Havaktingit

You are here

Arviat nunaanni ihivriuqhimmaaqtut nalunaktumik hiamitirnahugiyauyumik nunallaami

Saptaipa 19, 2021

Tuhaqtitauyuqhaq

Arviat nunaanni ihivriuqhimmaaqtut nalunaktumik hiamitirnahugiyauyumik nunallaami

Iqaluit, Nunavut (Saptaippa 19, 2021) – Dr. Michael Patterson, Nunavutim Atanilluan’nga Aanniaqtailinirmun Havaktia, ublumi tuhaqtitiyuq haffuminga uqariyauyumik:

“Aanniarutiqarnahugiyauyuq QALAGYUARNIQ-19 mik naunaiyaqtaat IDNow Point of Care ihivriuqhiyiit, ihivriuqhimayuq aanniarutiqanggittuq ihivriuqtauhimapluni ihivriuqvianni Kangiqlinirmi unnulihaaliqtumi Saptaippa 17 mi. Kiliuqhirhimayuq piyaungmat kinguani aanniarutimin, qanuqlikiaq an’ngirniaqqigu IDNow ihivriugutaa aanniarutiqanggittuq. Imaa piqalimaittaan’ngat nalunaktumik hiamitirniatigun Arvianni, ihivriuqhimmaaqtuqhat naunaittiariami nalunaktumik QALAGYUARNIQ-19 qariaqhainni nunallaami.

Havaaqhaq iniqqan kihiani uvagut ihumaliuqtaaqtaqqut qayarnautaatigut QALAGYUARNITIGUT-19 hiamitirniatigun Arviani ikittuuyaaqhaaniq, uvagut pidjutihimmaangniaqtaqqut amigaitqiatigut inungnut aanniaqtalirmun pidjutigilugit maliqqayaqhat. Imaa piyaami ayuirhimmaangnikkut sikuuqviit munaqhiviitlu nutaqqanik ammaumaniaqtut atuqtuqhatlu ivyarutinik.
Ilihimayun’nga tuhaadjut iqihulinnarniagungnaqhiyuq, kihimi uvan’nga pitquyatka Arviarmiut maliquplugit maliqqayaqhat quyagiplugitlu irinahuqhimaittumik. Ikayuutauniaqtuq piqanggittuutiyaqhaanik QALAGYUARNIQ-19 mik nunallaami.

Puiguqtailiyaqhaq, aularnikkut Arviamut Arviamitluunniit piyuqhaun’ngittut hadja. Kitkut aulaqhimayut Arviannit talvani talvan’ngaluunniit Saptaippa 6, kapuqhiqhimanggittutlu, avaliin’ngaaqtitauyuqhat 14 ni ubluni talvanga aullangmata Arvianit. Piqaliguvin mihingnautinik, hivayaqlugit Nunavutim QALAGYUARNIQ-19 hivayautaannut uvani 1-888-975-8601. Kapurhiqhiguvit, avaliin’ngaaraqhaqanggittutin, kihimi atuqtuqhauyutin ivyarutimik 14 ni ubluni galanga aullagavit Arviannit.

Pitquyatka tamaita maliquplugit inungnut anniaqtailinirmun maliqqayaqhainnut, uaqattaqlugit algatit, aihimalutin aanialiguvit. Imaalu, pittaaguvitlu, kapuqhiqhidjavutit. Kapuqhiguvit aanniaqtailidjutigiyauniaqtuq QALAGYUARNIQ-19 mit.”

###

Tuhaqtipkainikkut Uqaqvigiyaqhaq:

Chris Puglia
Atan’nguyaukaffuktitauhimayuq Tuhaqtipkaiyini
Munaqhiliqiiyitkut
867-975-5949
cpuglia@gov.nu.ca