Havaktingit

You are here

Nunavutip Apqutikhaa

ilulingita naliqqangit

 


 Inuuniq qalagjuarnirqlu COVID-19

Nunavutip Apqutikhaa havaktauhimajuq havagiaptingni atuqhugu aanniarut nunaqyuami ihumaliutiaqhugit qajagiblugillu upautidjutit. Tadja, Kavamatkut Nunavunmi (GN), piqarungniaqtut Inungnun Aanniaqtailinirmun Qilamiurunmik (PHE) atuqtaujumik. Ukua GNkut Nunavunmi Atanilluaq Nunallaani Aanniaqtailinikkut Havaktia (CPHO), ihumaliuqtun taimaatun Nunavut munarijaaqtaa qalagjuarniq COVID-19 pingillugin atanniqtuidjutit hailihimajun ataani Inungnun Aanniaqtailinikkut Qilamiurutinun.

Tadja, 90% Nunavunmiuni pijaaqtut qajangnaittumik nakuujumiklu kapurhirutinik pipkaijumik ilitturijauhimajunik aannialaqitailinirmun huinirmunlu qalagjuarnirmin COVID-19.

Piinarialingnik inmigut-uuktuutinik pijaghanik aviktuqhimajumi unalu malrungnik ukiunik ilihaidjutighanik nunaijautaa Nunavunmiut ikajuutighaniktut aanniaqtailidjutighanik inmingnun qalagjuarnirmin COVID-19.

Hapkua qanuriliurutighat tunihijut Nunaviuniunun piinarialingnik munaridjutighaanik qalagjuarnirmin COVID-19 ulapiqutiqangilutik Kavamatkunun Nunvunmun atugahamun aanniaqtailinirmun munaridjutinun kivgaqtuutit. Hivumuurniq, Nunavummiut apirijaujut qajagilutik mighijuumirnirmun qajangnautit anirnirmun. Taiguaqlugit Nunavutip Apqutighaa: hivumuuniq atuqtilugu qalagjuarniq COVID-19 kangiqhitiarumaguvin qanuqtut hivumuuriangani inuuhirmun inuuniq qalagjuarnirmun COVID-19.

Aalanguqtirutit Tuhaqtidjutillu:

Piqarniaqtuq humi nunamingni inungnun aanniaqtailinirmun qilamiurutit uqariiqtaujut hiamitiliqat havakpalaaliqatalu munaqhitkut. Nuttat aanniarutit tapkua kapuutighait ihuangitpata pidjutauniaqtut aghut maligahanik inungnun aanniaqtailinirmun maligahat. Una atuliqat, Nunavummiut ilituipkaqtauniaqtut nutaanguqhimajutigut GNkut qaritaujaliqiviani, GN inungnun tuhaqtidjutaitigut, naitumik uqautigilugut haffumuuna Inungnun Aanniaqtailinirmun Tuhaqtidjutikkut

Apirhuutauhimaaqtut

Huuq qajangnaiqqa taimaaqlugit Inungnun Aanniaqtailinirmun Qilamiurutit (PHE) ukualu inungnun aanniaqtailinirmun maligahat? 
Kapuutit piinarialgit Nunavunmiunun ukiuqaqtunun talimanik uuktuutillu pijaghat piinarialgit tamaini nunallaani. Iliturijuumiqtugullu qanuqtut ihivriuqlugit munarilugillu qajangnautit hiamitirnirallu qalagjuarnirup COVID-19. Hapkunuun ikajuutikkut munarijaaliqtavut aanniarut qjuaginaq aalatut hiamitiqtut aanniarutit, imaatun influenzatun. 

