Havaktingit

You are here

COVID-19 qalagjuarnirmik aanniaqtumik naunaiqtaujuq Arviani

Nuvaipa 13, 2020

Tuhaqtidjutikhaq

COVID-19 qalagjuarnirmik aanniaqtumik naunaiqtaujuq Arviani

Iqaluit, Nunavut (Hikutirvia 13, 2020) – Dr. Michael Patterson, Nunavutim Atannilluaq Nunalaani Aanniaqtailinikkut Havakti, naunaiqhijuq inungmik aanniarutiqaliqtumik COVID-19 qalagjuarnirmik Arviani.

“Tamna inuk tadja ahianiittuq avikturniannit, avalingaqtitaujuq imaalu naamainnaqtuq. “Aulatitilirmiugut qaniklihimajainnik aanniaqtumut naunaiqtaujukhanik Arviani uvanilu Amigaqhuutiqaqtumik Havaqatigiiktut Ikajuqtiujut utaqqiliqtut ikajuriaqturiamingni pijariaqarumik,” uqaqtuq Patterson. “Qajaguhungnirmik, aullaqtirlutik Unaguiqhirvik, Hikutirvia 15, tamaita tingmitikkut aullarniq avatingnut Kivallirmi nunallanginni nutqaqtitaunialiqtuq, tahapkuanginnait uhijauvaktut agjaqtakhat imaalu amigaqhuutaujut aullaqtitaujukhat tingmitikkut.”

Tamainni Kivallirmi avikturnianni, ihariagijauqpiaktuinnait kivgaqtuidjutikhat angmaniaqtun niuvvaviit niqitarviit atulirniaqtut ikiglijuumirlugit angmaumavikhangit ikaarniit. Igluqpaum iluanni katimapkailimaiqtut, imaalu tamaita hilami katimaqatigiiktut imaatut kigliqarniaqtut tallimanik inungnik ikitqijanikluuniit. Kivallirmi nunaqaqtut atihimajukhaujut akkuliangnut matukhamik ahianungaigumik iglumingnit, aihimaluhi aannijakhaitkuffi imaalu ikiglihimalugit ahini inungmiutailuhi, ilaujullu allat ilagiiktut iglumiuqatigingittatit.

“Takuvalliajavut amigaitilangit COVID qalagjuarnirmik aannialiqtut tamainni nunagijaujuni Kanadami, akhuurutigijakhavut maliqattiarlugit inungnun aanniaqtailinikkut maliqattiaqujauhimajut, qajagijukhaujuhi imaalu naunaijaqattarlugit ilihimanahuarlugillu qanuriliurutikhavut,” uqaqtuq Hivuliqti Joe Savikataaq. “Inungnut tamainut Kivallirmi, ilihimadjavuhi ihumagijaujuhi, tujuqtaujuhi hakugiutikhaffingnik imaalu kavamakput hanaiqhimajut ikajurumaplutik. Aanniaqtailinahuarlugi inuuttirnahuaritti, munaridjutiluhillu qajangnaittumik.”

Kinaliqaak kitu ihumagumi aktuqhimanirmun qalagjuarnirmun COVID-19 qalagjuarniq hivajaqtukhat COVID hivajautaanut 1-888-975-8601 akkungani 10 ublaami. unalu 6
mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni.
Munaqhiliaqtailutin upautihuirlutillu.

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan ublumi.

###

Tuhaqtidjutikhanut Uqarvikhaq:

Cate Macleod
Tuhaqtakhanut Titiraqti uumunga
Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca