Havaktingit

You are here

Atauhiq nutaaq aannialiqtuq qalagyurnirmik COVID-19 Arviani

Januali 23, 2021

Tahaqtitauyukhaq

Atauhiq nutaaq aannialiqtuq qalagyurnirmik COVID-19 Arviani

Iqaluit, Nunavut (Ubluqtuhivia 23, 2021) – Ublumi, Nunavunmi tuhaqtitiyut tuglirmik aulayumik qalagyurnirmik COVID-19 Arviani. Inuk aanniarnikkut naunaitkutiqangittuq, naammagallittuq avaliingaaqtuqlu. Aktuqtauhimanikkut kitkunnun naunaiyaqtauliqtun.

“Havagviat Aanniaqtailinirmut aulahimaaqtumik munariliqtait qanuriniit Arviani,” uqaqtuq Daakti Michael Patterson, Nunallaani Aanniaqtailinikkut Havakti. “Piqangittuq naunaitkutinik nunallaami hiamitirniranik qayangnautailu aannirutip hiamitirniranik mikitqiyauyuq uvanga Hikutirvianin. Aulahimaaqtumik munaridjutit tadjalu inungnun aanniaqtailinikkut maliqayaghat atuqtauyut nunallaami mighiyuumirutighat hapkua qayangnautait,”

Ilauyuq aulahimaaqtumik munaridjutit Arviani, ilaliutihimayut 30nguyut uuktuutit havaktauyut kingulirni malrungni ubluni aalamiklu aaniarutiqangitut ihivriurutait. Ihivriuqhihimaarniaqtut avatqumayumik 24nik ikaangnirnik.

Arviammiut itqaumaquyauyut aulahimaaqtumik maliklugit tadja pitquyaungitut. Ivyarunmik atimaluhi inugiangnirni, aulahimaaqtumik iqaiyangnikkut ungahiktilaaqangniq, kikliqalugit qulinik amigaitilaangit katimayut iglut iluini unalu 50 inuit hilami, uaqataaqlugit algatit aihimainaqlutik quviahugungnairuvit.

Kinaliqaak ihumayuq aktuqtauhimayuq qalagyuarnirmun COVID-19 uqaudjauyut hivayaqlugu qalagyurnirmun COVID-hivayarvikhaat uvani 1-888-975-8601 talvannga 10min ublaami uvungalu 6mun unnuliqqat. Qikiqtaani ubluqhiutaani, imaaluunniit unniutilugin nunamingni munaqhitkut qilamik, tadjainnarlu avaliingaaliqlutik iglumingni 14-nun ubluni. Munaqhitkunungauhuiqlutit.

Ublumimit atautimun aanniarutit qaffiuniit pidjutauniaqtut mighiyuumirlugu atauhiq aanniarut. Ihivriurutini aanniarutinun ilituriyauyuq kingulirmin aanniarutiqautaa ihuangitumik malruiqturhugu kihiqtitauhimayuq. Qaffiuniit qalagyurnirmun COVID-19 aanniarutit Nunavunmi imaatut 267 unaungituq 268.

Nutaanun kangiqhidjutinun, ilauyut qaffiuniit nakuuhiyut aulahimaaqtullu aanniarutit nunallaatigut, hamungaulutit: www.gov.nu.ca/health/information/covid-19-novelcoronavirus
Nutaanun kangiqhidjutinun nunavunmi qalagyurnirmun COVID-19 havauhiqturnikkut kapuqhiqhutik akhuurharutikkut, takulugu www.gov.nu.ca/health/information/covid-19- vaccination

###

Tuhaqtipkaivikhanut Uqaqvigiyaqhaq:

Chris Puglia
Atanngujaullakuq, Tuhaqtipkaijini
Aanniaqtailinikkut Havagvia
867-975-5949
cpuglia@gov.nu.ca