Huuq Kavamatkut Nunavunmi uniudjutigijungnaiqagit kapuqhirnikkut aannirutiqaqtullu naunaijautait? Tamna naunaijautaa piinariaqaqa inungnun? 
Una PHE tunijaatigut piinarialingmik qalagjuarnirmun COVID-19 aannirutiqaqtut naunaijautait aanniaqtailinirmun inuuit inuuhiinun. Nuutiqhuta munariblugu qalagjuarniq COVID-19 pidjutigiblugit aalat aanniaqtailinirmun qanuriniit, uniudjutit kikliqarniaqtut hunat pijariaqaqtunun ataani Inungnun Aanniaqtialinirmun Maligaani. Uuktuutigilugu, uqariijariaqaqat hiamitirnirmun, havaktauniaqtuq inungnun. Aulahimaaqtumik uniudjutiginiaqtavut aaniarutiqaqtut naunaijautait hapkununga Kavamatkunun Kanadami. 

Qanuq inuit ilihimaniaqat qajangnautiqalirumik qalagjuarnirmun COVID-19 ukut GNkut uniudjurungnaiqata qafiuniinik? 
Aadjikiivjaktut aalanun aanniarutinun ukualu hiamitiqtut aanniarutit (ukua., Influenza), piqainaqtuq qajangnautinik. Aghuungnaqtuq tapkua Nunavunmiut qajagilutik mighijuumirahuaqlugu inmi qajangnautitik qalagjuarnirmun COVID-19. Kapuqhiqluhi, atimalugit ivjarutit, halumanahuaqlutik, aihimalutiklu aanniarlirumik. 

Piqaqa Inungnun Aanniaqtailinirmun Qilamiurutit ukualu inungnun aanniaqtailinirmun maligahat utiffaarniaqqat? 
Piqarniaqtuq humi uqariiniaqtugut nunamingni inungnun aanniaqtailinirmun qilamiurutinik hiamitiqtuqaliqar havakpalaaliqatalu munaqhit tapkua inungnun aanniaqtailinirmun maligahat pijariaqaniaqtut. Ihivriuqlugillu ihariaginirmun maligahanik pihimajut qanuriniitigut imaatun nutaat aalangajut aanniarutit tapkua kapuutiqangitut ihuaqtumik. 

Qajangnaitpa nutaqatka ilihariaqtuqtilugit? 
Hii. Qajangnaituq nutaqat ilihariaqtuqtilugit. Tamainun Nunavummiunun, aghuungnaqtuq munarilugit qajangnautit. Kapuqhiqluhi, aihimaluhi aannialiruffi. 

Huuqli inuit aanniarutiqaqtut qalagjuarnirmik COVID-19 avaliingaaqtitaujungnaiqat? 
Nunavummiut ikajuutighaqaliqtut, kapuutinik malrungniklu-ukiunik inungnun ilihaidjutighanik munaridjutighat qajangnautaanik qalagjuarnirup COVID-19. Apirijavut kinaliqaak aanniarumi pidjutigilugit aanniaqtailinirmun nunallaamingnun aihimalutik. Mihingnautiqaliruvin, aanniarutinikuvinluuniin qalagjuarnirmun COVID-19, hivajaqlugit ukua 975-8601 unaluuniin 1-888-975-8601. . Uqautigijaujuq aanniarutinikuvin, ihumaguvinluuniin aanniarutiniktutin qalagjuarnirmik COVID-19 kapuqhiqhimangitkuvin ilainarnikluuniin kapuqhiqhimaguvin (ikitqiaq malrungnik) aihimalutit qulini ubluni. Kapuqhiqhimaguvin tamainik aihimalutit saivani ubluni. Ukualu, kinaliqaak anginirharmun-qajangnautiqaqtuq aktungnirmun qalagjuarnirmun COVID-19 inmi-munarilutik 14ni ubluni kinguani aktungnirup.

Havaktunga ujarakhiuqtini, talvungaujaaqinga Nunavunmi nunallaanganun? 
Tadja piqarungnaiqtuq inungnun maligahanik tingmijaamingni iluani Nunavut, ilaujut qitqani ujarakhiuqtit nunallaallu. Atautit takujaqturlugit havagvitik apirhuutighaqarumik mighaanun qalagjuarnirmun COVID-19 kitut maliruagahat tapkua atuqtauniaqtut ujarakhiutini avatiini Nunavut, ilaujut atimalutik ivjarutinik havagvingmingni kapuqhiutilli pijaghat.  

