Havaktingit

You are here

Biipinnuat Hiniktitlutik Tuqquvaktut (SIDS) Qaujihaidjutikhaq Tatqiqhiut

Aktuupa 04, 2019

Inungnun Tuhaqtitaujukhaq

Biipinnuat Hiniktitlutik Tuqquvaktut (SIDS) Qaujihaidjutikhaq Tatqiqhiut

Tattiarnaqhilirvia Tadjainnaq Biipinnuat Hiniktitlutik Tuqquvaktut (SIDS) Qaujihaidjutikhaq Tatqiqhiut. Tadjainnaq Biipinnuat Hiniktitlutik Tuqquvaktut (SIDS) naunaiqtauhimajuq tadjainnaq, niriunaittumik tuqquvaktuq biibinnuaq atauhirmik ukiunikhimaittunut hiniktitlutik. Biipinnuat inuuhimajut Nunavunmi qajangnatqijaujut tuqquniaquqtaujut taffumanga ajurnatqijaujut taimatut taffumangaTadjainnaq Biipinnuat Hiniktitlutik Tuqquvaktut (SIDS) aallanit inuuhimajunit ahianni nunani Kanadami.

Havagviat Munaqhiliqijikkut akhuuhaijut tamainnik angajuqaanik munaqtiujutlu uuktuqhimmaqulugit qajangnaittumik hinikpagianginni ikiklijumirutikhanik tapfuminga SIDSnik imaalu allamik hinikhutik ajungnautit biipiinnuat tuqqudjutigivagainnik.

Qanuriliurutikhangit ikiglinahuarutikhanik Tadjainnaq Biipinnuat Hiniktitlutik Tuqquvaktut (SIDS) imailiurutikhahi:

  • Biipinnuat hatlaqtitpaglugu hiniktinnahuarungni iglirmi;
  • Hiniktidjavat igluarni, iglirni hiniqatigihuirlugu;
  • Ivianikkut mamaktilugit;
  • Higaaruirlutit igluvit iluanni, imaalu;
  • Atuqtailutit angivallaaqtunik iglirnut qadjanik.

Munaqhiliqijikkut aittutuikhaqaqtut Nunavunmi Biipinnuat Iglikhainnik tamainnut biipinnuanut inuujunut avikturnianni. Taimaatullu tunihijut biipinnuap hivullirmik hivurannaitumik hinigvikhanik, tamna igliq imaqaqtuq atuqtakhainnik biipinnuap hin'ngutikhainnik,aannurakhat uaqtirutikhainniklu, atuqtakhainniklu amaamaujup nutaranilihaaqtitlunni, taiguakhaniklu.. Angajuqaangit akhuuqhaqtaujut atiliurlutik taima Nunavunmi Biipiinnuat Iglingit nutaranilihaaqtunik takuuqhiriaqturumik munaqhinin irninahuaqtumik ikajuqtimit munaqhitkuni nunalaani aanniarvingmit.

Taimaittuq Qajangnaittumik Hinigianganik Kangikhidjutikhaq piinnarialik talvani Havagviat Munaqhiliqijikkut qaritaujakkuurutaani.

###

Tuhaqtidjutikhanut Uqarvikhaq:

Alison Griffin
Atan'ngujaq, Tuhaqtipkaijinni
Havagviat Aanniaqtailinikkut
867-975-5949
agriffin@gov.nu.ca