Havaktingit

You are here

Ilitturijauhimajuq COVID-19 qalagjuarniq aanniarutiqaqtuq uvani Mary River Ujaraghiuvingmi

Aktuupa 21, 2020

Tuhaqtitaujukhaq

Ilitturijauhimajuq COVID-19 qalagjuarniq aanniarutiqaqtuq uvani Mary River Ujaraghiuvingmi

Iqaluit, Nunavut (Aktuuba 21, 2020) – Dr. Michael Patterson, Nunavunmi Atanilluaq Nunalaani Aanniaqtailinikkut Havakti, tuhaqtitijuq aanniarutiqaliqtumik Qalagjuarniq-19 qalagjuarnirmik talvani Mary River Ujaraghiurvingmi, 176 km-nik ungahiktilaaqaqtuq hivuraani Mittimatalingmin. Inuk aanniangajuq imaalu avalingaqtitaujuq igluarmini.

Qaniklihimajainnik aanniaqtumut naunaiqtauniaqtut ujarakhiurvingmi havaktinginnit maliqalugit maliktakhat, iumaalu naunaiqtauhimajut qaniglihimjait ilijauniaqtut avalingarvikhanut igluamingni. Piqangittuq naunaitkutinik hiamitirnirnik talvani Mary River Ujaraghiurvingmi tadja. Nunavutim Aanniaqtailinikkut havaktiit upalungaiqhimajun ikajuriami upautijaamilu taimaatun, pijukhauliqqanlu.

Piqangittun Nunavunmiunnik tadja havaktun talvani Mary River Ujaraghiurvingmi, qajangnarnirlu COVID-19 qalagjuarniq hiamitirniani nunallaaptingnut uumannga ilitturijauhimajumin aannialaqutimin qajangnarluangittut.

Tadja aanniaqtailinikkut qanuriliurutit, Nunavutip Apqutikhaa, ukualluunniit Aullauvilluarvigijainni Nunani ukunani Churchill, Manitoba-mi uumanilu Nunatsiami, huli hulaqutaungittut.

Naunaitkutit COVID-19 qalagjuarnirmi ilaqatun kidjangnirmik, qalaliqtumik ajurnarhijumikluunniit anirhaaktariami. Nakuutqijaujuq aanniaqtailitikhat hiamitirnirnin aannialaqidjutimilluunniit aanniarutimik taimaatun inungnin ahiqpaniinniit, algakkit uarnirnik 20 secondsnik, qalakhurniq takjurnirlu ikuhingnun aihimalunilu.

###

Tuhaqtidjutikhanut Uqarvikhat:

Chris Puglia
Atan'ngujaullaktuq, Tuhaqtidjutinun
Havagviat Aanniaqtailinikkut
867-975-5949
cpuglia@gov.nu.ca