Havaktingit

You are here

Hitamanguqtut nutaat aannialiqtut COVID-19 qalagjuarnirmik Arviani

Nuvaipa 14, 2020

 

Hitamanguqtut nutaat aannialiqtut COVID-19 qalagjuarnirmik Arviani

 

Iqaluit, Nunavut (Hikutilirvia 14,2020) - Talvanga 8 ublami ublumi, Nunavunmi attautimut iinguqtut naunaiqtaujut aannialiqtut COVID-19 qalagjuarnirmik. Hitamatnutaat aannialiqtut naunaiqtaujut Arviani, nunangani aannialiqtut tallimanguqtut. Tamarmik ukuat inuit avaliingaqtitauliqtut naamainaliqhutiklu. 

Ublumimut, 63 aallat ihivriuqtaudjutait iniqtaujut Sanikiluarmi imaalu tamaita ihivriuqhidjutait naunaiqtaujut aanniarutiqangittut. Kanguqlinirmi, aallat 22 inuit ihivriuqhidjutait iniqtaujut, imaatullu tamaita naunaiqtaujut ihivriuqhidjutait aanniarutiqangittut. Qaniklihimajainnik aanniaqtumut Kangiqlinirmi, Sanikiluarmi hamanillu Arviani naunaiqtauhimmaaqtut imaalu iniutikhanit tikinnahuaqtakhatik hiamitiqtailitikhanik nunangani.

Anginiqaqtuq Nunavunmiunut maliqattiarlutik pitqujauhimajunik inungnut aanniaqtailinikkut maliqatqujauhimajunik – ikiglihimalugit inungnut ungahiktilaaqarnirmik pijuminaqqan, uaqattarlugit algakkit, imaalu aihimalutit aanniangaliruvit. Qanuriliurutitit hulidjutitit aktuutauniaqtun tamainnun inungnut aanniaqtailidjutikhannun.

Kinaliqaak kitu ihumagumi aktuqhimanirmun COVID-19 qalagjuarnirmik hivajaqtukhat COVID hivajautaanut 1-888-975-8601 akkungani 10 ublaami. unalu 6 mun. EST-kut ubluqhiutagut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni. Munaqhiliaqtailutin upautihuirlutillu.

Tamaita inungnut aanniaqtailinirmut maliqatqujauhimajut atuqtaujukhat, imaalu hailijut uvani https://www.gov.nu.ca/health/information/chief-public-health-officer-orders

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan Hivulliunmi, Hikutirvia 16mi.

 

Tuhaqtipkainikkut Uqarvikhat:

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca