Havaktingit

You are here

Munaqhiliqiyitkut tuhaqtitidjutaat tugliani tiibiiktailidjutikhanut naunaiyailutik munaqhiliqivikmi Kinngainni

Januali 08, 2019

Tuhaqtitauyukhaq

Munaqhiliqiyitkut tuhaqtitidjutaat tugliani tiibiiktailidjutikhanut naunaiyailutik munaqhiliqivikmi Kinngainni

Kinngait, Nunavut (Ubluqtuhirvia 8, 2019) – Nunavut Kavamangat (GN) Munaqhiliqiyitkut tuhaqtittiyut taimaa Kinngait pivikhariyaat pingahuanut nunallaani tiibiimut (TB) aanniarutiniktailidjutikhanut naunaiyailutik munaqhiliqivikmi, naunaiktaat naunaiyailiqlutik talvani Iidjirurvia 2019.

“Naunaiyaivlutik munaqhiliqiyut tahapkuani Qikiqtarjuaq Tikiraryuamilu ikayuutigiyavut nakuukpiaktunik kangiqhidjutigivlugu ayuiqhaidjutigivlugulu atuqtauhimmaarlugit kangiqqhidjutikhanut atuqlugillu havaaptingni Tiibiiqaqnaittumik Nunavunmi”, uqaqtuq Minista George Hickes. “Hakugiktugut ikayuqatigiiktugullu akhuurutiptingnut TB-mut quanaqtuq ikayuqhimmaaqpakmata Nunavunmi nunallaat ukuallu ikayuqpaktut paanariyavut.”

Nunallaami naunaiyaiyut munaqhiliqivikmi atuqtauhimmaaqtaat ihuaqtuq nakuuyuklu naunaiyaidjutikhamut munarilugillu hiniktutut ittut TB-mut, kangiqhipkailutalu ilihimalirianginni hiamitirnikkut aanniarutiniktailidjutikhanullu, uuktuqulugit nunallaami ikayuqlutik hivunikhaptingnut.

Kinngainni, Naunaiyaidjutukhanut munaqhiliarutikhat ihuaqhaqniaqtait iglumiittunut, upautiqulugit nunallaamiutat munaqhivikmungauqulugit Kinngainni ulapqivikmut. Munaqhiliqiniaqtut aulalutik hivituniani 11-mit 12-mut havainiqni.

Munaqhiliqiyitkut ikayuqtauffaaqniaqtut Public Health Agency of Canada-kunit aallanillu ikayuqpaktunut GN-kuni, ahinit havagvingnit munaqhiliqivikni ayuittiaqhimayunillu humilikaak nunami. Manikhanik tunihiniaqtut paanariyaptingnit, kanataup kavamanganit, Nunavut Tunngavikkut Timinga ukunangalu Inuit Tapiriit Kanatami

Aallat naunaitkutikhat tuniyauniaqtut nunallaamut atuqlugu nunallaami naalautaanik ukunangalu Haamlatkunit Kinngainni. Aallanut naunaitkutikhanut TB-mut takuyakturlugu
qaritauyakkut:

Tiibiimut Uvinirmut Naunaiyaidjutikhamut Makpiraaliuqhimayumut (Tuberculin Skin Test
Brochure):
https://www.gov.nu.ca/sites/default/files/skin_test_pamphlet_-_en_-_iq.pdf

Tiibiimut Kangiqhidjutikhaq:
https://www.gov.nu.ca/sites/default/files/tb_fact_sheet_-_inuinnaqtun_20...

###

Tuhagaqtidjutikhanut Uqaqvikhaq:

Sara Arsenault
Tuhaqtipkainirmut Ayuittiaqhimayuq
Aanniaqtailinirmut Havagvik
867-975-5949
sarsenault@gov.nu.ca