Havaktingit

You are here

Atuqqujaungittut nutaqtitaujut Arviani Tikirarjuamilu

Januali 11, 2021

Uqautait

Atuqqujaungittut nutaqtitaujut Arviani Tikirarjuamilu

Nunavutim Atanilluaq Nunalaani Aanniaqtailinikkut Havaktimit Dr. Michael Patterson, ublumi tuhaqtitijuq tapkuninga uqaqtaminik:

“Qangingmanik malruuk havainniik piqangittumik nutaanik aannialiqtunik COVID-19 qalagjuarnirmit Atviani Tikirarjuamilu, tuhaqtitijunga tapkuat inungnut aanniaqtailinikkut maliktaujarialiit nutqaqtitaujut tamagingni nunallangingni. Talvanga akagumit, tingmitikkut aullarnirmik atugakhaiqtuq, ihariagijaungittut aullarnirmik pitqujaungittut huli.

Ukuallu, kavamatkut havagviit, naniminirijaujut havagviit iliharviit angmainarialaqijut. Igluqpaum iluani katimajut kigliqaqtukhat imaatut 10 inuit aallalu ilaujut igluqatigiiktunut ilagiiktut imaalu hilami katimajut kigliqaqtukhat amigaigjuumijut imaatut 50nik inungnik. Hapkuat nakuujut tuhaqtakhat, unniutijumajatka inuit tamaita nunguanut aglaat Ubluqtuhivia uqarniaqtut aanniarut qanngiutijumik. Inungnut tamainut aanniaqtgailinirmut qajangnaittumiklu, anginiqaqtuq tamapta maliqattiaqtakhavut inungnut aanniaqtailitikhat maliqatqujauhimahut. Akhuuqujatka Nunavunmiut takulugu tamna uvani www.gov.nu.ca naunaittiaqtakhanginnik.

Quviahuktunga itqaumatquplugit Nunavunmiut nunallaani kapuqhirvikhangit kapuqhirniaqtut ublumi Igloolik uvanilu Uqhuqtuuq imaalu aullaqtirniaqtun nunangini Arviat Iqaluktuuttiaq Ubluqtuhivia 14. Akhuuqhajatka tamaita pillajut Nunavunmiut 18nik angajukhiujulu kapurhirlutik. Nakuukpiaktuq aannialiqtailitikhaqqut hailijuq aannialirnaittumik COVID-19 qalagjuarnirmit.”

Naunaittuarumaguffi tadja inungnut aanniaqtaili maliqtikhatujaujut takulugu uvani: https://www.gov.nu.ca/health/information/nunavuts-path

Aallanik naunaittiarumaguvit talvuuna Nunavuim Kapurhirvikhanut akhuuqhaidjutikhamik, takulugu uvani: https://www.gov.nu.ca/health/information/covid-19-vaccination

###

Tuhaqtitaujukhanun Uqarvigihakhaq:

Chris Puglia
Atan'ngujaullaktuq, Tuhaqtidjutinun
Munaqhiliqiyitkut
867-975-5949
cpuglia@gov.nu.ca