Havaktingit

You are here

Inungnut aanniaqtailinikkut pittailijaujut nutqaqtaujut nunangingni Kinngait unalu Iqaluit, ivjarutit atuqtaujariaqaqtut tamainni avikturniani

Immaktirvia 07, 2021

Tuhaqtidjutikhaq

Inungnut aanniaqtailinikkut pittailijaujut nutqaqtaujut nunangingni Kinngait unalu Iqaluit, ivjarutit atuqtaujariaqaqtut tamainni avikturniani

Iqaluit, Nunavut (Imaruqtirvia 7, 2021) – Nunavutim Atanilluaq Nunallaani Aanniaqtailinikkut Havaktia Daakti. Michael Patterson, tuhaqtitijuq aallanguqtirniinik taffuminga COVID-19 qalagjuanirmun inungnut aanniaqtailinikkut maliktakhait nunangani Kinngait unalu Iqalungni ublumi.

“Inungmik avalingaagakhaiqtut nunangani Kinngait, COVID-19 qalagjuarmirmin aanniaqtut Iqalungniikiglivalliajut imaalu nutaat aanniaqtun nunalipaujaani talvaniitut aimaviinni tadja aanniaqtuqaqtun aannialaqidjunmik, qajangnaiqtuq nutqaqtitlugit maliqajakhait tamagingni nunallaangni," uqaqtuq Dr. Patterson.

Nunangani Kinngait atuliqtaujukhaq Pingattiunmi, Imaruqtirvia 9, aimaviini igluinni katimajumajut pittaaliqtun imaatut amigaittunik 15nik inungnik ilaqarlutik igluqatigiiktunut ilaujunut imaalu hilami katimajumajut imaatut 100 inungnik pittaaliqtut. Maliqattiaqujijut inuit katimapkaijumut inungnik ikittunik pitqujaujut. Hivitujumik munaqtauviit, aulraanginnaqtuni munaqtauviit, aanniaqtunullu najurviit munarhitkullu pipkaqtaaqtun kikliqaqtumik malrungnik pulaaqtinik qanitqijaujunin ilagijaminin atauhirmun tahamanittumun, atuqqujaujut ivjarutinik.

Nutaqqiqiviit angmarniaqtun talvani ittut Qanurininga 2 uumani 2020-2021 Angmarvikhaanut Upalungaijautikhat Nunavunmi Iliharviit. Kavamatkut havagviit imaalu nanminiqaqut havagviujut angmarniaqtun ivjarutnik aturlutik imaalu maliklugit inungnit un'ngahiktilaaqarlutik. Igluqpaum iluani katimajukhat ikajuqtikhanik imaalu katimajunut uqaudjinirmut angmainariaqaqtun imaatut 20-nik inungnik imaalu igluqpaum iluanni hulipkaidjutikhat pittaaqtut imaatut kigliqarlutik 50nik inungnik imaaluuniit 50 pusantinganik igluqpaup inugiangnikhanik, nalliak ikitqijaukpat. Ivjarutit atuqtaujukhat iluani inungni igluqpani (ilaujullu havakviit) taimaalu qanitqijaukpallu siksini itigakkut ungahiktilaangani aallamin inungmi. Niqikhaliurviit ukuallu laisiqaqtut niriviit angmainariaqaqtut havainnaqpagutimingnun imaatun nappaanun 50% inugiangnikkut naamahimadjutikhaanin.

Iqalungnit, talvanga Tallimiut Imaruqtirvia 11, inungmut kivgaqtuifdjutikhat taimaittut nujaliqiviit imaalu piniqharviit angmarniaqtun, ivjarutit atuqtaujariaqaqtut. Aullaqtut Iqalungnut talvangalu Iqalungnit pittaulijaujut huli, imaalu ivjarutit atuqtaujariaqaqtut igluqpangni iluani inuqarnirmi (ilaujut havagviit) imaatutlu hanianni siksit aplurniit aallamit inungmit. Tuhaqtitijut ublaaq kapurhiqhimajut tamainik aullaarnikkut ilaungittut tuhaqtitijut, talvanga Imaruqtirvia 14, tamainik kapuqhirhimajt aullaqtukhat Iqalungnit avalingaagakhaiqtun kingulirmi tikilvikhamingni, avikturnianni tikilvikhamingnut.

Talvangalu Imaruqtirvia 14, ivjarutit atuqqujaujut tamainni nuallaani tamainnit avikturniinni humiliqaak qakuguliqaak inungmit un'ngahiktilaalimaitkumik inikhaillamut pilimaitkumik.

Kapurhirnikkut kapurhiriaqturviit aaullahimmaaqtun tamainni Nunavunmi. Hivajaqlugin munarhitkut takujaujumaguvin. Kapuuti qajangnaittuq, nakuujuq nakuutqijaujuqlu ikajuutikhaqqut COVID-19 qalagjuarnirmin.

Inuk kituliqaak ihumagumik aktuktauvaktun COVID-19 Qalagjuarniq uqaqtukhaujut hivajautikkut COVID-hotline uvani 1-888-975-8601 talvuuna 10 ublaami 6 unnukpat, ilituripkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut aimavingmingni 14-ni ubluni. Upaguirlugin munarhitkut.

Tamainnik nutaanik kangiqhidjutikhanik takulugu una www.gov.nu.ca.

###

Tuhaqtipkainikkut Uqarvikhaq:

Chris Puglia
Atanngujaullaktuq Tuhaqtipkaijiit
Aanniaqtailinirmun Havagvia
867-975-5949
cpuglia@gov.nu.ca