Havaktingit

You are here

Ilitturijaujuq Qalagjuarniq-19 aannialiqtuq uvani Meadowbank Ujarakhiuviani

Niqiliqivik 27, 2021

Tuhaqtidjutit

Ilitturijaujuq Qalagjuarniq-19 aannialiqtuq uvani Meadowbank Ujarakhiuviani

Iqaluit, Nunavut (Niqiliqivik 27, 2021) – Dr. Rosann Seviour, Nunavunmi Ataniulaktuq Nunallaani Aanniaqtailinikkut Havaktia, ublumi tuhaqtitijuq aanniarutiqaqtumik Qalagjuarnirmun-19 uvani Meadowbank Ujarakhiuviani, 110 km tunungani Qamanittuap.

“Uvani Niqiliqivik 24, kangiqhipkaijugut ihumagijaujumik Qalagjuarnirmun-19 uvani Meadowbank ujarakhiuviani, kitut tutqikhijaujuq Ihivriuqhivingmin uvani Quebec-mi Niqiliqivik 25,” uqaqtuq Dr. Seviour. “Aktungnikkut ihivriuqhiliqtut aanniarutiqaqtumun atautimun ilaujuq aktungnirit tautungnaqtut aktungnirit atauhirmun havaktimun Nunavunmi havaktimun kitkut aulaqtut ujarakhiurvingmin uvani Niqiliqivik 21. Akturnikkut ihivriurutit qitqani aanniarutiqaqtup ukualu Nunavunmi inungnun ihumagijaujut mikijumik qajangnautiqaqtut, ukualu Nunavunmi inuit munarijauliqtut hapkunanga Inungnun Aanniaqtailinirmun."

Aanniarutiqaqtuq inuk unalu ujarakhiuvingmi aktungnikkut avaliingaaqtitauliqtut uvani Meadowbankmi. Havagviat Munaqhiliqijikkut ikajuliqtut ihivriurutinun tingmipkaihuiqhutik ujarakhiurvingmun ujarakhiurvingminlu pijaangini ikaarnikhanik initiriangini aktungnikkut ihivriurutit uuktuutillu.

Kinaliqaak atuliqtuq Qalagjuarnirmun-19 mihingnautinik uqaudjaujut hivajarlugu qalagjuarnirmun COVID-hivajautaa uvani 1-888-975-8601 talvannga 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunallaamingni munarhitkut qilamik hivajautikkut. Munarhiliaqtailutin.

COVID-19 kapuutait piinarialgit huli tamainun Nunavunmiunun ukiuqaqtunun 12min avatqumajullu. Hivajaqlugit munarhitkut takujaujumaguvin. Iqaluit Inungnun Aanniaqtailinirmun upautijunun kapuqtuijut haffuminga Pfizermik (ukiuqaqtut 12min 17mun) uvani Pingattiut 9:30 ublaami. 11:30 ublaami. uvanilu 1:15 ubluqitqani. to 4:30 mun. Upautijunun Modernamik (18min avatqumajullu) kapuqtuijut Hivulirmi Tallimiunun 9:30 ublaamin 11:30mun uvanilu 1:15 ubluqitqani 4:30mun.

Tamainun nutaanun kangiqhidjutinun Qalagjuarnirmun-19 Nunavunmi, hamungaulutit: https://www.gov.nu.ca/

###

Tuhaqtipkainikkut Uqarvigijakhat:

Chris Puglia
Atanngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca