Havaktingit

You are here

CPHO kiudjutait aannialiqtunut uvani Aqsarniit Illiniarvik

Immaktirvia 13, 2021

Uqautait

CPHO kiudjutait aannialiqtunut uvani Aqsarniit Illiniarvik

Iqaluit, Nunavut (Imaruqtirvia 13, 2021) – Dr. Michael Patterson, Nunavutim Atanilluaq Nunalaani Aanniaqtailinikkut Havaktia, ublumi tuhaqtitijuq tapkuninga uqaqtaminik:

“Havangnaidjutaani, ilitturijugut tapkuak malruuk inuk naunaiqtaujuuk aannialiqtuuk qalagjuarnirmin COVID-19 talvanga Aqsarniit Illiniarvik Iqalungni. Tapkuak inuuk talvaniiqatigiiktuk Cohort B, iliharvingmiihimajuk uumani Hivulliunmi, Imaruqtirvia 7 unalu Pingattiunmi Wednesday, Imaruqtirvia 9. Atuqhimajukivjarutimik, iliharviup maliqajakhanik iliharvingmiidjutimingni.

Inungnut aanniaqtailinikkut havaqatigiiktut havakpiakpaktut naunaijaipulutik qaniklihimajainnik aanniaqtungnit imaalu qiniqhiaplutik hivuranarniinik hiamitirnikhanut aannialaqidjutimik. Havaqatigiplugit Havaiat Ilinniaqtuliqijikkut, nainaiqhijugut tamna Aqsarniit Illiniarvik angmainariaqaqtuq Hivulliunmi, Imaruqtirvia 14 tapkununga Cohort A-mi ilihaqtunut. Kiliuqrauniit hapkuat ilihaqatigiiktut imaalu qaniklihimajangit ukuak malruuk aannialiqtuuk talvanga Cohort B-mi havaktauniatun aqagu, ihivriuqhidjutait naunaiqtauniaqtun ublua nungutinagu. Taimaita ilinniarviup aktuqtauhimajut kiliuqtaudjutait utiqqata aanniangittut Hivulliunmi, Ilihaqatigiiktut uvani Cohort B-mi utiinariaqaqtun iliharvingmingnut Aippiunmi. Nalliat ukuat ihivruqtaudjutait utiqtitaukpata naunaiqqata aanniaruliqaliqtut Hivulliunmi, naunaijaiffarniaqtugut ilinniarviat angmarvikhanut upalungaijautikhait Aippiunmi.

Tadja, qajangnarniat mikijutut ittuq aallanut ilinniarviinut Iqalungni imaalu pitqujauhimajut angmainariaqaqtut uvani Stage 3 imaalu maliktakhangit maliktakhaliuqhimajavut. Aallangulimainahugijavut nutaqqiqiviit angmaqhianikhanut.

Ilihimajunga hamna nalunaittiaqhimaittuq angajuqqanut, ilihaqtunut, imaalu havaktiinut, kangiqhimajatkalu ihumaluutihi. Kihimik, ajuiqpalliadjutiptingni inuudjutikhaptingnik aanniarut hangutitlugu qalagjuarniq COVID-19, aadjikiingnahuarutikhanik umikhimanikkut imaalu hivumuuqpalliadjutiptingnik nutaami naunaijautigilugit qanuriningit naunaiqtaujarangata.

Pfizer kapuutikhamik kapurhirvikhangit Nunavunmiut ukiuqaqtunut ukuat 12-17 aullaqtirnialiqtuq aqaguani havainirmi, imaalu akhuuqhajatka tamaita angajuqqaat munaqtiujutlu ihuaqhaijukhat ublukhaliuriiqhimajukkut kapurhirvikhanik imaaluuniit qaritilugit nutaqqatik uqautivikhanut Iqalungni. Tamna COVID-19 kapuutikhat ikajuutikhavut aallanguqtiutikhavut, ikajuutauniaqturlu hiamitirnaittumik aannialirnaittumiklu hivumuuqpalliadjutikhaqqutlu. Ikajurritti imaalu kapuqhiriaqturluhilu.”

###

Tuhaqtipkainikkut Uqarvikhaq:

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca