Hitamat nutaat aannialiqtut COVID-19 qalagjuarnirmik Nunavunmi

Tahqtipkaidjutikhat

Hitamat nutaat aannialiqtut COVID-19 qalagjuarnirmik Nunavunmi

Iqaluit, Nunavut (Hikutirvia 30, 2020) - Ublumi, Nunavunmi atautimut 108-nguqtut naunaiqtauyut aannialiqtut qalagjurnirmun COVID-19 atautimun 73 naamakhiyut. Hitamat nutaat aannialiqtut naunaiqtaujut Arviani, nunangani imaatut amigaiqtut naunaiqtaujut aannialiqtut 86-nguqtut.

Tamaita atautit aulahimayumik qalagjuarnirmik COVID-19 avaliingaaqtitauyutt naamaktullu, angiluangitunik mihingnautinik. Aktuqtauhimajut naunaijaqtauliqtut tamainun aktuqtaujut nunallat aulahimaaqtuq munaqhillu havaktit munarihimaaqtait tamaita avaliingaaqtitaujut.

Talvanga Hikutirvia 29, 208 qaujihaqtauhimajut Kangiqlinirmi aanniarutiqangittut qaujihaidjutait. Arviani qaujihaqtaudjutait naunaiqtauyut 555 aanniarutiqangitut qaujihaidjutait. Qaujihaidjutait Tikirarjuarmi naunairutauyut 100 aanniarutiqangittut qauJihaidjutait. Munariyauhimmaaqtut Sanikiluarmi aulahimaaqtumik.

Kinaliqaak inuk ihumagumi aktuqhimahugigumi aanniaqtumit COVID-19 qalagjuarnirmik hivayaquyauyut ukununga COVID hivajautaanut 1-888-975-8601 akkungani 10 ublaami unalu 6 mun. EST-kut ubluqhiutagut, imaaluniit inmingni nunamingni munaqhitkut qilamik, aviilngaaktukhaklu iglumingni 14ni ubluni. Munaqhiliaqtailutin upautihuirlutillu.

Nutaanik naunaiqtakhanik atuqtakhaniklu talvuuna COVID-19 qalagjuarnitmun Nunavunmi, takulugu una: https://www.gov.nu.ca/health/information/covid-19-novel-coronavirus.

Nutaanik naunaitkutikhanik tadja inungnut aanniaqtailinikkut maliqatqujaujunik, takulugu una: https://www.gov.nu.ca/health/information/nunavuts-path

Nutaat ilitturipkaidjutikhat tunijauniaqtun tuhaumapkaidjutimi 11 mungaqqan. EST ublumi, Hikutirvia 30.

###

Tuhaqtipkainikkut Uqarvikhat:

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'ngujaullaqtuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca