Havaktingit

You are here

Aqiarurliurnirmik Aanniarut itiktalaqiplutiklu Kangirlinirmi

Aktuupa 19, 2021

Kavamatkunnin Aanniaqtailinikkut Tuhaqtitaujukhaq

Aqiarurliurnirmik Aanniarut itiktalaqiplutiklu Kangirlinirmi

Havagviat Munahiliqijikkut tuhaqtitijumajut nunaqaqtunik Kangirlinirmi aqiarurliurnirmik aanniarut hanguliqtuq nunangani. Atuqtauqattaliqpaktuq ukiakharangat. Una aanniarut hiamitpaktuq qilamik inungmin inungmun imaalu hiamitiqhuni tamainnun nunangani inungnun qilamik. Naunaitkutinut ilaujut mirrianguniq, mirriaqtarniq, itiktalaqiplutik, aqiarurliuqhutik, kidjakhutiklu.

Ilanga nakuutqiaq aanniaqtailidjutikhaq imaa:

  • uaqataarugit algakkit, niqikhaliuqtinnatit imaaluuniit makaqtuihuiraiguvin.
  • unaguiqhirlutit niuqaqatarlutit imarmik (kuukturuirlutit, iqaijautinik niuqaqtailutit, aallaniklu sukainnarnik niuqakhanik).
  • halumaqtilugit qaanit ikpatit, ukuap tiguqpiit quujaqturviit uunaqtumik irmiutiqaqtumik imarmik.
  • aanniaqtuniitailutit.

Ikajurlugit nutaqqat uaqtitlugit algamingnik, halumaqtirlugit ulapqiujait halumaqhiliruvin qanngingnik hunavaluit.

Kinaliqaak mihingnautiqarumik aihimajukhaujut, unnaguikhuirlutik, niuqaqattarlutik imarmik. Kinaliqaak mirriaqtaqtun itiktalaqiplutiklu igajukhaungittut igluqatimingnun, hiamitirnaittumik aanniarut ilamingnun. Halumaittut aannuraat uaqtaujukhat uunatumut imarmut paniqhirlugillun uunatqianganun paniqhiiviup. Itqaumalutit, qunikturuirlutit kahaktailutitlu nutarannuanik hiamitiutaungmat aannialaqidjunmik. Aannialaqitaililugit ahiqpaniipkarlugit aannialiruvin.

Inuit mihingnautiqalirumik aanniarunmik munarijaullajut iglumingni kihimi ingataqqata hakuiqata imaalu kipin'nguqata. Inuit akhut aannialaqigumik ingattarumikluuniit munaqhiliaqtukhat.

###

Tuhaqtipkainikkut Uqarvigijakhaq:

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca