You are here

2022 United for Life Katimaqjuarutit

Nuvaipa 03, 2022

Tuhaqtitaujukhaq
2022 United for Life Katimaqjuarutit

Iqaluktuuttiaq, Nunavut (Nuviipa 3, 2022) – Iqaluktuuttiaqmiut katimapkaijut 2022 United for Life Katimajuarutaanik hamanga Aktuuba 29 hamunga Nuviipa 2. Talimani ubluni katimadjut, atia Inuuqatigiikpugut / Inuuqatigiikpugut, katimapkaijut Nunavunmi Inminiiqtailinirmun Hanaqidjutinun havaqatigiit havaqatigiblugit ukua Kitikmeot Friendship Society.

Una 2022 katimajutip turaarutigijait inulramiit imaa uqautigiblugit ilituqhaidjutit atuqtaujunun pijaghat inulraminirmun havakhutiklu pihmablugit hivungani pinahuarutit pidjutiqaqtut inulramiit ihariagijainun hivuliujughallu.

Avatqumajut 100 tigumidjutiqaqtut – ilaujut Inirnighat, inulramiit uqaudjit, annaktuqhimajut, hovungani havaktit, inuuhiqatiarnirmun havaktit, Inuit inuuhiqatiarnirmun timiujut, nunamingni hulilukaaqtut, Kavamatkut Nunavunmi, ukualu Tikuaqtauhimajut Inuit Katimajiinin havaktit – katimajut uqautigijaangini nakuutqiatigut atugahat aulahimaaqtumiklu havaklugik mighaanun hivitujumik-kikliqaqtut hulidjutinun upalungaijautit inminiiqtailinirmun.

“Inminiirniq aghut ajuqhautaujuq tamna huirutigijaat amigaitpalaat Nunavunmiut. Ajunqharnirmun pijuminangitut qanuriniit, havaqatigiiliqtugut inminiirnirmun havaqatiptingnun timiujut,” uqaqtuq John Main, Ministaat Aanniaqtailinirmun munaqhijuqlu Inminiiqtailinirmun. “Una katimaqjuarut pidjutigiblugut atuqtaunginaqtuq havaqatigiingnikkut atauhirmun pidjutaujumun ikajuutauniaqtuqlu havaqatigiingnirmun upautidjutit inminiiqtailinirmun. Havagvia Aanniaqtailinirmun qujagijumajait nunallaaqmiut Iqaluktuuttiami inmi ikajuutaitigut.”

katimadjutit pidjutigijait ilaujut idjuhiinun naunaijautait, ilauqatigiingnirmun, ilaunginaqlutik Inunnguiniq (pidjutaujut ikajuutaujullu inuit inuuhiinun). Una katimadjut najugahaliuqhugit tigumidjutiqaqtut, havaqatigiit, inulramiit uqaqtillu aalakiinik inuuhiqaqtunin atautimuklutik uqautigilugit ihumagijatik, nakuutqiatigullu atugahat, quviahuutillu.

Ukua United for Life katimadjutit pidjutainun qanuriniitigut uvani 2015 huiqtuliqijit ihivriurutait inminiirnirmun qurhulaurutit amigaiqjuumiqlugit tigumidjutiqaqtut ilauliqlutik havaqatigiiliqlutiklu inminiiqtailinirmun, havaklugit malruiqtulugit katimaqjuarutit.

###

Tuhaqtidjutikhanun Uqarvikhaq:

Chris Puglia
Atan’ngujaq Tuhaqtipkaijini
Munaqhiliqijitkut
867-975-5949
cpuglia@gov.nu.ca