 qalagjuarnirmit.

Kapuutikhaq pijariaqangittuq pijumajaungitkumi. Kinalikaaq kapuhiqujaulimaittut kapuqhirumangitkumik, kinalikaaq kapukhilimaittuq atiliuqarnatik angirunmik.

Ihumaliurutikhat inungmit angirunmik, kihimi aktuutauhungujuq nunagijapta inuuhikhanut, taffumungalu Nunavunmi inungnut aannialirnaittumik kikliqarutainnun.

Nunavut Kavamanga (GN) ikajurumajait Nunavunmiut ihuaqtumik ihumaliurutikhanik tunihilutik amihunik naunaitkutikhainnik kapuutikhat tikitpata haililiqqatalu. Kapurhiqtuidjutit tuniutaillu tunnganiqarniaqtun nakuutqijaujuni hailihimajuni naunaitkutini qaujihimajaujunilu. Una pidjuti hapuumidjutiniaqtait aanniaqtailidjutait inuuhirikhimadjutaillu tamainni Nunavunmiunni.

 

COVID-19 Qalagjuarnikkut Kapukhiqtut Qaffiutilangit

*Atauttimut kapurhiqtut qaffiutilangit nutannguqtiqtauqattaliqpaktut kihimik ikitqijauniarunaqhijuq kihitaunianniit.

Naunaiyautit/Kiklighallu:

Una kangiqhidjut tautungnaqtut qaffiuniit kapuqhiqtut nunallaani talvunga Januali 4, 2021. Pusantinga kapurhiqhimajut kapputit kapurhiqtut aviktuqhimajuq Nunavunmi inugingningagut itqurniaqhugit 18-nik ukiuqaqtunut avatqumajunikluuniit.

Aviktuqhimayumi atautimun kapuqhiqtut ihuaqpiaqtut naunaiyautit. Nunallaat aktilaangitigut naunaiyautit havaktauliqtut piyaangini ihuaqtunik tuniyaangini. Nunallaatigut atautimut ihuaqhaqtauniaqtut piyariaqaqata.  Una pidjutiqangniaqtuq aalangadjutinun pusatiinun nunallaatigut.

Kapuutit tuniyauyut nunallaanun kitut munariyauyut.

Atautimun kapuqhiqtut nunaqaqtut nunaqangitullu, ilauyut himauhiqataaqtut havaktit.

Amigaittunit nunallaanit inuit kapurhiqhimajut kapuutimik malrungni aallatqiiktungni nunallangni, imaaluuniit nunagingitamingni.  

Atauhiq inuk kapuqhiqhuni hivulirmik tuglirmikluuniin hilataani inmi nunallaamingnin.

Una pidjutiqangituq inungnun kitut kapuqhiqhimayut ilanganik tamangnikluuniin hilataani aviktuqhimayup.

Anginirhaq pusatinga atauhirmi nunallaami aadjikutaringitaa katitiqlugit aannialaqilimaitunun aanniaqtailidjutighainik. Piqangituq havaktauhimayunik naunaiyaqhimayuluuniin pusatingit hunat Katitiqlugit aannialaqilimaitunun aaniaqtailidjutighainik qalagyurnirmun COVID-19. Hunaungmangaata Katitiqlugit aannialaqilimaitunun aaniaqtailidjutighainik piyaulimaitut tadjamin kapuqhirnikkut angurutinik (imaatun kapuutighaqangitut nutaqanun ukiuqaqtunun tualunik).                            

Pittaarvia:

Naunaiyainiq Kanatami, Inugiangniitigut Havagvia, Taiyauhimayut ihuaqhafaaqtauhimayut naunaiyautit. Upaulgaiyaqtaat ukuat: Nunavunmi Havagviat Kihititiliqiyunik, Ubluqtuhivia 27, 2021.

Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.

Kapuqhiqtaaqtut inirnirit nunallaani naunaiyaqtauyut qaffiuniit atautit 18mik avatuqumayumikluuniin ukiuqaqtut talvanga 2020 inugiangnirit itqungniarutait.

