Havaktingit

You are here

Ilitturijut aannialiqtumik Qalagjuarnirmik-19 Kangiqlinirmi

Saptaipa 03, 2021

Tuhaqtidjutikhaq

Ilitturijut aannialiqtumik Qalagjuarnirmik-19 Kangiqlinirmi

Kangiqliniq, Nunavut (Apitilirvia 3, 2021) – Dr. Rosann Seviour, Nunavunmi Himmautaullaktuq Atannilluaq Nunalaani Aanniaqtailinikkut Havakti, naunaiqhijuq inungmik aanniarutiqaliqtumik Qalagjuarnirmik-19 Kangiqlinirmi.

“Tamna inuk utiqtuq Kangiqlinirmut Niqiliqivik 29mi aullaqhimalraqhuni ahianut avikturnirmit imaalu mihingnautiqaliqhimapluni hivuani aullaqtinnani,” uqaqtuq Dr. Seviour. “Tamna inuk naunaiqtaujuq Qalagjuarnirmik-19 aannialiqtuq qaujihaivingmit Kangiqlinirmi ipakhaq unnuktumi imaalu aullaqtitaujuq aanniarvingmut hivuraani Kanatami. Tamaita iglumiuqatait aktuqtauhimajut avaliingaqtitauliqtun iglumingni aihimapqaqtauliqtut.”

Naunaijaidjutikhainnik qaniklihimajainnik aanniaqtumut ihivriuqtauhimmaarniaqtun imaalu qajangnarnia nunaqatigiinut qajangnaittutut ittuq. Una aannialiqtuq turrangangittuq aanniarunmut paqitauhimajumut qaluraqtaujunut imaijarvianut tuhaqtitauhimajumik ippakhaani havainirmi nunangani. Qajangnaqpiarninganit, qajangnaitkutikhat, ivjarutit atuqujauhimaaqtun tamainni inuqarnirmi igluqpangni Kangiqlinirmi. Aallanik aallangauqtiqhimajuqangittuq inungnut aanniaqtailinikkut maliktakhainnik tadja.

“Kangiqlinirmiut amigaitpiatqijaujut pittaaqtunit inugiangiit tamainnik kapurhirhimaliqtun, ikajuutauniaqtuq anialiqtailitikanik aanniarjuarunmit Qalagjuarnirmik-19. Akhuukhajatka inuit tamaita pitaaqtut, kapurhiquplugit. Ikajuutaukpiarniaqtuq inungnut aanniarjuarunmit imaalu aanniarvingmungagakhaittumik,” uqaqtuq Minista Munaqhiliqijikkuni, Lorne Kusugak.

Kinaliqaak mihingnautiqalirumik Qalagjuarnirmun-19 mihingnautinik hivajaqujaujut COVID-hivajautaa talvunga 1-888-975-8601 akkungangni 10min ublaami 6mun ubluummaat Qikiqtaani ubluqhiutaani (EST), ilitturipkarlugilluunniit nunamingni munarhitkut qilamik hivajautikkut. Munarhiliaqtailutin upautitailutit.

Kapuutit hailijut huli tamainni nunallaani Nunavunmi. Hivajarlugit munaqhitkut naunaiqhijarni kapurhirvikharnik imaaluuniit upautilutit talvunga Iqaluit Inungnut Aanniarvianut havainirmi ubluq tamaat kapuutimik Moderna (ukiuqaqtun18+) umanilu Pingattiunmi taffuminga Pfizer (ukiuqaqtun 12 talvunga 17).

###

Tuhaqtipkainikkut Uqarvigijakhat:

Chris Puglia
Atan'ngujaullaktuq Tuhaqtipkainikkut
Havagviat Aanniaqtailinirmut
867-975-5949
cpuglia@gov.nu.ca