Havaktingit

You are here

Atauhiq nutaaq aannialiqtuq qalagyuarnirmun COVID-19 Arviani

Maassi 02, 2021

Tuhaqtipkaidjutiqhaq

Atauhiq nutaaq aannialiqtuq qalagyuarnirmun COVID-19 Arviani

Iqaluit, Nunavut Qiqaijalirvia 2, 2021) - Ublumi, Nunavunmi piqaqtuq atauhiqmik nutaamik aannialiqtumik Qalagyuarnirmik COVID-19. Nainguqtut aannialiqtut Nunavunmi, tamarmik Arviani ittut. Tamaita inuit naammaktut, avaliin’ngaaqhutik iglumingni aktuumanikkullu ihivriuqhihimaaqtut aulahimaaqtumik.

“Kihiani naunairutiqangituq paqidjutikharnik nunalaani hiamitiqhimaaqtunik aanniarutingnik Arvianmi ublumimun, akhurnaqtuq munagiyaangit tamaita aulahimayut aanniaqtailiqinikkut atuqtakhangit nutqaqtitivaliagianganik hiamitailaangat,” uqallaktuq Taakti Michael Patterson, Atanilluaq Nunalaani Aanniaqtailinikkut Havakti. “Quviahuktunga aulaningit ublumimun atuqhimaaquyatka inuit tamait akhuqhaihimaarlutik uminga ayungnautinikkut aanniarutiryuaq hanaqidjutikhangitnik. Arvianmiutat, quyagiumayahi havagyuaqpakaffi munagidjutikharnik nunalaani inuuhirittiarutikharnik. Aulahimaarluhi ilihimaluhilu havakhimaaqtakhi ayungnairutiqarniaqtuq.”

Talvanga Qiqaijalirvia 2, Arviat ihivriuqtauvaktut 2360 aanniarutiqangitut. Ublumimut, 8066 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni aulahimaaqtut. Nunavunmiut kitut kapuqhirumayun qalagyuarnirmun COVID-19 kapuutaanik hivayaqlugit munaqhitkut upautidjutigharnun.

Kinaliqaaq ihumagumi aktuqhimanirmun qalagyuarnirmun COVID-19 hivayaqlutik uvunga 1-888-975-8601 10 min ublaami 6 mun unnuliqqanmut. Qikiqtani Ubluqhiutaannut, ilitturipkaqlugilluunniit nunamingni munaqhitkut qilamik, tadjainnaqlu avaliin’ngaaqlutik iglumingni 14 ni ubluni. Upaguirlugin munarhitkut.

Nutaanun kangiqhidjutinun qalagyuarnimun COVID-19 kapuqhirnirmun upalungaiyautinun, hamungaulutit: https://gov.nu.ca/health/information/covid-19-vaccination.

Nutaanut kangiqhidjutinun, ukunanilu qaffiuniinni nakuuhiyuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanun kangiqhidjutinun tadjamin inungnun inuuhiinun pitailidjutinun hamungaulutit: https://www.gov.nu.ca/health/information/nunavuts-path.

###

Tuhaqtipkainikkut Uqaqvigiyaqhaq:

Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Aanniaqtailinirmut Havagvia
867-975-5712
dsommerville1@gov.nu.ca