- utirluni qulaanut -

 


 Ivjarutit 

Ivjarutit maligaiqtitaujun inungnun, kihimi nanminirijaujuni havagvingni pitquijaaqtun havaktinun inungnullu tahamungaujunun atimaqulugit ivjarutinik.
Kihianun naunaijarutaanun, GN-kut atimaquniaqtun ivjarutinik tamainni munarhitkunni, Inirnikhat igluqpainni, uvanilu Akausisarvingmi.
Ivjarutit ihumakkuuqtaujun iliharvingni GN-kunnilu havagviinni.


Taimaatun ivjarutin maligaiqtillugin, huli pitqujauhimajuugaluat inungnun aannialiqtunun aihimailimaiqtunullu.

Apirhuutauhimaaqtut pirhuutit

Atimajariaqaqik ivjarunmik? 
Ivjarutit aturiaqarungnaiqtut inuqarnirni, kihimi, atimatqujaujut aanniangadjitkuvin aihimalimaitkuvin atimajughaujutit ivjarunmik. Ivjarutit mighijuumirutijut hiamitirniranun qalagjuarnirmin COVID-19. 

Maligahat qanuqtut atimajaangi ivjarutit paqinaqtut hamani: Qanuqtut Atimajaangani Ivjarutit 

Havagviga atimajut huli ivjarunik – kakugu taimaaqtauniaqat? 
Ivjarutikkut maliruagahat ihumamingnun havagviit.  

 - utirluni qulaanut-

 


  Kapuutit  

Nunavunmiut siksiujunik tatqiqhiutilik avatquhimaajaatlu kapukhigiaqaqtun Qalagjuarniq-19 kappuutinik. Tadja, Nunavut pipkaqtitait:

  • Moderna SPIKEVAX® tamainnun Nunavunmiutanun 6-nik ukiuqaqtun tatqiqhiutinik avatquttugulu.
  • Pfizer-BioNTech Comirnaty mRNA kapuutit tahapkununga tallimanik (5) ukiulgit avatquttugulu. 

Takulugu qalagjuarnirmun COVID-19 Kapuutikkut makpirniini  ilituritiarumaguvin atautinun.  

utirluni qulaanut -

 


Mamihaidjutit 

Mamihaidjutit piinarialgit qalagjuarnimun COVID-19. Paxlovid™ iiqatagahaq havaut nakuujuq mighijuumirutijuq aanniaqvingmunganira qalagjuarnimin COVID-19.   

Hunat ilihimajaghatit: 

  • Piinarialgit tamainun nunallaanun. 
  • Inirnighat 18+ kitut ihumagijaujut anginirhakkut qajangnautiqaqtut qanuriniitigut.  
  • Mamihaidjutit aulrutilutik talimani ubluni mihingnautaitigut. 
  • Mamihaidjutit pingahut havautit malruiqtuqlugu ublu talimani ubluni. 


Aanniarutinikuvin qalagjuarnirmun COVID-19 ukpiruhukuvinluuniin aktungnirmun mihingnautiqaliruvin hivajaqlugit COVID-19 hivajautaa ihumaliuriangini pijaaruvin mamihaidjutighamik haffuminga Paxlovidmik. COVID-19 hivajautaa aulahimaarniaqtuq hamanga: 10 ublaami. hamunga 6 p.m. 1-888-975-8601 

Apirhuutauhimaaqtut apirhuutit

Qanuqtut manihaidjutit pidjutiqaqqa qalagjuarnirmin COVID-19 havauhia? 
Paxlovid™ iijaghaq havaut mamihaidjutighat aannialuangitunun qalagjuarnirmun COVID-19 inirnighanun(18+) kitut ihumagijaujut anginirhakku qajangnautiqaqtut aannialaqiqjuanirmun. Humi aularutigumik talamani ubluni mihingnautikkut,  Paxlovid nakuujuq mighijuumirutijuq aanniavilinirmun tingmitikuurnirmunlu qalagjuarnirmin COVID-19. Tamaat auladjutaa Paxlovid™ mamihaidjutaa ilaujut pingahut havautit malruiqturlugu buluq talaimani ubluni. 

