Havaktingit

You are here

Atauhiq nutaaq naunaiqtaujuq aannialiqtuq COVID-19 qalagjuarnirmik Nunavunmi

Tissaipa 01, 2020

Tuhaqtidjutikhaq

Atauhiq nutaaq naunaiqtaujuq aannialiqtuq COVID-19 qalagjuarnirmik Nunavunmi

Iqaluit, Nunavut (December 1, 2020) - Ublumi, Nunavunmi atautimut 93-nguqtut naunaiqtaujut aannialiqtut qalagjurnirmun COVID-19 attautimun 89 naamakhijut. Atauhiq nutaaq aannialiqtut naunaiqtaujuq Arviani, nunangani imaatut amigaiqtut naunaiqtaujut aannialiqtut 76-nguqtut.

“Nutqaqpalliadjutiptingni maliktaujarialingnik ilanginni nunangini imaalu avikturniinni aqagu, ianginiqaqtuq maliqahimmarluhi uuktuutiptingnik imaalu malikligut nutaat maliktakhat,” uqaqtuq Dr. Michael Patterson, Nunavunmi Atanilluaq Nunalaani Aanniaqtailinikkut Havakti. “Hamna imaatut ittuq aqpaqataujut inirniaqhimaplutik, naittungittuq qangiutihalimaittuq imaalu qanuriliurutivut hivuniptingni ubluni, havainirni tatqiqhiutinillu naunairutauniaqtut qanurinniagiakhanik COVID-19 qalagjuarniq Nunavnmi.”

Aktuqtauhimajut naunaijaqtauliqtut tamainun aktuqtaujut nunallat aulahimaaqtuq munaqhillu havaktit munarihimaaqtait tamaita avaliingaaqtitaujut. Talvanga Hikutirvia 30, 213 qaujihaqtauhimajut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtaujut 576 aanniarutiqangittut qaujihaidjutait. Qaujihaidjutait Tikirarjuarmi naunairutaujut 121 aanniarutiqangittut qauJihaidjutait. Munarijauhimmaaqtut Sanikiluarmi aulahimaaqtumik.

Kinaliqaak inuk ihumagumi aktuqhimahugigumi aanniaqtumit COVID-19 qalagjuarnirmik hivayaquyauyut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut maliqatqujaujunik, takulugu una: https://www.gov.nu.ca/health/information/nunavuts-path.

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. Pingattiunmi, December 2.

###

Tuhaqtipkainikkut Uqarvikhat

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca