Havaktingit

You are here

Naunaikhidjut aanniaruniktumik qallagyuarnirmik qablunatut taiyauvaktuq (whooping cough) Iqalungni

Nuvaipa 29, 2019

Inungnun Aanniarutimik Tuhaqtitauyukhaq 

Naunaikhidjut aanniaruniktumik qallagyuarnirmik qablunatut taiyauvaktuq (whooping cough) Iqalungni  
 
Munakhiliqiyitkut ilitturipkagumayait Nunavummiunut, tapkununatluak angayuqqaanutt miraat nutarannuallu nutaratigutlu, naunaiqtauyut pakittihimayun tainikatunik qallaryuarnikkun (whooping cough) (pertussis) nunangangni Iqalungni. Kingnalikak taimaitumik aannialiktaaktut qallagyuarluni (whooping cough), kihimi akhuraluk aanniaryualiqan tapkunnalluat pivangman nutaqqanun atauhirmin ukiuqaqatunun. 

Qallaryuarnikkun (whooping cough)  aanniarutauvaktuq iggiarmi puvvangnilu hiammittakhunilu inungmin inungmun. Aanniangaliruvin nutaratluunniit aanniangaliqqan, aihimadjavutit inungnut hiaminnaitumik aannirutit nakuuhittiqarlutin. Aihimavuvit hiammitilimaittuq aanniarut.  

Ihivriuqtaunarirumik havautikhaqtaulutiklu anginiqaqtuq. Munaqhiliadjavutit takkukhiriaqtuqlutitlu aannialiruvit ilatitluunniit aannialiqqata imatut naunaikutikhanut ilauyut:

  • qallakkuvit hivitutqiyanik havainirmit;
  • qalakhurangavit nivyagliruvit qalakhuruirangavit imatut “whoop”;
  • ivyanguhuliruvit aannikhariakharnik;
  • miriakpaliruvit qalakhurangavit;
  • qalakhuinaliruvit uunnukangat; uvalu,
  • kidjakpiakpaliruvit (39°C qulvatqiyanik uuktuutip) kidjangaguvit pingahut ublut hivitutqiyanik. 

Aanniaqtailitikhat taffuminga qallaryuarnikkun (whooping cough) kappiyauguvit havautmik. Inuit tamarmik naunaiqtakhait kappiyaudjutikhatik tamatkikhimayakhainik. Aanniaqtailitikhanut ilauyut:

  • algakkit uaqqattaqpaklugik;
  • qalakhuklutit airnut qakkiyaunmutluunniit; uvalu, 
  • illanut inungmut niriyarnik tunihihuiklutit, atuqtitailugitlu aluutit, kapurautit, kiguutikhautitlu.  

Naunaiyaqpaklutit aanniarutimik qallaryuarnikkun (whooping cough) taihuglugit hapkuatPertussis aannialaqinnaqtuq puvvangnut kangiqhidjutikhaq hailiyuq Munaqhiliqiyitkut qaritauyakkuurutani.  
 
### 

Tuhaqtidjutikhanun Uqaqvikhaq:  

Chris Puglia 
Tuhaqtipkainirmut Ajuittiaqhimajuq 
Munaqhiliqijitkut
867-975-5762
cpuglia@gov.nu.ca