Ikpiarjungmi munarhitkut umikhimallangniaqtun

Kavamatkunnin Tuhaqtitaudjutikhaq
Ikpiarjungmi munarhitkut umikhimallangniaqtun

Aanniaqtilinirmut Havagvia unniutiliqtait Ikpiarjungmiutat umikhimallangniaqtuq munarhitkut tadjainnaq talvungalu tuhaqtidjutaanun pidjutaanin havaktiit ikikliqpiarmata.

Umikhimatilugit, qilamiuqtuliqijit talvaniinniaqtut tunihijaamingnik qilamiunirmun, inuuhirmulluuniin-qajangnarhidjutikkut munaridjutinik. Aanniaqtailinirmut Havagvia aturniaqtait aallakkiit qaritaujakkuurutikkut aanniaqtailinirmun qilamiutuliqinirmun kivgaqtuutit ikajuutikhait aanniaqtut uvani Ikpiarjungmi.

Hivajautikkut aulahimmaarniaqtut munaqhitkunnun nuutiqtauniaqtullu qaritaujakkuuqtukkut ikajuutinun. Hivajaqtut ilikkut-nuutiqtauttaaqtun aallanun nunallaanun. Nutaqqiuqtaaqtun tadja, kihimi hivajaqtut pitqujaujut nutaqiuqlutik nutqaqtihimaittumik. Ikajuqtut havaktit hailihimajun hivajautikkut ikajuriamingnik kivgaqturnirmun imaa tuninirni havautinik aanniarvingmun aullautikhaniklu. Pijumaguvit havautikhanik, uqautijaujutin pijakhatin akunngani 8:30 ublaamin 5mun.

Havagutikkut ikiklilaarutiit umigutilluunniit aallanguqtaaqtun pidjutaanin havaktikhani hailihimajunin. Aallanguqtaaqtun havagutit taimaatun havaktikhait amigaitilaangit aallanguqqata.

Aanniaqtailinirmut Havagvia havaqatigijait kavamatkut ukiuqtaqtumi paannaillu imaa pijaami Nunavunmiut pittaarutainnik ihariagijaujuni aanniaqtailirnirmun havagutinik huli kiunahuarutigillugin ikiklijunik havaktikhanik.

###

Tuhaqtipkainikkut Uqarvigijakhaq:

Danarae Sommerville
Atanngujaullaktuq Tuhaqtipkaijini
Aanniaqtailinirmut Havagvia
867-975-5949
dsommerville1@gov.nu.ca