Havaktingit

You are here

Kaapuutikhatin namakpata munaqhitkuni ubluminun?

Maassi 11, 2019

Kavamatkunnut Tuhaqtipkaidjut

Kaapuutikhatin namakpata munaqhitkuni ubluminun?

Nunavut Kavamangat Munaqhiliqiyitkut ilitugipkaiyumayut Nunavummiunun nainaiyaqtakhait nakukpata kaapuutikhatin ubluminun, pingmat qangannuaq kukuvalaanuinmin Kanatami. Kanatami, kukuvalaanuit takulluaqhimaittuq illa tamaitavyak inuit kapuukhiqtun nataraublutik, kapuuqhiqpaktun atauhiq ukiuqaqqatta taittai atauhiq ukiuq siksiniklu tatqikhuitit.

kukuvalaanuit qayangnaqtuq aanniarut pipkaktauyuq qupilrumit. Mihingnautit kukuvalaanuitimik uvvauvut kidjarniq, qingaq kuviinaliqhuni aupadjaalaqilunilu, puvingniq iyi, ulurianaqhilunilu qaumanirmin Mikkannuat, qakuqtat takunnaqtut qanimini. Aupayaaqtuq kilaatut takunnaqtut akuliamini niaquminilu, talvannga hiamitiqtuq timimut.

Kukuvalaanuit hiamitaqtuq qilaminnuaq inukmit inukmut qalakhuraangata tagyurumikluuniit. Tapkua aaniaqtuq inuit hiamitiqpaktaa aaniarut hitamanik ublut aaniaqtinnagit hitamaniktauk aaniarutigaangat. Tapkua inuuk kapuukhingittuk uvaluuniin tuglia kappiyaudjutikhatik aanialiqinailirunaqhiyut aaniaqtuniitpat.

Inuit aaniaqtaqtut kukuvalaanuinmin uvva:

  • kapuqhiqhingittut hingaiyut;
  • mirraat 12-nik tatqikhiuttiqangittut; uvalu
  • inuillu hakugikluangitut timingni aanialaqiyaaqtut.

Havautikhaittut kukuvalaanuinun. Timit inminik nakuhittirniaqtuq. Aaniaqtillutin, aihimayukhauyutin. Nakuutqiaq pittailiniq kukuvalaanuitimin kapittaukpat. Takuyaqturlugit munaqhitkut naunaiyattiarumaguvit kaapikhidjavutinluuniin.

Naunairyuumirumaguvit, takulugu uumani: https://www.gov.nu.ca/sites/default/files/measles_fact_sheet_iq.pdf

Nunavutip Atuquyauyut Nuttaqangit Kapuqhimaaqtukharnik Naunairutingit , takulugu:
https://www.gov.nu.ca/sites/default/files/nunavut_routine_childhood_immu...

###

Tuhaqtipkainikkut Uqaqvigiyakhaq:

Sara Arsenault
Tuhaqtipkainirmut Ayuittiaqhimayuq
Munaqhiliqiyitkut
867-975-5949
sarsenault@gov.nu.ca