Havaktingit

You are here

Iqalungni hivulliutijukhat kituni COVID-19 Qalagjuarnikkut kapuutikhanun

Januali 13, 2021

Kavamatkunnin Tuhaqtitaudjutikhaq

Iqalungni hivulliutijukhat kituni COVID-19 Qalagjuarnikkut kapuutikhanun

Aullaqtirluni Januali 18mi, Iqalungni Aanniaqtailinikkut havaktiit aullaqtirniaqtun kapilirlugin hiuvlliutijaujukhanik kituni Iqalungni. Inirnikhat ukiulgit 65nik avatquhimajunikluunniit kitkullu najuqtun qimaavingni qaitqujaujun ublukhaliuriamingnik kapurvighamingnik uvuuna hivajarlutik 867-975-4810mun.

Kapurhvikhat piniaqtun uvani Iqalungni Aanniaqtailinikkut Havagviani, igluqpak 1091mi Hivulliunmi, Januali 18min talvunnga Tallimiunmun, Januali 22mun talvannga 1min ubluumaat 7mun unnuliqqat.

Aallattauq kapuriaqtuqvikhaq piniaqtuq taaktiliarviani uvani Qikitaani Aanniarvikmi uvani Saalutimi, Januali 23mi 10min ublaamin uvunga 4mun ubluumaat.

Malingniit hapkunani qanuriliurutikahnik ikajuqtaaqtuq nutqaqtirnikkut hiamitirnia COVID-19 qalagjuarnirmik, aallanilu puvakkut aannialaqidjutinik:

  • Aihimalutin aannialiruvin.
  • Qalakhurlutin takjuqlutilluunniit airnun.
  • Uaqattainnarlugit algaktit.
  • Kahagaqtaililugu akuliat.
  • Igillugin halumaittun kakkiijautin iqqakuurvingmun qilamik.
  • Ahiqpaaniillutin aallanin humungauhimaguvin.
  • Higaaruiqluhi iglum iluani hanianiluunniit aallani, biibinnuaniluunniit.

Inungnin ahiqpaniilvighat, alganik halumadjutini pimmarighijuummirhimajunilu halummarhidjutinik atuqtauniaqtun ikajuutikkut tamainnun aanniaqtailidjutainnun. Aannialaqittailidjutainnun ilingnun nunallaanullu, akhuurhaijugun ilingnun atimaquplutin matumik kapuriaqtuqvighauvingnun.

###

Tuhaqtidjutikhanut Uqarvikhaq:

Chris Puglia
Tuhaqtakhanun Atannguyaullaktuq
Aanniaqtailinikkut Havagvia
867-975-5949
cpuglia@gov.nu.ca