Nunallaat inugiangnirit itungniarutait "iniqtauhimangitut" pihimanginmata iluaniitut amigaiqyuminirit (inuuyut, huiqtut, nuutiqtullu). Atuqtauyughat qayagilugit. 

 

Talvuuna Moderna SPIKEVAX Kapuutikhami

Hivulliqpaak kapuutikhat hailijut Nunavunmi tamna Moderna mRNA kapuuti, attiqtauffaaqtuq SPIKEVAX. mRNA, naunaitkutaujuq tuhaqtitaunikkut RNA taimaittutullu ittuq naunaitkutaupluni avuutaupluniluunniit atauhirmun qanurittumun protein-mun timit piliuqpaktaanik. Tamna Moderna havautit kapuutit tunihivaktut mRNA imaalu ilihaudjiplutik timipta ilanginnik mikannuat piliurnirmik aannialaitkutikhanik COVID-19 qalagjuarnirmit. mRNA havautit kapuutikhatit aannialiqtittunaitatit COVID-19 qalagjuarnirmi piqanginnamik ilanginik COVID-19 qalagjuarnirmik aannialaqidjunmik.

Tamna Moderna havautit kapuutit tunijauvaktut malrungnik kapuqhiqhutik kinguliriiktaqhutik – 21ni ubluni qaangiutaanin kapurhiqqaarnirmin – kapuqhiqhungujut akiittumik tamainut pillajunut Nunavunmiunut ukiulingnut 12nik avatquhimajuniklu.

Hivuagun angiqtautinnani, Moderna ilihaqpaktuq ukunani 30,000 inungni, tautukhimajuqlu imaatun 94%mik havagutiqaqtuq mikhilaaqtirnikkut ingattaumadjutingani aannialaqidjujtimin uumannga COVID-19 qalagjuarnirmin. Taimaatun kapuruhiruti ikajuraluaqtillugu mikhilaaqtirnikkut hiamitaarutaa, kinguagullu kapuqtauhuiraangat inuit huli himipkaqtaaqta aannialaquti. Kapurhiqtauniq anginiqaqtuq mikhilaaqtirnikkut hiamitirutinik pittailinikkullu ingattaqhimajunik aannialaqidjutinik aanniaqtuni. Taimaalu kapurhiqtauhimajun inuit malikhimmaaqtakhait inungnut aanniaqtailinikkut maliktakhat imaatun ivjarutinik-atimanikkut alganiklu uarnirnik. Hapkuat inungnut aannialiqtailitikhanut maliqujauhimajut ihuaqpiaktullu aannialiqtailitikhanik aallanik puvangnut aanniarutinik.

Tadja, tamna Moderna kapuutikhaq angiqtauhimaittuq aturnikhanut inungnut ukiunikhimaittunut 12nik.

Anginiqaqtuq taimaa Nunavunmiut apiqhilutik nunamingni aanniarviinni ajuiqhattiaqhimajunik, hivuagut kapittiqtinnatik taffuminga kapuutikhamik aannialaqittaarumik, inuuhirmini hakuirumik aanniarutimingnin imaaluuniit allergic-himagumik nakuuhuirumik atauhirmit amigaittunilluunniit ilaliutihimajunin umunga kapuutikhamun.

 

Ilaliutihimajun:

Havautikhanut ilaliutihimajun:

(mRNA)

Havautaungittut ilaliutihimajun:

  • acetic acid
  • cholesterol
  • DSPC (1,2-distearoyl-sn-glycero-3-phosphocholine)
  • PEG2000-DMG(1,2-dimyristoyl-rac-glycerol,methoxy-polyethyleneglycol)
  • lipid SM-102
  • sodium acetate trihydrate
  • sucrose
  • trometamol
  • trometamolhydrochloride
  • imaq kapurutikhamun

 

Moderna Kapuutimin mihingnarutigujauvaktun:

Kapurhirnianit hulaqutit:

  • Aannirnalaqinirmik kapuqhirniani.
  • Unaguhungniq.
  • Niaqurliurniq.
  • Nukini aannirnalaqiniq iqaalaqinirlu.
  • Qaalin’nguhuktuq.
  • Kidjangniq.
  • Puvinniq aupadjangniqluunniit kapurhirviani.
  • Mirianguhungniq miriaqtuqluunniit.
  • Angiglipkarlutik qiniqhinait.

