Havaktingit

You are here

Amigaqhuutiqaqtumik Havaqatigiiktut Ikajuqtiujut aullaqtitaujut Hope Bay Ujarakhiurviannut

Saptaipa 28, 2020

Qilamik Tuhaqtaujukhaq

Amigaqhuutiqaqtumik Havaqatigiiktut Ikajuqtiujut aullaqtitaujut Hope Bay Ujarakhiurviannut

Iqaluit, Nunavut (Apitilirvia 28, 2020) – Havagviat Aanniaqtailinirmut aullaqtitijut has activated its COVID qalagjuarnikkut Amigaqhuutiqaqtumik Havaqatigiiktut Ikajuqtiujut kiudjutikhanganut saivat nutaat ihumagijaujut naunaiqtaujut aannialiqtut COVID-19 qalagjuarniq uvani TMAC Resources’ Hope Bay Ujarakhiurviani, 125 km hivuraani Iqaluktuutiap. Tadjamit, naunaiqtauhimaittuq turrangajakhainik ukungnanga nutaat aannialiqtut imaalu hivuagut malruuk naunaiqtauhimajuuk aanniaqtuuk ujarakhiurvianni. Kiliuqhimajait utiqqata naunaiqtauplutik hivuraanit qaujihaivingmit ihivriuqtakhanik, kihitauniaqtut imaatut Nunavunmi hivulliujut COVID-19 qalagjuarnirmik aanniarunniktut.

“Hapkuat kinguliit aanniarunniktut ukpiruhungniaqtugut tamna hiamittiqtuq COVID-19 qalagjuarnirmik uvani Hope Bay Ujarakhiurviani. Qajangnaitkutikhanut tamaita havaktingit talvani najugaani, aullaqtitijugut Amigaqhuutiqaqtumik Havaqatigiiktut Ikajuqtiujut,”uqaqtuq Atanilluaq Nunalaani Aanniaqtailinikkut Havakti, Dr. Michael Patterson. “Havaqatigiiktunut, ilaujut malruuk munaqhiik ihumaliuqtillu, ajuiqhaqhimajuq naunaijaipluni, naunaijaqhugu imaalu hiamittailinahuqhugu aannialaqidjut ikajurahuarutikhanut ikiglinahuarutikhanut qajangnarnianik aallanut inungnut hiamitiqtailitikhanut.”

TMAC Resources uqarvigijat Atanilluaq Nunalaani Aanniaqtailinikkut Havaktingat uvanu Apitilirvia 26 talvuuna havaktimik mihingnautiqaliqtumik pidjutiqaqtunik aadjikkuutainnik taffuminga COVID-19 qalagjuarniq. Havagviat Aanniaqtailinikkut havaqatgiplugit najugaani aanniaqtunik havaktiit kiliuqhiplutik mihingnautiqaqtunik havaktiinik qaliklihimajainniklu. Ihumagijaujut aannialirnahugijut imaalu tamaita qaujimajatik qaniklihimajut aanniaqtunut nuutaujut avalingarvikhanut igluanginni. Qaniklihimajainnik aanniaqtumut naunaiqtaujukhat aullaganginnaktuq.

Kiudjutikhanut, tamaita iariagijaungittut tingmitikkut aullaqtukhat talvunga talvangaluuniit Ujarakhiurvianit, ilaujullu ihuaqhariikhimajut havaktiinnik himmautikhangit, taimaaqtitaujut tuhaqtitauniaqtut qakugu pillahivikhanik. Una tadja taimaittuq hulaqutingitaa tadja aanniaqtailinikkut qanuriliurutit, Nunavutip Apqutikhaa, ukualluunniit Aullauvilluarvigijainni Nunani ukunani Churchill, Manitoba-mi uumanilu Nunatsiami.

“Hamna qajangnaqpiaraluaqtitlugu iidjuhinga, qajangnarninga Nunavunmiunut mikinikhaujuq,” uqaqtuq Minista Aanniaqtailinikkunni George Hickes. “Nunavunmiutanik havaktiqangittut tadja uvani Hope Bay Ujarakhiurviani, najugaat unngahiktuq tamainnit Nunavunmi nunanginit. Aannialiqtut amigaigjuumivalliajut Hivuraani Kanadami, akhuuqujatka tamaita Nunavummiut qajagitquplugit, maliklugit inungnut uqaudjidjuhivut imaalu upalungaiqhimalutit COVID-19 qalagjuarnirmik.”

Kinaliqaak kitu ihumagumi aktuqhimanirmun qalagjuarnirmun COVID-19 qalagjuarniq hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EDT-kut, imaaluniit tuhaqtinniaqtait nunamingni munaqhitkut qilamik, qliamik avaliingaalirlutik iglumingni 14-ni ubluni.

Mihingnautingit COVID-19 qalagjuarnirmut ukuat kidjakhutik, qalakturhutik ayuqhakhutiklu anirhaariami. Nakuutqijaujuq hapummidjutinik hiamitirnirnin aannialaqidjutimilluunniit aanniarutimik taimaatun inungnin ahiqpaniinniit, algakkit uarnirnik 20 secondsnik, qalakhurniq takjurniqlu ikuhingnun aihimalunilu.

###

Tuhaqtidjutikhanut Uqarvikhat:

Cate Macleod
Tuhaqtakhanut Titiraqtiujuk uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaktuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca