Havaktingit

You are here

Ilitturijauhimajuq COVID-19 qalagjuarnirmik aannialaqijuq Iqalungni

Tissaipa 04, 2021

 

Tuhaqtitauyuqhaq

Ilitturijauhimajuq COVID-19 qalagjuarnirmik aannialaqijuq Iqalungni

 Iqaluit, Nunavut (Tisaipa 4, 2021)– Dr. Michael Patterson, Nunavunmi Atanilluaq Nunallaani Aanniaqtailinikkut Havakti, ublumi tuhaqtitijuq pihimaliqtumik aannialaqijumik COVID-19 qalagjuarnirmik Iqalungni.

“Tisaipa 3mi, inuk qangannuaq utiqhimajuq aullarhimanirmin Hivugaanin Kanadami uuktuutaa piqaqtuq COVID-19 qalagjuarnirmik,” uqaqtuq Dr. Patterson. “Taamna inuk avaliingaaliqtuq aktuqtauhimajun naunaijarutiit aulahimmaaqtuq. Qajangnarnia hiamitirnirmun ihumagijaujuq atpaniittuq pidjutiqangittuqlu amigaiqtijuummiqtirnikkut inungnut aanniaqtailinikkut maliktakhainnik tadja.”

Kitkulli kapurhiqtauhimaittun tingmihimajun uvani Canadian North-kut Tisaipa 2mi Tingmidjutaani 5T-103 Ottawa-min Iqalungnun ikhivajun ikhivaviinni 21min 27mun pitqujauhimajuq tadjainnaq avaliingaaqtirlutik talvunga Tisaipa 16mun. Kitkulli kapurhiqtauhimajun tingmihimajun taapkunani ikhivaviinni ingmiknik-amirijukhat qalagjuarniup naunaitkutainnun talvunga Tisaipa 16mun. 

Aanniaqtailinirmut Havagvia amirihimmaarniaqtaa pidjuti tunivaglunilu nutaanik-tuhaqtidjutinik pijukhaukpat. Una ilitturijauhimajuq kiliuqtauhimajuq tujuqtauniaqtuq qaujiharvingmun Hivuraani Kanadami ilitturittiariami kituujaakhaanik aallanguqtirutainni qalagjuarnirmi.

Kinaliqaak COVID-19 qalagjuarnirmi mihingnautiqaliqtut uqaudjaujut hivajarlugu COVID-hivajautaa uvani 1-888-975-8601 talvanga 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunallaamingni munarhitkut qilamik hivajautikkut. Munarhitkut upaguiqlugu.

COVID-19 qalagjuarnirmun kapuutait kapurhiqtauffaarnikkullu ikajuutikhat piinarialgit huli tamainnun Nunavunmiunun ukiuqaqtunun tallimanik avatqumajunullu. Hivajaqlugit munarhitkut ukualluunniin Iqalungni Inungnun Aanniaqtailinirmun Havagvia upautidjutigharnik piyaarni.

Nutaanun ilitturipkaidjutikhanun uvani COVID-19 qalagjuarnirmi Nunavunmi, takulugu: https://www.gov.nu.ca/ 

###

Tuhaqtipkainikkut Uqaqvigiyaqhaq:

Chris Puglia   
Atanngujaullaktuq Tuhaqtipkainikkut 
Munaqhiliqiiyitkut
867-975-5949
cpuglia@gov.nu.ca