Mamihaidjutighaqaqa nutaqqanun?  
Tadja, ukuanginait Health Canada angiqhimajait mamihaidjutighat qalagjuarnirmun COVID-19 inirnirnun.  

utirluni qulaanut -

 


  Qilamik Ihivriututit          

Qalagjuarnirmun-19 Qilamik Aaniarutiningnirmun Ihivriurutit ikajuutighat naunaijariangani qalagjuarnirmun COVID-19 nunallaaptingni. Ajungnaitkaluaqhutik aturiami qanuriniillu piblugit qilamik, ihualuangitut. 

Hapkua inmikkut-ihivriurutit ihualuangitut aalanin ihivriutinin. Aanniarutiqangituq ihivriurut pidjutiqangituq aanniarutiqanginirmun qalagjuarnirmik COVID-19, aanniarutiqaruvin qalagjuarnirmun COVID-19 mihingnautainik, qanitukuluuniin aktuqhimaguvin kimut aanniarutiqaqtumun qalagjuarnirmun COVID-19,aanniarutiqaqtumun. Taimaali Nunavunmi anniarutqangituq inmikkut-ihivriurutit aalangutaungitut pitqujaujunun avaliingaarnirmun.. 

Qilamik ihivriututit pitqujaungitut mihingnautiqangitkuvin. Atuffaaruiqlugit ihivriurutit. Igilugit aturuirupkit. Ilihimalugit imait atuqtaujut ihivriutinun hivuuranaqtut iijaungilutik aktuqtilugiluuniin uviningmun.

Piqaqtuq amigaitunik qanuriniit inmikkut-ihivriurutinik piinarialgit ajungnangitkaluaqhutik aturiami ikajuqtaujariangitut munaqhinin, aghuungnaqtut malitiaqlugit maligahait iluaniitut ihivriututit ihuaqtuik pijaangini qanuriniit. Qajagijumik qanuqtut katitiriangani uuktuutit hivitunialu nutaqiurutaa taiguriangani qanuriniit.  

Malingitpata ihuaqtumik, ilaujut nutaqiurutait nutaqiughaaqqat taiguariangani qanuriniit, ihuanginiaqtut naunaijautait. Ilihimalugit: takunaluangituq naunaitkutaa aanniarutiqaqtuq. 

Aanniarutinikuvin qalagjuarnirmik hivajaqlugit COVID-19 hivajautaa 1-888-867-8601. Hivajaruiqlugit munaqhitkut, inungnun aanniaqtailinirmun ukualuuniin aanniarviit. Aanniaqviliaruiqlutit, munaqhitkunun ukunungaluuniin inungnun aanniaqtailinirmun qilamiurutaukpat kihimi, mihingnautitiluuniin ingataqata munarilimairupkit. 

Uuktuutit nakuungitpat, ihivriuqlugit malitiarnirit maligahat ihuaqtumik uuktuffaaqlutit. 

Aalanguqtirutit Tuhaqtidjutillu

Ilihimalugit aalanguqtirutit tuhaqtidjutillu ilaujut kapuqhirnirmun Nunavunmi tuhaqtitiniaqtut qaritaujakkut, GNkut tuhaqtitiviini, ukunuunalu inungnun aanniaqtailinirmun uqaqhugit tuhaajaghanik tuhaqtidjutini

Apirhuutauhimaaqtut Apirhuutit

Humit piniaqigit imnikkut-ihivriurutit? 
Kikliqaqtut qaffiuniit qalagjuarnirmun COVID-19 Qilamik Aaniarutiningnirmun Ihivriurutit piinarialgit Nunavunmiunun Kapanini Kuaaminlu. Tadja imnikkut-ihivriurutit piqangitut munaqhitkunin, inungnun aanniaqtailinirmun havagviini, aanniavingni qujaginaqlu Kavamatkut Nunavunmi havagviini. Northmartkut tuhaqtitiniaqtut piinarialaqikpata ihivriurutit. 

Takulugit pidjutaujut kangiqhidjutainun qakugu ihivriuriami: Qilamik Aaniarutiningnirmun Ihivriurutit (RAT) qalagjuarnirmun COVID-19 

 

- utirluni qulaanut-

 


 Tingmidjutit

Tingminahuat Tingmitikkut 

Atulirniaqtuq Imaruqtirvia 20, 2022, kapuqhiriaqarungnaiqtut tingmijughat tingmitikkut Kanadami. Nunaqjuami tingmijut aularahuat Kanadamin kapuqhiriaqarungnaiqtut qanuriniit, kihimi kapuqhirnikkut qanuriniit ukualuuniin nakuujut utirahuat ihivriuqtaujughat utiffaalirumik Kanadamun. 

Kapuqhiqhimangitut tingminahuat Nunavunmi nunallaanun pijariaqarungnaiqtut qalagjuarnirmun COVID-19 ihivriurutainun.

Atimahinnaagakhat ivjarutit.

Takulugu qalagjuarnirmun COVID-19 Ikiyaangani tingmitinun aghaluutirjuanunlu Kamadami.

Aulaaqtut qajakkut sikiitukuluuniin  

Tadja piqarungnaiqtuq maligahanik tingmijaamingni iluani Nunavut, ilaujut qitqani ujarakhiuqtit nunallaallu. Atautit muanrijariaqaqtaat qiniqlugit talvungaujaami pijaghat qjuaginaq aulaarnirmun hilataani Nunavut (imaatun., Quebectut).  

Aalanguqtirutit Tuhaqtidjutillu  

Ilihimalugit tapkua aalanguqtiqhimajut tuhaqtidjutiluuniin ilaujut kapuqhirnirmun Nunavunmi tuhqtitiniaqtut uvani qaritaujaliqivingmi, GNkut tuhaqtidjutait, inungnun aanniaqtailinirmun tuhaqtidjutit tuhaqtitaujughatiguluuniin.  

Aulaaqtut qajakkut sikiitukuluuniin  

Piqaqqa qujaginaq ihivriuqtaunikkut pijaghanik Nunavunmi Nunallaanun?
Taimaalangnirnunkapiqhirnikkut pitquidjutinik ungahiktunun ukualu hilataanungaujut tingmitikkut, ihivriuqvigahatungnaiqtuq ungahiktunun nunallaanun pijariaqarungnaiqtuq. Kavamatkut Kanadami aulahimaaqtumik havaqatigilugit nunallaat, Nunaqaqaaqtut katimajit, aviktungniit aviktuqhimajut, aulapkaijillu ikajuriangini ungahiktut nunallaat aanniaut nunaqjuami aulahimaaqtilugu.

Atimajariaqaqqik tingminmi?
Hii, tadja tingmijut maligaqaqtunun tingmitini aulahimaaqtumik atimajughat ivjarutinik tingmitilutik kihimi naituni atugahat, (imaa, nirinahuarumik niuqarumikluuniin).

Kapuqhiqhimangitkuma, qilamiurutimun mitivaaktaujaaqqik pijariaqaqqat? 
Hii. 

Pulaaqtut Nunavunmun nunallaanginun umiakkut kapuqhiqhimavat?
Hii, pidjutiqarmata aalangajumik umiakuuqtut, ilaujut tapkua uhitiqtut qanitukkut aktungniqarmata inmingnun hivitujumik, kapuqhiutit qalagjuarnirmun COVID-19 pijariaqaqtut uhitiqtunun havaktinunlu umiani.

ilituritiarumagupkit maligahat ilaujut umiaqtuqtunun uvani kanadami kavamatkut qaritaujaliqiviani: https://travel.gc.ca/travel-covid/travel-restrictions/cruise

Kanadami pijariaqarungnaiqtut kapuqhirnikkut qanuriniinik aulaqtiqtunun tingmitinun, tamna naunaijautigivaa, Kanadamungaujaaqtunga kapuqhirnikkut qanuriniinun?
Una aalanguqtirutaa hulaqutigingitaat kikliitigut aktilaangit tapkua ijariaqaqtut tamainun tingmijunun Kanadamungajunun aulahimaaqtumik maliklugit talvungaunirmuj pijaghat, ilaujut kapuqhirnirmun ihuaqtuluuniin taluvungaudjutighat ihivriurutikku qanuriniitigut, aulangitut Ubluani 1 unalu Ublua 8 ihivriurutait, ukualu avaliingaarnirmun 14nik ubluni.. Takulugit kanadap kavamatkut qaritaujaliqivia kangiqhitiarumaguvin: https://travel.gc.ca/travel-covid/travel-restrictions/

Munarijaghatit qiniqlugit talvungaunirmun aalanunlu nunaqjuanun. 

qhiqhimangitkuma, qilamiunikkut aulaqtitaujaaqinga? 
Hii. 

utirluni qulaanut -

 


 Qanuqtut pijauniaqqa itquumajuq kapuqhirnirmun

Itquumajuq kapuqhirnirmun (PVC) pijaaqtut imaa qaritaujakkut vaccineexemptions@gov.nu.ca. Kikliqaruvin qaritaujamik, ilvit PVC pijaaqtat upautilutit munaqhitkunun, Iqalungni Inungnun Aanniaqtailinirmun, uvaniluuniin Qikiqtani Aanniarviani.

Kapuqhiqhimangitut atautit, tapkualuuniin piqangitut inmi PVCmik, ihivriuqtaujughat qalagjuarnirmun COVID-19 ihivriurutaanik tingmitiqarviani hivuani ikipkaqtautinatik tingmitinun. Tingmijut aulaqtiqtut qujaginaq Nunavut nunallaanginin hilataani Iqaluit pidjutiqangitut ihivriuqtaunirmun tadja.

Kanadami pitqujaujut pijaghallu aalanguqniaqtut. Nunavunmiut itqaumatqujaujut ihivriuqlugit kanadami inungnun aanniaqtailinirmun maligahat itquumajullu kapuqhirnirmun pijaghat tingmitinatik.

- utirluni qulaanut -


Qalagjuarniq COVID-19 hivajautaa 

Qalagjuarnirmun COVID-19 Hivajautaa piinarialik 10 ublaami. hamunga 8 p.m. Hivajaqtinatit, ihivriuqlugu una makpirnia kangiqhidjutit ihariagijatit piinarialiktigut hamani. 

Qakugu : 975-8601 or 1-888-975-8601. 

Qakugu hivajaqluni: 

  • Apirhuutit mighaagun COID018
  • Apirhuutit mihingnautinun, avaliingaarnirmun, ukualu inmi-munaridjutinun pitqujaujut 
  • Aanniarutinikuvin qalagjuarnirmun COVID-19
  • Qujaginaq apirhuutiqaruvin qalagjuarnirmun COVID-19 (uqarnikkut angirutit, munaqhip ihivriungniaqtaatit mamihaqtitaujaaruvin). 
  • Apirhuutit aulaarnirmun tapkua kiuhimangitut hamani.  

Itqaumalutit, ikajuqtaujumaguvin qilamiunikkut, hivajaqlugit aanniaqviliaqlutiluuniin munaqhitkununluuniin. 

Aulaarniq qajangnaitumik atuqtilugu aanniarut nunaqjuami ajungnarniaqtuq. Piqaqtuq kanadami aulaarnirmun maligahanik, itquumajut kapuqhiutit, qilamik ihivriurutit, inungnun aanniaqtailinirmun maligahat ihumagijaghat.

- utirluni qulaanut-