You are here

Higaarluaruijautikhanun Tatqiqhiutaanun Aullaqtirutigijaat

Januali 16, 2023

Kavamatkunnin Tuhaqtitaudjutikhaq
Higaarluaruijautikhanun Tatqiqhiutaanun Aullaqtirutigijaat 

Uumani tatqiqhiunmi, katimaqatigilugu Havagviat Aanniaqtailinikkut ikayuutikhamun Tipaakurnik Ikiklijuumirutikhamun Tatqikhiut unalu Nunarjuami Higaarnaittumun Havainiq talvuuna Ubluqtuhivia 16min 22mun, 2023mi. Hapummiklugin nuttaqqat nuatqatinlu nunalingni higaaruirvigilugit aimaviit, aqhaluutin amautiitlu higaarviginaittumik.

Nunavummiut maliktukhat malruknik higaaqtunun maligakhat (Higaarnaittut Nayugangit unalu Kiklingit) ikayuriami hapummiutigiami inuit uumannga qayangnautingit uumannga Higaangittut Higaaqtumit Puyunganik Anirhaaktuq. Higaariami, higaan'nguat puuyuqaqtut, aturiamilu higaarlukni atuqtailiyauyut higaarnirmi humi ittut munaqhiliqiviit, iliharviit, hilami ulapqiviit, nutaqqiqiviit, haakirviit, ulapqiviit, inungnutlu hulilukaarutit.

Unaluttauq, maligarnut higaariami, hiluqtuutinun, atungnirmunluuniin 9 metresmik (9-nikluuniin apluriarutit) quyaginaq ukuanin anitiruvinluuniin inungnun igluqpait, imaatun niuvaaviit, kavamatkut igluqpait, angaadjuviit, angaadjuviillu.

Higaaruiqpiarumainariarni nakuutqiyauyuq pigiaqni ihuarhigiami aaniaqtailiniqmut. Uqaudjaunikkut ikayurniit nicotine himmauhiqhatlu ikayuutiginiaqpiaqtaatin taimaangnirmun tipaakunik. Uqaqatigilugit nunanngni munaqhitkut uvaluuniin hivajarlugin Nunavunmi Taimaagahuaqnikkut uvani 24/7, talvunga 1-866-368-7848. Havautit, imaa nipitigutiqaqtut, kutut uvalu aniqhaagutit, piinagialgit akiitumik pulaaqlugit nunangni munaqhitkut uvaluuniin havautiliqiviit.

Qiniqlugu Tipaakuq Inighaqangittuq Hamani Facebook makpirniani ikayuutikhanik uvalu ikayuutikhanik tapkua ikayuutauniaqtut Nunavunmiunun kitut ihumayut taimaarnikkut. Naunaittigumaguvit higaaqyuaqtailinirmun taimaaqlugitluunniit tupaakuit, hamunggaulutin qaritauyakkut https://nuquits.gov.nu.ca/in.

###

Tuhaqtipkainikkut Uqaqvigijaqhaq:

Victoria Morgan        
Tuhaqtipkainirmut Ajuittuq
Aanniaqtailinikkut Havagvia
867-975-5949
vmorgan2@gov.nu.ca