Havaktingit

You are here

Munaqtiujuq havakti ihivriuqhiqtaudjutait naunaiqtaujut aanniaqtumik COVID-19 qalagjuarniq talvani Ottawami avalingarvikhat najuugani itiqtirviinni

Niqiliqivik 26, 2020

Tuhaqtitaujukhaq

Munaqtiujuq havakti ihivriuqhiqtaudjutait naunaiqtaujut aanniaqtumik COVID-19 qalagjuarniq talvani Ottawami avalingarvikhat najuugani itiqtirviinni

Iqaluit, Nunavut (Niqiliqivik 26, 2020) – Ottawami Inungnut Aanniaqtailinikkut tuhaqtitijut Nunavut Kavamatkunut (GN) tamna avalingarvikhat itiqtirvianni havaktiinut ilaujuq talvani Residence Inn uvani Walkley Road in Ottawa, atauhiq uvani Nunavunmi avalingarvikhat itiqtirviinni, ihivriuqhidjutait naunaiqtaujuq aannialiqtuq taffumuninga COVID-19 qalagjuarnirmik.

“Havagviat Aanniaqtailinikkut havaqatigiliqtait qilamiukhutik ukuat Ottawa Inungnut Aanniaqtuliqijikkut naunaiqhiplutik malrungnik qaniklinahugijauhimajungnik talvani Residence Inn imaalu kitkunnik aktuqtauhimajunaqhijunik Nunavunmi,” uqaqtuq Dr. Michael Patterson, Atanilluaq Nunalaani Aanniaqtailinikkut Havakti. “Havaliqtugut qajangnarniaqtunik, piqaqqan, Nunavummiunut imaalu havalirnialiqtugut naunaijaidjutikhainnik qaniklihimajainnik aanniaqtumut naunaiqtaujukhanik avikturnianni pijariaqarupta.”

Ottawami Inungnut Aanniaqtailinikkut tuhaqtitijut GN-kunik taffuminga ihivriuqtaudjutait naunaiqtaujut Niqiliqivik 26 imaalu uqaqhutiklu havatinut ilaujuq aannialiriikhimajunaqhijuq havaktitluni havagvikhani ubluinni Niqiliqivik 16, 17, 18 uvanillu 19. GN-kut Havagviat Aanniaqtailinikkut havaliqtut naunaiqhinahuaqhutik kitkunnik inungnik aktuqtauhimajunaqhijunik tapkunanga havaktinut ilaujumit inungniklu talvani ittunik avalingarvikhat itiqtirvianni ubluinni tapkunani. Havaktit talvani avalingarvikhat itiqtirviinni atuqpaktukhat akuuliangnut matukhamik havaktitlutik, ikajuutauniaqtuq ikiglitikhanik hivuuranarnianik hiamitirnianut.

“Uqaqatigijavut Ottawami Inungnut Aanniaqtailinikkut imaatut hamna naunaqitaujuq aanniaqtumik pijariaqariakhainnik inungnik naunaiqtaujariikhimajut utiuvikhanik nunamingnut tikittukhani ubluinni aullajukhaukpata avalingarvikhani naunaiqtaukpata qaliklijauhimajut imaalu COVID-aanniangittut ,” uqaqtuq George Hickes, Minista Aanniaqtailinikkut. “Ihumaliurniaqtugut tamainnik naunaiqhitikhanik nakuukpiaktunik aanniaqtuliqijitkunit uqaudjidjunmik imaalu munaqhitikhanik aanniaqtailitikhanik inungnik tamainnik.”

Nunavummiut talvaniihimajut avalingarvikhat itiqtirviinni akkungangni Niqiliqivik16 uvanillu Niqiliqivik 19 talvaniihimajut Residence Inn talvani Ottawami imaalu utiqtut Nunavunmut apirijaujut ingmingnik munaritqujauplutik mihingnautainnik COVID-19 qalagjuarnirmik. Pitqujauhimajullu tapkuat inullaat maliqattiaqtukhat inungnit un'ngahikhimajukhaujut.

Naunaitkutit COVID-19 qalagjuarnirmik ilaqaqtun kidjangnirmik, qalaliqtumik ajurnarhijumikluunniit anirhaaktariami. Nunavummiut itqaumatquyauyut atukhimmaarlugit inungnin ahiqpangalutik, uaqattaqpaglugillu algakkit, imaalu aihimalutit aanniangaliruvit. Kinaliqaak ukpirigumik aktuqtauhimanahugiplutik COVID-19 qalagjuarnirmit hivajaqtukhat COVID hivajautaanut 1-888-975-8601 akkungani 10 a.m. unalu 6 p.m. EDT-kut, imaaluniit tuhaqtinniaqtait nunamingni munaqhitkut qilamik, ahiit qilamiurlutik avalingarvikhamingnik aimavingmingni imaatut 14-ni ubluni.

Inuit tadja avalingarvikhani ittut tuhaqtitaujut iidjuhiannik uqarviuliqtut avikturnianni aktuqtauhimanahugijut. Naunaiqtakhat tuhaqtitauniaqtut aqagu, naunaiqtakhat malikhunguyut.

###

Tuhaqtitaujukhanun Uqarvikhaq:

Chris Puglia
Atanngujaullaktuq Tuhaqtipkainikkut
Aanniaqtailinikkut Havagvia
867-975-5949
cpuglia@gov.nu.ca