Havaktingit

You are here

Avalingaarnirmut ilaungittut tamainik kapuqhiqhimajunut aullaqtukhanut

Immaktirvia 07, 2021

Tuhaqtidjutikhaq

Avalingaarnirmut ilaungittut tamainik kapuqhiqhimajunut aullaqtukhanut

Iqaluit, Nunavut (Imaruqtirvia 7, 2021) –Nunavutim Atanilluaq Nunallaani Aanniaqtailinikkut Havaktia Daakti. Michael Patterson, ublumi tuhaqtitijuq taimaatut atulirniaqtuq Imaruqtirvia 14mi, tamangnik kapuqhirhimajut avalingaagakhairniaqtut hivuagut utiqtinatik avikturnianut imaaluuniit tikitkumik nunagijamingnut. Tamangnik kapurhiqhimajut angajuqqaat aullaqhimajut kapuqhiqhimaittunik nutaraqaqtut avalingaariaqaqtut utiqhimalirumik nunamingnut.

“Tadja naunaiqtauhimaliqtun tamangnik kapurhiqhimajut aannialirunaittut imaalu hiamitirijunaittut aannialaqidjunmik, ukpiruhuktugutlu unngavaktaunia avalingarvikhanik pitqujauhimaniq tapkuninga inungnut qajangnarluangittuq COVID-19 qalagjuarnirmik tikinnahuqqurninganik Nunavunmi,” uqaqtuq Dr. Patterson. “Pijaamin ikliglijuumiutikhanik qajangnarniinik tadjakaffuk, tapkuat inuit aullaqhimajut kapurhiqhimaittunik inullaanik pijariaqaqtut avalingaaqtukhaujut huli hivuagut utiqtinatik Nunavunmut.”

Inuk ihumagijaujuq nakuujumik tamainik kapukhikhimajumik malrungnik havainirni iniqhiguvit tuglianik kapukhiktunut Kanataup Kavamanganit angiqtauhimajunut qalagjuarnirmun COVID-19 kapuutimmik. Tamainik kapuqhirhimajut ilaujunaiqtut kihimi maliqajukhat tamainik inungnut aanniaqtailinikkut maliktakhanik atuqtaujukhanik Nunavunmi.

“Nunavunmiut akhuukpiakhutik havakpaktun maliqaplugit tamaita inungnut aanniaqtailinikkut maliktakhainik, imaalu qalagjuarnirmun COVID kapuutikhat ilaurutaujut aannialiqtailitikhanik pipkaidjutikhaptingnik uminga atuqtakhamik,” uqaqtuq Hivuliqti Joe Savikataaq. “Quviahukpiaktunga atuliqtitidjutikhamnik uminga tulianik atuqtakhamk inuuniptingnut aanniarunmik qalagjuarnirmik COVID, imaalu akhuuqhajatka pittaaqtut Nunavunmiut kapurhiquplugit kapuqhirhimaitpata huli.”

Tamainik kapuqhirhimajut aullaqtukhat uuktuinariaqaqtut avalingarnirmut ilaungidjutikhamik iniqtirilutik kapuutikhamut ilaungidjutikhamik titiraqtakhamik imaalu tujuutigilugu talvunga vaccineexemptions@gov.nu.ca. Angiqtaujut aullaqtukhat tujuqtauniaqtun aullaqtukhat angiqtaujut titiqqidjunmik piqaqtukhat ikijamingnik tingminmut aullarnahuaqtumut Nunavunmut.

Nunavunmiut angiqtukhat naunaiqhidjutikhanut kapuutinut qanurinnianik uuktuutikhamingnut avalingaarnirmut ilaungidjutikhamik. Nunavunmiutaungittut tunihijukhaujungnaqhijut itquumajumik kavamatkunit titiqqamik naunaijautikhamik itquumajumik pijaangani kapuqhiqhimajamingnut qanurinianik. Tamainik kapuqhiqhimajut aullaqtukhat tadja talvaniitut atauhirmi Kavamangat Nunavutim hivuraani avalingarvikhami najugaani uuktuinariaqaqtut qimangnarilugu avalingaarvikhamik najugaanik.

Kapurhirnikkut kapurhiriaqturviit aullahimmaaqtun tamainni Nunavunmi. Hivajarlugin munarhitkut takujaujumaguvin. Kapuuti qajangnaittuq, nakuujuq nakuutqijaujurlu ikajuutikhaqqut COVID-19 qalagjuarnirmin.

Aallanik naunaitkutikharnik imaalu uuktuutikharnik ilaungidjutikhamik, talvungaulutit takulugu una: https://gov.nu.ca/in/munarhiliqiyikkut/information/aullaarniq-avaliingaa...

###

Tuhaqtipkainikkut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca