You are here

Haladiirutikkut piumaliqhautit turaangajut havaktughanigiangani munaqhinik Nunavunmi

Aktuupa 14, 2022

Kavamatkunnin Tuhaqtitaudjutikhaq
Haladiirutikkut piumaliqhautit turaangajut havaktughanigiangani munaqhinik Nunavunmi

Havagvia Aanniaqtailinirmun tunihijumajut piumaliqhautinik munaqhinun havagumajunun Nunavunmi uvani haladiirnarnirmi ukiungan. ‘Qaridjilutik Ilanarnik Ilangnik’ pinahuarut havaktauhimajuq ihuaqhijuumirnirmun havaktughaqhiurutinun ihumagijaujut havaktughaqliunirmun kivgaqtuutiniklu ikiklijuuminirmun.

Kavamatkut Nunavunmi (GN) tunihijut nakuujunik pijaghanik hapkununga Kanadamiunun aanniaqtailinirmun ajuitiaqhimajunun ilaujaangini aalangajunik quvianaqtuniklu havagvingnik tapkua pipkaijut aalakiinik ajuitiaqhimajunik inmilu pivalliadjutighainun nakuujunik akiliuhiaqaqtunik.

Una ‘Qaridjilutik Ilanarnik Ilangnik’ piumaliqhaidjut tunihijuq munaqhinun atauhirmiik utirutiqaqtumik tingmidjunmik ilanamun ilamunluuniin ilaujughamik munaqhimun nunallaamun. Unailanaq ilaujuqluuniin najugaqaqtughaq nunallaami humi munaqhi havagvigijaani. Munaqhi ilagijaalu hiniktarvighaqarniaqtuk. Havaktit uqaqatigijaghaat havagvitik tingmidjutit taaksiqaniarmata ikajuutinik.

Pinahuarutit piinarialgit hapkununga:

  • Havagaanginaqtunun havakaffuktununlu Ilaujut Talimat munaqhit, munaqhit ajuiqhaqtut, irnijunik munaqtiujut ukualu ihumamun aanniaqtailinirmun qaujihaijit.
  • Havagaanginaqtut havaktit havaktut Kulaisimaniup Ubluani Ukiup Nutaanganilu.
  • Havakaffuktut kitut tunihijut mikinirharmik pingahunik havainirnik kivgaqtungnirmik havaktughaujut Ubluiqtirvia 6, 2022, hamunga Ubluqtuhivia 9, 2023.

Ukua GN aghuurutiqaqtut havagviujumalutik piumajaunut aulahimaaqtumiklu atuliqlugit Apqutighaq Hakugikhijuumiriangani Nunavunmi Munaqhit Havagviit, tamatkiumajut havaktughaqhiurutit piumanirmunlu hanaqidjutit pihimajaangini Nunavunmi piumanirmun munaqhinun.

Havangniq Nunavunmi pipkaijut munaqhinun ihuaqnirmik havagiamini tamaanun inmi anginighainun pilugillu hivumuurutiqaqtut pijaghat.

Laisiliqtungnirmun akiligahat havagiamingni Nunavunmi akiliqtaujut Havagvianin Aanniaqtailinirmun. Uukturit ublumi aularutigijaarni una quvianaqtuq nutaaq havauhighaq.

Takulugu www.gov.nu.ca/in uvaluuniin www.nunavutnurses.ca takujaangani munaqhit pijaghait piinarialgit avaitiini aviktuqhimajup.

###

Tuhaqtipkainikkut Uqarvigijaqhaq:

Danarae Sommerville                                                                                                                        
Tuhaqtipkainirmut Ajuittiaqhimajuq                                                                                                   
Munaqhiliqijitkut
867-975-5712
dsommerville1@gov.nu.ca