You are here

Aallat Qalagjuarniq COVID-19 kapuutikhat angiqtauhimajun ukununga 50-mit qaangiutijunullu ukunungalu pilgit hakuittunik aannialaqittailidjutiqaqtun nutaqqat

Iipu 12, 2022

Inungnut Tuhaqtitaujukhaq

Aallat Qalagjuarniq COVID-19 kapuutikhat angiqtauhimajun ukununga 50-mit qaangiutijunullu ukunungalu pilgit hakuittunik aannialaqittailidjutiqaqtun nutaqqat

Nunavut Kavamangata Munaqhiliqijitkut, kiudjutaanun qangannuaq maliktakhanun ikajuutikhat ukunanga Nunarjuami Uqaudjijit Katimajiit Kapuutikhanun, tadja piliqtaat tuglia Qalagjuarnirmun COVID-19 kapuutikhaq ikajuutauniaqtuq (hitamaujuq kapuutikhaq) tamainnun Nunavunmiutanun 50-ngujunun avatquhimajunulluuniin. Una aalla kapuutikhaq ikajuutikhaq pittaaqtaat inungnun 50-ngujunun qaangiutijunun pihimajunun pingahuanik kapuutikhamik 4.5 tatqiqhiutini amigaitqijainulluuniin.

Kapuutikhaq ikajuutikhat (pingahuat kapuutikhaq) kapuutikhamik piinnariaqaqtainullu nutaqqanun ukiuqaqtunun 5-min 11-mun mikijumik angitqijamikluuniin pilgit hakuittunik aannialaqittailidjutiqaqtun, 4-nik 8-nun havainirmi pihimajun tugianik kapuutikhamik. Taimaalu, kapuutikhaq ikajuutikhat (pingahuat kapuutikhaq) pihimmaaqtun tamainnun Nunavunmiutanun 12-mik ukiuqaqtunun avatquhimajunullu.

Una aalla kapuutikhat kapuutikhanin ikajuutaujun aanniartailinikkut Qalagjuarnirmun COVID-19. Qangannuaq itquumajunin naunaiqhidjutaa taimaa kapuutit ikajuutigijait Qalagjuarnirmun COVID-19 aanniarunmin hakuiqpaktuq kakugunguraangat. Takujaujaami naunaiqhinikkut uumunga Qalagjuarniq COVID-19 kapuutikhanun piinnarialgit hivajarlugin nunangni munaqhiqarvingmun Inungun Munaqhiqarvianulluuniin.

Ivjarutit atuqtaujukhat munaqhiqarvingni atimajakharlu kapuqhiriaqtuqtunun takujaunahualiqqata. Hivulliq tuglialu kapuutikhat qalagjuarnirmun COVID-19 kapuutait piinarialgit huli tamainun Nunavunmiunun ukiuqaqtunun 5min avatqumajullu.

###

Tuhaqtipkainikkut Uqarvigijakhaq:

Danarae Sommerville
Tuhaqtipkainirmut Ayuittiaqhimayuq
Munaqhiliqiiyitkut
867-975-5712
dsommerville1@gov.nu.ca