Havaktingit

You are here

Atauhiq nutaaq aannialiqtuq COVID-19 Qalagjuarnirmik Arviani

Januali 22, 2021

Tahaqtitauyukhaq

Atauhiq nutaaq aannialiqtuq COVID-19 Qalagjuarnirmik Arviani

Iqaluit, Nunavut (Januali 22, 2020) – Ublumi, Nunavut ilitturipkailiqtuq atauhirmik aannialiqtumik COVID-19 Qalagjuarnirmin Arviani, Nunavutim hivulliqpaanga nutaaq aannialaqutimik talvannga Tisaipa 28min, 2020. Inuk aanniarnikkut naunaitkutiqangittuq, naammagallittuq avaliingaaqtuqlu. Aktuqtauhimanikkut kitkunnun naunaijaqtauliqtun.

“Una aannialaqutiqarnikkut pidjuti ilaujuq uvani naunaijarnikkut amirinikkut ihivriuqhinikkut kiudjutimi aannialaqidjutimi-amigaittunun,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havakti. “Piqangittuq naunaitkutinik nunallaamin hiamitirutianik qajangnarnialu aannialaqidjutimi hiamitirutikhaanik atpaniittuq. Talvunga pidjutaanun, tadja aanniaqtainikkut qanuriliurutit Arviani huli aulahimajun.”

Havauhiqtuutikkut kapurhiriaqtuqvighat Arviani aullaqtiffaarniaqtuqn Fibjuani 11-15, talvani tukliq havauhiqtuutikkut Moderna-mik kapuqtauniaqtuqn taapkununga kapuqtauvaktunun Januali kapurhiriaqtuqvingni. Naunaitkutit tautuktitaa pihimania tukliqmik kapurhirnirmik, havauhiqtuuti kapuuti taimaatun 94% nakuuniqaqtuq mikhilaaqtirnikkut pilirutainnik qajangnaqtunik aannialaqijuummirutinik talvannga COVID-19 Qalagjuarnirmin. Arviamiutat pingitaa hivulliqpaaq havauhikkut kapuqtaunirnik pijumajullu havauhiqtuutikkut kapurutinik hivjaqtaaqtaa munarhitkut ihuarhailulik takujaqtuqvighamingnik.

“Ublumi aannialaqidjutaa naunaijautijaatigun malikhimaaqtukhaujugun tamainnun aanniaqtailinikkut qanuriliurutiptiknun. COVID qalagjuarniq huli-aulahimmaaqtuq, Nunavullu nunallaavullu kihinguqtaulimaittun,” uqaqtuq Hivuliqti Joe Savikataaq. “Aulahimmaarluhi ahiqpaniilluhi atimaluhilu akuliangnun matunik ahiqpaniilimaitkuvin, algatin uaqattaqpaklugin, aihimalutin aannialiruvin havauhiqtuutikkullu kapuqtauvaklutin qilamik pijaarutingnun.”

Kinaliqaak ihumajuq aktuqtauhimajun COVID-19 qalagjuarnirmin unniutijaujun hivajaqtukhat uumunga COVID-qalagjuarnikkut-hivajautimun uvani 1-888-975-8601 talvannga 10min ublaami uvungalu 6mun unnuliqqat. Qikiqtaani ubluqhiutaani, imaaluunniit unniutilugin nunamingni munaqhitkut qilamik, tadjainnarlu avaliingaaqtilirlutik aihimavingmingni14-nun ubluni. Upaguirlugin munarhitkut.

Nutaatqijaujunun ilitturipkaidjutikhanun, taapkunungalu qaffiujuni nakuuhijuni aanniaqtunilu nunallaani, takulugu: www.gov.nu.ca/health/information/covid-19-novel-coronavirus
Nutaatqijaujunun ilitturipkaidjutikhanun Nunavunmi COVID-19 Qalagjuarnikkut havauhiqtuutikkut kapurhirutikkut akhuurharutikkut, takulugu www.gov.nu.ca/health/information/covid-19-vaccination

###

Tuhaqtidjutikhanut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atanngujaullakuq, Tuhaqtipkaijini
Aanniaqtailinikkut Havagvia
867-975-5949
cpuglia@gov.nu.ca