Havaktingit

You are here

10 nutaanik aannialiqtunik qalagjuarnirmin COVID- Arviani

Maassi 04, 2021

Tuhaqtipkaidjutiqhaq

10 nutaanik aannialiqtunik qalagjuarnirmin COVID- Arviani

Iqaluit, Nunavut (Qiqaijalirvia 4, 2021) - Ublumi, Nunavunmi piqaqtut qulinik 10 nutaanik aannialiqtunik COVID-19 qalagjuarnirmin imaalu hitamat nakuuhijut. 14-nguqtut aannialiqtut nunaptingni, tamarmik Arviani ittut. Tamaita inuit naammaktut, avaliin’ngaaqhutik iglumingni aktuumanikkullu ihivriuqhihimaaqtut aulahimaaqtumik.

“Arviani – anittailijaujut hivituqpiaktumik imaalu unagunaqpiakhunilu. Ilihimajunga havakpiakpaktuhi akhuraluk uuktuqpakhuhilu imaalu ajurnaqpiaktuq hamna atuqtaqqut. Aanniaqtunut COVID-19 qalagjuarnirmik, aalingaqtukhaujutit ihumagilugit aannialiqtaililugit piqpagijatit nunaqatititlu,” uqaqtuq Hivuliqti Joe Savikataaq. “Tamarmik Nunavunmiut akhuurutigijait ihumagivaktait Arviarmuit, tamapta ikajurumajaptigit. Uqarvigilugit ilanatit ilatitlu hivajautikkut, titirarvigilugit tigumiakkut, imaalu ungahiktumit. Nutqaqtinnahuarlaqqut hiamitiktailinahuarlugu aannialaqidjutit ihuaqtumik akhuurutigilugulu.”
“Aaanniarviit havaqatigiiktut havakpiakpaktut ublukhiut kaivjiikhugu Arviani naunaijakhugit kitkut qaniglihimajut aannialiqtunut,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havakti. “Avalingarniq ilaunirlu ihivriuqtaujut, naunaijaqtaujut avalingarniq nakuutqijaujut nutaqaqtidjutikhvut maliqqattiakpiaktakhavbutlu. Puiguktailitqujatka Arviarmuit anginiqaqpiaktuq maliqajukhaujut tamainik inungnut aanniaqtailinikkut maliktaujarialiit ikajuutikharnik ilannarnut, ilngnut, nunaqatingnutlu aannialirnaittumik.”

Talvanga Qiqaijalirvia 4min, Arviani ihivriuqtauvaktut 2419 aanniarutiqangitut. Ublumimut, 8628 Nunavummiut kapurhiqtut atauhirmik kapuutikhamik Moderna kapuuti, imaalu 5125 Nunavunmiut kapurhiqtut malrungnik kapuutikhangnik taffuminga Moderna kapuutimik. Kapuqhiriami nunaptingni aulahimaaqtut. Nunavunmiut kitut kapuqhirumayun qalagyuarnirmun COVID-19 kapuutaanik hivayaqlugit munaqhitkut upautidjutigharnun.

Kinaliqaaq ihumagumi aktuqhimanirmun qalagyuarnirmun COVID-19 hivajarlutik uvunga 1-888-975-8601 10 min ublaami 6 mun unnuliqqanmut. Qikiqtani Ubluqhiutaannut, ilitturipkaqlugilluunniit nunamingni munaqhitkut qilamik, tadjainnaqlu avaliin’ngaaqlutik iglumingni 14 ni ubluni. Upaguirlugin munarhitkut.

Nutaanun kangiqhidjutinun qalagyuarnimun COVID-19 kapuqhirnirmun upalungaiyautinun, hamungaulutit: https://gov.nu.ca/health/information/covid-19-vaccination.

Nutaanut kangiqhidjutinun, ukunanilu qaffiuniinni nakuuhiyuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanun kangiqhidjutinun tadjamin inungnun inuuhiinun pitailidjutinun hamungaulutit: https://www.gov.nu.ca/health/information/nunavuts-path.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ajuittiaqhimajuq
Aanniaqtailinirmut Havagvia
867-975-5712
dsommerville1@gov.nu.ca