 

Hapkuanginnaungittun mihingnarhittaarutit ilingnun piguvin Moderna SPIKEVAX COVID-19 Qalagjuarnirmun Kapuutimik. Mihigihimaguvin qajaginnaq mihingnautinik titiraqhimangittunik hamani, unniutidjavan munarhitkut.

PIqaliruving qujaginnaq qajangnaqtunik naunaitkutinik ukuningaluunniit naunaitkutinik allergic-himanikkut pidjutainnin, takujaqtudjavatin munarhitkut tadjainnaq. Naunaitkutit allergic-himalikkut ilaqaqtun:

  • Mannguqtait (mannguqtat uviningmi kukungnaqpiaqtun).
  • Puvinniq akuliami, uqarmi iggiarmiluunniit.
  • Ajurnarhijuq anirhaaktariami.

Kapurhiqtijiit upalungaiqhimajun qilamik hanaqidjutijaami allergic-himajunun hulaqutainnun.

 

Uumani Pfizer Comirnaty Kapuutikhami

Pfizer-BioNTech hivulliuvaktuq COVID-19 qalagjuarnirmun kapuutikhat hailihimajuq Nunavunmi inulrammiinnun ukiuqaqtunut 12mit 17mut tadjaluttauq nutaqqanun ukiuqaqtunun 5mit 11mut. Pfizer, kinguagun attiffaaqtaujuq Comirnaty unaujuq mRNA kapuutikhaq, Moderna-tut, ajuirhautivaktaa timit piliuriangani qanuringaqpiaqtumik protein-mik atuqtauniaqtuq ikajurlutin piliuraimi hapummidjutikhamik COVID-19 qalagjuarnirmun. Pfizer tunijauttaaqtuqlu inirninun

Tamna Pfizer kapuuti tunijauvaktut malrungnik kapurhiqhutik – 21ni ubluni qaangiqqat hivulliqpaamin kapurhiqqaarninganin – hailihimajuqlu akiittumik tamainnun pijaaqtunun Nunvunmiunnun ukiuqaqtuni 5nit 17nut. Ihariagijakpat, pidjutaanin piqarnirnin, Nunavut tunijaunialiqtuq naamadjutainnaanun kapuutikhanik hivuagun tunijaami atauhirmik kapuutikhanik ukununga 5min 11mun ukiuqaqtunun. Pipkainingani naamajukhanik kapuutikhat hailihimajunik, Nunavut ihuarhainiaqtait tukliit kapurhirvikhat 8ni havainirni kinguagun talvannga hivulliqpaamin kapurhirnirmin taimaa piqarnirniit aullarikhikpata. 8nik havainirnik akunngani kapurhiqtauhimanirnin, ittuq ataani maliktakhani uumannga Kanadami Unniudjutikkut Katimajiinnin Kapurhirnikkunni ukununga nakuujuni hapummidjutikhanik uumannga COVID-19 qalagjuarnirmin.

Aannialaqirjualaitkutikhat piliuqpaktun hivitunirmi. Imaatut hivitujumik 2 havainiik timikput piliuqapktuq aannialaitkutikhanik COVID-19 qalagjuarnirmut. Aannialaqirjualaitkutikhanun, pijukhaujutin atauhiinnaungittumik kapurhiqtaudjutimik.

