Havaktingit

You are here

Ihumakkut Aanniaqtailinikkut Ipirailairnikkullu tukhiqtun maniliqtuutikhanik tukhirutinik

Niqiliqivik 10, 2020

Kavamatkunnin Tuhaqtitaujukhat

Ihumakkut Aanniaqtailinikkut Ipirailairnikkullu tukhiqtun maniliqtuutikhanik tukhirutinik

Aanniaqtailinikkut Havagvia Ihumakkut Aanniaqtailinikkut Ipirailairnikkullu Havagvia piliqtuq maniliqtuutikhanik tukhirutinik hunanik aturutaitigun piniarhimadjutikhanik uvunga 2020-2021 maniliqinikkut ukiumun.

Maniliurniarhimangittun timiqutit nunallaanilu kavamaujun Nunavunmi akhuurhaqtaujun tuninikkut maniliqtuutikhanik tukhirutinik ukununga nunallaamin-hivulliuqtaujun havaktakhat turaanganiqaqtun ihuirutigijauvaktuni hunanik aturutaitigun ukunanilu ipirailairnikkullu nutaqtinniarhimadjutikhanik, hanaqidjutinik, aanniqtailidjutikhanik taimaarhimalirnikkullu-munaridjutikkut piniarhimadjutikhanik.

Hulidjutikhat pijaaqtun maniliqtuutikhanun ilaqaqtun, kihimi kikliqangittun ukununga:

  • inulrammiinni hunanik aturutaitigun nutqaqtinnahuarutikkut.
  • hunanik aturutaitigun uqaudjinirnik inungnun ilagiiktunullu.
  • pitquhikkut hulijakhat turaangajun inungnun qajangnarhittaaqtun ihuirutigijauvaktuni hunanik aturutaitigun.
  • mamiharnikkut katimaviit.
  • aanniqtailidjutikhanik piniarhimadjutikhanik.
  • angijunik hivunikhaliurutikhanik.
  • aallat aallangajun ipirailairnikkut hanaqidjutikhanik piniarhimadjutikhanik.

Atauhiq uuturuti taapkunun amigaittunun pittaaqtunun hulidjutikhanik akhuurhaqtaujun, pidjutiqarluni nunallaap ihariagidjutainnun. Umikvighaqangittuq uukturutinun tujuutillu pijauniaqtun tamaani 2020-2021 maniliqinikkut ukiumi, talvunga maniliqtuutikhat nungunninginnun. Aallanik kangiqhidjutikhanik uukturiamiluunniit, uqaqatigilugu APerezAra@gov.nu.ca.

###

Tuhaqtitaujukhanun Uqarvighaq:

Chris Puglia
Atanngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca