You are here

Nicole Wilcox's Story

Nicole Wilcox-guyuga Iqaluktuutiamit, ilitariyauyugalu munaqhiuyaamni aniguqhihiayuga Dalhousie-mi Ilihaqyuamit Halifax-mi. 


Hivituvalagitumi hivuliqmi munaqhiqaqvikmi munaqhiuniqmik havauhirilaqtara.


Pamiqtauvluga Nunavumi ayuqiqtuqtauyuva qungiaqhuga naunaitumiluniit uqaujuqtauvluga agayuqaamnit uvagut ikayuqtiriigiaqaqniriyaptiknik. Ikayulaaruvit, taimailiqpaktutit. 
Hivumugiaqlugug hitamagiyaani kiguliqmilu ukiumi ilihaqniqmi munaqhiuyaamnilu aturumahimayara inuujuhimni havauhikhamni. Nugunikhaata ukiup tikiliqmat, ilihaqatitka uvagalu aliahuktugut uqauhiqaqhuta kiguliqmik inikhaptiknik tikuaqhiyaagani, tuukhiqtavut nahuriyavulu. Agiqhimayara iniqtiriagani kiguliqmik inigiyakhara agilrariyamni Iqaluktuutiami, Nunavumi! Aliahukpiaqtuga, qanurunavyakhuga, amigaijuaqtuniklu apiqutiqaqhuga ihumamni. Nunagiyauyup namaginiaqaga munaqhiuyaamni ayuiniriyamni? Munaqhilaaliqniaqiq inuknik agiklivaliaqatimnik? 


Hivuniriyara Erin uvagalu Iqaluktuutiamiukhaagituguk aulaqpaliavlunut Uqhuktuumut ikayuriagani havaktiqatiaginigani aniqhaktautimigut Qayaknaqtumik Aaniarutiqaliqtilugit (RSV) ila aaniarutiqyuamik. Piqaqtuq amigaitunik unuaqhiurutinik hivituyuniklu ubluut kihiani aliagiliqhimayaga ikayuriagani inuit ikayuriaqaqata. Aulaqtiriaqniganut utiqtuq talvuuna! Agayuqama uqaujuqhuga ikayuqpaktugut qanuqliqaa ayugitkupta, munariami ihariahuktunik aaniaraluaqtilugit nutaranuit, kapluiyaami munariyaagani aaniarutinit, ilituqhaijutauvaltunik atuniqinik, aulaqutinik, aqnap utuani aaniarutiqaqmaga, taimaitunik. Talva ihumamni talvaniitariaqaqnimnik. 


Nutaaguvluga munaqhiuyaami aniguqhihimaaqhuga Nunavumit pivikhaqaqhimayuga qungiariagani kinaliqaa ukiumi. Erin, uvagalu havakhimayuguk pigahuni aalatqiini Qitiqmiuni nunagiyauyuni atautimi ilihimayugalu agiyumik hivigitunuami pivikhaqaqnigani. Amigaituni ikaaqniqnit uublunut uqauhirilaaqtatka inuujuhimni atuqhimayatka.


Munaqhiuyaamni ilihaqniqmik upalugaiyautigilimagitamnik hunamikliqaa una Ukiuqtaqtumi nunagiyauyumi munaqhiuyaamni. Uqaujuqtauyuga pivaaliriamni qauyivaaliriamni nuugiaqtinaga agilramut Iqaluktuutiami, kihiani nalhuriqpiaqtara utiriamni hunaluliqaa naamainaqniaqniganik. Upalugaiqhimagituga nahuriyaugitumik, nahurigitugalu tuquniginik inuit qauyimayamnik tamaini inuujuhimni. Upalugaiqhimayuga ubluraaluk aaniaqvikmi havagiami naunaiyainiqmiklu, auliqutit namainaqmagaa, iniqtiriyaagani taaktinit tikuutijutit tuukhiqtainiklu, havaknaitilugu upalugaiqhimayaagani, hivayaqtauvluga upalugaiqhimagitiluga tamaitalu inuit ihariagiyauniginik upaluqnaqtuqaqat. 


Piqaqhimayuqlu amihunik atuqhimayunik ila kagiqhimayaagani mikaugaluamik hunamik uqauhiuyumik Inuinaqtut uqaqtiliqtuiyiqagitumik. Haluuqtauvluga ahiini nunagiyauyuni ima “Ahh, Inuinauyutit munaqhiuyutit!” Ikayulaatuga inuknik kagiqhiyaagani igatavalaamik aniarutigiyainik, kagiqhimavlugilu inuit imaa Inuinaugitut kagiqhilimagitainik. Tautuktitiyiga ilaani ihumavaktut aaniaqtut uqaruiqniginik uvaluniit kagiqhigitunaqhigama Inuinaqtut uqauhiinik, ila qauyimayuga nuutqalakniginik uqaqhimaariagani kiguani. Piyaagani aaniaqtuup tamaat unipkaaga pivikhaqariaganilu inikhamik tafumani atuqniqatiaqtuq. Iliturihimayuga upalugaiqhimagijuhiinik tuukliqmik apiqutikhamik.


Ihuligiaqtinagit ukua naini (9) tatqiqhiutini, ilituriyuga upalugaiginimnik Nunaviyauyumi Munaqhip (CHN) havaaginik. Pihimaginapkit qauyimajutit kiyaliqaa uqaujuiyutaanik uvamnut. Ihumaliuqtuga atuqhimalimagitamnik ubluup ilainaani havauhiriyara CHN-guvluga utiriaqlugalu Halifax-mut pivaaliriamni qauyivaalirutikhanik. Uqaqatiqaqhimayuga Victorian Order-mi Munaqhinik (VON), qauyimavalaagitugalu hunami ilauvaliavikhamnik, agiqhimayara havaakhaq haavitaukmat. Iniqtirivaliahimayura qauyivaalirutikhamnik iliturigama una taamnauginiganik qiniqtamnik iniga. Havaaq pivikhaqalakvikhara hivituuvyaktumik huli ikayuriagani inuit, naalakhugit unipkaagit upihimaitumik tuukliqmut havaguiqjutimut havagiamiluniit 12-ni ikaaqniqni havauhikhami naimanaqhuni aaniaqvikmit hunauniginik agilramni ihulitkagat ubluup havakviuyuup.


VON-koniituga hitamani napaanilu ukiuni atkugapku havaaqkhaq takuupkaqtitauniganik Inuknik Aaniagitaagani Munaqhiuyukhamik (PHN) Iqaluktuutiami, Nunavumi. Ihumagilraaqtara una nakuuniqhauniarunaqhiyuq uvamni utiriamni agilramnut munaqhiuyaamni. Uuktuqhimayuga, uqaqatiqaqhuga, agiqhimayaralu inikhaq – nugiaqhuga agilramnut inuuqatigalu malruuklu qinmiik akungani hilaqyuami aaniarutiqyuap. Aliagiqpiaqtara PHN-guvluga agilrariyamni nunagiyauyumi, ikayuqtuqhugit inuit taimailiuriaqaqniriyamnik.