Hivulliqpaat Pfizer uuktuqtauhimayuq kapuqhiqtut uuktuqtauyut imaa 38,000 inuit ukiuqaqtut 16min avatqumayunullu kinguanilu uuktuqtaujun ilaliutihimayut 2,260 nutaqqat ukiuqaqtut 12min hamunga 15mun. Hivuagun angiqtautinnagin nutaqqanun ukuilgit 5min 11mun, uuktuqtaudjutit pivaktun ilaqaqtunik 3,000nik nutaranik. Una kapuuti naunaittuq avatquhimajumik 95%mik nakuuninganik mikhilaaqtirnikkut ingattarutinganik aannialaqidjutimi pijuq COVID-19 qalagjuarnirmin. Taimaatun kapuruhiruti ikajuraluaqtillugu mikhilaaqtirnikkut hiamitaarutaa, kinguagullu kapuqtauhuiraangat inuit huli himipkaqtaaqta aannialaquti. Kapurhiqtauniq anginiqaqtuq mikhilaaqtirnikkut hiamitirutinik pittailinikkullu ingattaqhimajunik aannialaqidjutinik aanniaqtuni. Taimaalu kapurhiqtauhimajun inuit malikhimmaaqtakhait inungnut aanniaqtailinikkut maliktakhat imaatun ivjarutinik-atimanikkut alganiklu uarnirnik. Hapkuat inungnut aannialiqtailitikhanut maliqujauhimajut ihuaqpiaktullu aannialiqtailitikhanik aallanik puvangnut aanniarutinik.

Anginiqaqtuq taimaa Nunavunmiut apiqhilutik nunamingni aanniarviinni ajuiqhattiaqhimajunik, hivuagut kapittiqtinnatik taffuminga kapuutikhamik aannialaqittaarumik, inuuhirmini hakuirumik aanniarutimingnin imaaluuniit allergic-himagumik nakuuhuirumik atauhirmit amigaittunilluunniit ilaliutihimajunin umunga kapuutikhamun.

Ilaliutihimajun (12ni ukiuqaqtunun avatquhimajunullu)

  • Havautinik ilaliutihimajun
    • mRNA
  • Havautaungittut ilaliutihimajun
    • ALC-0315 = ((4-hydroxybutyl)azanediyl)bis(hexane-6,1-diyl)bis(2-hexyldecanoate)
    • ALC-0159 = 2-[(polyethylene glycol)-2000]-N,N-ditetradecylacetamide
    • 1,2-Distearoyl-sn-glycero-3-phosphocholine
    • cholesterol
    • dibasic sodium phosphate dihydrate
    • monobasic potassium phosphate
    • potassium chloride
    • sodium chloride
    • sucrose
    • imaq kapurutikhamun

Ilaliutihimajun (5nin 11mun ukiuqaqtunun)

  • lipids (4- hydroxybutyl)azanediyl)bis(hexane-6,1-diyl)bis(2-hexyldecanoate)
  • 2[(polyethylene glycol)-2000]- N,N-ditetradecylacetamide
  • 1,2-distearoyl-sn-glycero-3-phosphocholine,
  • cholesterol),
  • sucrose,
  • tromethamine,
  • tromethamine hydrochloride.
  • sodium chloride
  • imaq kapurutikhamun

Nakuuhuirnaqtut kapuutinit Ilainnut Inungnut

  • ulurianarniq kapurhirniani
  • timimi qaalin’nguhuktuq
  • unaguhuktuq
  • kidjangaliqtuq
  • Puvinniq aupadjangniqluunniit kapurhirviani.
  • Mirianguhungniq miriaqtuqluunniit.
  • Angiglipkarlutik qiniqhinait.

 

Hapkuanginnaungittut nakuuhuirutaujut piniarunaqhijatit kapurhiruvit Pfizer-BioNTech COVID-19 qalagjuarnirmik kapuutimik. Mihigihimaguvin qajaginnaq mihingnautinik titiraqhimangittunik hamani, unniutidjavan munarhitkut.

PIqaliruving qujaginnaq qajangnaqtunik naunaitkutinik ukuningaluunniit naunaitkutinik allergic-himanikkut pidjutainnin, takujaqtudjavatin munarhitkut tadjainnaq. Naunaitkutit allergic-himalikkut ilaqaqtun:

  • Mannguqtait (mannguqtat uviningmi kukungnaqpiaqtun).
  • Puvinniq akuliami, uqarmi iggiarmiluunniit.
  • Ajurnarhijuq anirhaaktariami.

Kapurhiqtijiit upalungaiqhimajun qilamik hanaqidjutijaami allergic-himajunun hulaqutainnun.

 

Pipkainiq

Nunavut pipkailiqtun kapuutikhanik Tisaipa 2020mi atauttikkuurhugin turaangajun hapummidjutikhat ukuallu amigaittumi kapurhiqtaudjutinik. Nunavutip kapurhirnikkut akhuurhaidjutaa aullaqtiqtuq Moderna angiqtaunmat Kanadamiunnun ukiulgit 18nik avatquhimajuniklu. Kapurhirniit Nunavunmi aullaqtiqtun inirnighani pipkailirhutiklu aallanun inungnun ukiulingnun avatquhimajunun 18nik. Qitqani 2021mi, Pfizer angiqtauhimajuq nutaqqanun ukilingnun 12min 17mun unalu Nunavut Kavamanga

atuqpaktuq amigaittuni kapurhiqtaudjutinik ukunanilu ihuarhaqtauhimajuni kapurhiqtauvingni tunijaami kapuutikhanik amigaitqijaunin inungnun pidjutaanun. Talvuuna Nuvaipa 2021kut, Nunavut nakuujumik tamaat kapurhiqtipkaqpaktain 80%ngujun inungiangnirni ukiulgit 12nik avatquhimajuniklu. Talvani Nuvaipa 19, 2021mi, kapuutikhat hailihimaliqtun nutaqqanun ukiulgit 5nin 11mun, anginiqaqtuq qanuriliuruti angikliharnirmi hapummidjutikhanik taimaatun taamna ukiuqarnikkkut katimajun pingmata 15%nguplutik nunaptikni inungiangningani.

Nunavut piliuqhimajut kapuqhirvikhanik qanuriliurutikhamik naunaijautigiplugu Kavamanga Kanadaup kapuqhivikhanik imaalu tujuutauhimajunut inirvikhanik.

Kinguagun kapurhirnirmin, inuit ihuaqtukkut ilitturipkaqtauniaqtun pijaamingni tuklirmik kapuutikhamik.

Inuit pihimajun hivulliqpaamik kapurhirutinik tunijauniaqtun naunaitkutimik munarhitkunnin uumani tuklikhamik kapurhirvikhamingnik takujaqtuqvikhamingnik.

Talvani Akuupami Nuvaipamilu, Nunavut Kavamanga, tunnganiqarhuni maliktakhani naunaitkutinilu uumannga Kanadami Unniutinikkut Katimajiinnin Kapurhirnikkut Kanatami (National Advisory Committee) uumanngalu Inungnut Aanniaqtailinirmut Havagvingmin Kanadami (Public Health Agency of Canada), aullaqtiliqtun pingahuanik kapuutikhamik ukununga aannialaqittaaqtunun inungnun uuminngalu ikajuutikhamik kapuutikhamik qaangiqqata 6sit tatqiqhiutin tamainnun kapurhiqtauttaaqtunun Nunavunmiunnun.


Apiqhuutauqattaqtut


Atuqtakhat

Taaffumunga Pfizer-BioNTech Qalagjuarniq COVID-19 KapuuBkhamut

Talvuuna Moderna Covid-19-mut Kapuutikhat

Qalagyuarnirmun COVID-19 kapunirvightat: Hunanik niriuqtakhat

 

Ilitturittiarumaguffi kapuutikkut kapuriaqtuqvikhanik nunallaarni: