You are here

Marim Unipkaanga

Atiga Mary 17nik ukiuqaqtunga hadja, tatqikhiun nuutaami 18nik ukiuqarnialiqtunga. Ilitagidjutiqaqtunga Arnanik angutingniklu piqatigiitaaqtunga Arnaudjaaqtiujungalu. Huumaagingitunga qanuritaakhaanganik uqaqhimaanginaqtun inuit uqarvigigaangaminga ihumagiinaqtunga uvamnik inuujunga. Taima arnanik angutingniklu piqatigiitaaqtunga naunairutiqaqhimajuq taima idjuhikkut ihumaliurnikkut uqarvigigiaqaqtatka kihimi qanuriliulimaitatka inuuhikkut.

Talvuuna ilihaqtilunga puqtuniqaqtilunga 8mi ilitagiliqtunga uvamnik arnanik angutingniklu piqatigiinaqtaaqtunga. Ilihimangitunga talvanga allanik nulliqidjutiqaqtun kihimi piqatigiigumainaqtunga arnanik angutingniklu. Kangikhiqjumiqtaga naunaitkutit talvuuna Arnanik angutingniklu piqatigiinikkut talvangalu ilihimaliqtainaliqtunga. Iningniit ilihaqtilunga ilitugipkaktitivaktunga Arnanik angutingnik piqatigiinginaqtunga, talvanga, qanuritaaqhaanik Inuuhigiqaqtunik ilauliqhunga. Ilitugingaqtaga aliqaga talvanga. Namagivaktaa inmiluarlu taimaituq Inuuhigiqaqtunik ilauliqhunilu taimaa!

Talvanganin ilituginahuaqpaktilungalu nulliqinikkut namagijamnik, papaga huiqpakhimajuq. Aihimatilunga mamagalu hivajaqtauvaktugut paapagaluarma ilagijainin. Uqaalautivaktaatigun huiqtuq umatainirmi. Talvanganin, ingumaliqtunga uvamnik aniqataqhimaaqtitiliqhunga. Taimailiukhaaqpaktunga, kingunganirmin nutqaqpaliavakhimaujunga. Ilihimaliqhungalu talvanganin inuuhiriktumik ikajuutikharnik nalvaaqhinahugitpaktunga. Talvanga haaliqhunga hunaliurnikkut. Hangaujaliurnikkut miqhungnikkut quviagivalikhugu qanuriliugiangat ikajuutigivaktun aulajaangat.

Talvuuna hunaliurnikkut ikajuutigivakhimajuq ajukhaqtilunga, aulanikkutlu nulliqiniaqtamnik pidjutigivakhimajurlu uvamnun. Ilitugipkagianganik inuuhirminun aalanun ajungnautigivakhimajaga. Iqhiuqpaktunga inungnik inuglugijauniarnikkut. Piqpaqatigiinginaqtatka inuit kituliqaak, kihimi talvuunalu, humaagijuitatkalu taima inuit kituliqaak nanmaginginamik uvamnun. Inuit Inugluguhuktun qanuriliuqhimaitatka, kihimi huumagingitatka ihumamnun taima namagijamnik uvamnik. Iningniit iliharviat piqaqtun Ihuaqtumik Inikhavikhaqaqtun katimajijiujunun taima uqaqhimaanginaqtun talvuuna ilautitigiaqaqtun taimainun inungnun. Una akhurnaqtuq iliharvingmiinginaungitumi, kihimi aihimavingmilu. Hivulirpaarmi, maamangma namagingitkaluaqta inuit kituliqaak piqatigijangnik tapkuninga inuit namagiinaqtainik arnautiqagianganik angutautiqagiangniklu qanuritkaluaqtilunik. Hadja namagiliqtaa.

Taima uqallautingitkuma talvuuna piqatigiiktangnik ikajukhimaaliqtuq ihumamitigun taima ikajuutingman qanuriliugianganik taima itqumajumik kinaungmangaat uvamnun.