Havaktingit

You are here

Munaqhiliqiijitkut piliurtut ilihangnikkut ikajuutiqhamik ihumagiplugu Savanna Pikuyak

Saptaipa 21, 2022

Uqariyauyuq
Munaqhiliqiijitkut piliurtut ilihangnikkut ikajuutiqhamik ihumagiplugu Savanna Pikuyak

Nunavut tamaat (Saptaippa 21, 2022) – John Main, Minista Munaqhiliqiijitkunnut, ublumi tuhaqtittijuq haffumamik titiraqhimajumik:

“Quviiqtun’nga tuhaajaami piviqhaqanggittuqhaugaluaq hadjakaffuk inuaqtaungmat Savanna Pikuyak, arnahugiq Sanirajangmit.  Savannap huigutaa an’ngijuamik ilaijaqtut ilangminut, ilannaminut, nunallaaminut imaalu ilaa tamaita Nunavunmiutanut. 

Savanna nuuttuq Ottawa mut ilihariaqtuqhuni munaqhiit ilihagutainnik munaqhiungngugumapluni, naunaitpukli ikajuutauniaraluaqquq Nunavunmiunut.  Hivuani, havakpaktuq Munaqhiliqiijitkunni aujami ilihaqtiupluni 2017 mi, 2018, 2019 milu. 

Savanna ihuaqtumik tautuktuujaaqtauvaktuq ilaranaittumik pidjariqpiaqhunilu.   Munaqtiaginnakpiaqhugit ilaminut ihuaqutiqhainnutlu aadlat. Inuuvaktuq inmilu nakuujumapluni ikajuriami nakuujumik Nunavunmut. 

Munaqhiliqiijitkut uvan’ngalu Savaanap huigutaa atungniqanggitumik ihumarijaqhaun’ngittuq tikiutingginmat tikiutiviqhaanut.  Kihimi, uvagut ihumagijaqhavut piumanahuarnirmun pikpianirmunlu amigaittunut inuuhuktut arnagutinutlu Nunavunmiut ajuirhagumajunut munaqhiliqinikkut.

Ihumagitigiplugit tahapkuat, Munaqhiliqiijitkut aittungniaqtut ukiuq tamaat $5000 taalamik ilihaqtumut ikajuutiqhainnik Savaanap atianut atauhirmun Nunavunmiut Inuinnaujuqhaq ilihaqtuq munaqhiit ilihagutainni.

Nagliguhuutiga aitturumajara Savannap ilainnut nunallaamunlu.  Niriuqtun’nga mikkaugaluaqtilluni ihumagijaujuq atiaminut ikajuutigijaudjavuk mamittiqtillutik.  Matna.”

###

Tuhaqtipkainikkut Uqarvigijaqhaq:

Chris Puglia
Atan’ngujaq Tuhaqtipkaijini
Munaqhiliqiijitkut
867-975-5949
cpuglia@gov.nu.ca