Havaktingit

You are here

COVID-19 qalagjuarnirmik aanniaqtumik naunaiqtaujuq Iqalungni

Iipu 14, 2021

Tuhaqtipkaidjutiqhaq

Qilamik Tuhaqtitaujukhaq

COVID-19 qalagjuarnirmik aanniaqtumik naunaiqtaujuq Iqalungni

Iqalungni, Nunavut (Iipu 14, 2021) – Dr. Michael Patterson, Nunavutim Atannilluaq Nunalaani Aanniaqtailinikkut Havakti, naunaiqhijuq inungmik aanniarutiqaliqtumik COVID-19 qalagjuarnirmik Iqalungni.

“Tamna inuk avaliingaqtitauliqtuq namainaqturlu. Naunaijailiqtugut inungnik aktuqtauhimajunik nunangani imaalu havaliqtugut naunaijarnahuarhugit tamaita qajangnaqpiarningit aktuqtauhimajut aannialiqtumit qilamiurutigiplugu,” uqaqtuq Dr. Patterson. “Apirijavut nunaqaqtut Iqalungni aihimavatquplugit imaalu ikiglinahuarlugit qaniklittaililutik aallanik inungnik nunamingni, ilaujut ilagiiktut igluqaqtunik ahiani igluqatimingnit”.

Atulirluni 7 a.m. ublaami Hitammiut April 15, Iqalungni, tamaita ihariagijaungittut havagviujut ukuallu kavamatkut havagviit umiktukhaujun. Igluqpaup iluanni katimajut tahapkuanginnait igluqatigiiktut aallaniklu tallimanik inungnik amigaqhuutaujuinnarnut, imaalu hilami katimajukhat kigliqarniaqtun tallimanik inungnik. Tamaita iglut iluanni katimapkaijumajut inungmiudjutit pitqujauhuiqtut. Tamaita iliharviit Iqalungni umiqhimanialiqtun uumani havainirmi. Ijarutit atuqqujaujut Iqalungni.

Tingmitikkut aullaqhimajut Iqlungnit uumani kinguaniluuniit April 13 qilamik avalingaqliqtukaujut aimavingmingni nunamingni tikitkumik imaatut 14ni ubluni. Aullagakhaittunut tingmitikkut pitqujaungittut.

Tamainni aallani Qikiqtaalungni nunallani Kangiqlinirmilu, havagviujut angmaqhimajukhaujut kihimi atuliqtukhat maliqattiakpiaktakhanik inungmit unngahiktilaqarlutik. Tahapkunani nunallaani, igluqpaup iluanni katimajut tahapkuanginnait igluqatigiiktut aallaniklu 15nik inungnik, imaalu hilami katimajukhat kigliqarniaqtun 100nik inungnik.. Iigluqpaup iluanni katimajut tahapkuanginnait imaatut 50nik inungnik imaaluuniit 50 pusantinganik inikhanik, nalliak ikitqijaukpat. Tamaita iliharviit nuuniaqtun Qanurininga 2.

“Apirijatka tamaita Iqalummiut qukluktailinahuarluhi imaalu maliqattiakpiarlugit inungnun aanniaqtailinikkut maliktaujukhat piliuqtauhimajut,” uqaqtuq Hivuliqti Joe Savikataaq. “Qujahuktunga taimatut Nunavutim kapuutikhangit aullapkaqtaujut havaktauhimmaaqtun huli. Avatqumajut 3400 Iqalummiut hivullirmik Moderna kapuutikhamik kapurhiqtut imaalu avatqumajut 2000 hkapurhiqtun tamagingnik kapuutikhangnik. Tadja aihimajukhanguqtuhi anijakhaitkuvit imaalu ikajurluta tamapta kajumiqtinnahuarlugu hiamitiqtailinahuarlugulu aanniarut. Qajagivaklutit."

Inuk kituliqaak ihumagumik aktuktauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10 ublaami 6 unnukpat, ilituripkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut aimavingmingni 14-ni ubluni. Upaguirlugin munarhitkut.

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan aqagu.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Aanniaqtailinirmun Havagvia
867-975-5949
cpuglia@gov.nu.ca