Havaktingit

You are here

10 nutaat aannialiqtut COVID-19 qalagjuarnirmik Nunavunmi

Nuvaipa 18, 2020

Tuhaqtidjutikhaq

10 nutaat aannialiqtut COVID-19 qalagjuarnirmik Nunavunmi


Iqaluit, Nunavut (Hikutirvia 18, 2020) - Ublumi, Nunavunmi attautimut 70-nguqtut naunaiqtaujut aannialiqtut COVID-19 qalagjuarnirmik. Aallat iinngujut nutaat aannialiqtut naunaiqtaungmijut Arviani, imaatut nunangani attautimut naunaiqtaujunik aannlialiqtut imaatut 54-nguqtut. Aallat malruuk nutaak aannialiqtut naunaiqtaungmijut Kangiqlinirmi, imaatut nunangani attautimut naunaiqtaujut aannlialiqtut imaatut siksinguqtut. Tamarmik ukuat inuit avaliingaqtitauliqtut naamainaliqhutiklu.

“Aktuqtauhimajunik aanniaqtunit tamainni nunani naunaijaqtauhimmaaqtut imaalu nunangani hiamitiqhimaittutut ittuq Kangiqlinirmi tadja,” uqaqtuq Dr. Michael Patterson, Nunavutim Atanilluaq Nunalaani Aanniaqtailinikkut Havakti.

Tikirarjuami aullangittut iitngujut naunaiqtauhimajut aannialiqtut imaalu Sanikiluarmilu malruuk aanniaqtuuk.

Talvanga Hikutirvia 17, 103 ihivriuqtaujut iniqtaujut Sanikiluarmi naunaiqtaujut aanniarutiqangittut. Kangiqlinirmi, 60 ihivriuqhidjutait naunaiqtaujut aanniarutiqangittut. Arviani ihivriuqhidjutait naunaiqhijut 114 aanniarutiqangittut. Ihivriuqhihimmaaqtut huli Tikirarjuami.

Kinaliqaak kitu ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una:
https://www.gov.nu.ca/in/munarhiliqiyikkut/information/covid-19-novel-coronavirus-qalalirjuarnikkut

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST ublumi, Hikutirvia 18.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca