Havaktingit

You are here

Niqi unguvaqtitquyauyuq: Ilangit atiqangitut Chicken Burger-nik Salmonella-qaqmata

Immaktirvia 05, 2018

Inungnun Aanniaqtailinikkut Tuhaqtitauyukhaq

 

Niqi unguvaqtitquyauyuq: Ilangit atiqangitut Chicken Burger-nik Salmonella-qaqmata

Munaqhiliqiyitkut qayagitquliqtait niqit unguvaquyauliqtait ukunanik ilangit atiqangitut Chicken Burger-nik Kaanataup Niqinik Ihivriuqtiuyut Timiqutigiyangit (naittumik taiyauyuq CFIA) niqinik qayangnaittumik ihivriuqninnga ilitariyait Salmonella-qaqtut.

Ilangit 1kg-nik atiqangitut Chicken Burger-nik unguvaquyauliqtut UPC nampaataa: 0 60383 16636, ilattanittuq puuga namaapaa: 2019 FE 06, iluanittuq puugani: 0378M.

Iluittuq titiraqhimayut unguvaquyauhimayut niqit, niqit naunaitkutingit nakuutqiaq nakuungiqtinnagit ittuq CFIA qaritauyakkut pulaarvingani uumani: http://inspection.gc.ca/about-the-cfia/newsroom/food-recall-warnings/complete-listing/

Utiqtiffaaquyauhimayut hunavaluit igitauyukhat utiqtiffaaqlugilluunniit niuvirvigiyaanit.

Niqit halumailruqaqtut Salmonella-mik nakuuyutut ittut mamaiqhimaittumiklu kihimi aannaiqtaaqtutit. Aanniaryuangillutik aanniarutinik ukunatut kidjaktuq, niaquqliktuq, miriaqtuq, miriannguyuq, aqiarukliuqtuq itiktalaqilutiklu. Nutarannuat, hingaiyut, inirniqhaat inuillu aanniaqtaalaqiyut nakuulluanginnamik aanniaryuaqtaaqtut tuqunnaqhutiklu ilaani aanniarutinit. Ihumaguvit aannialaqiyutin nirivakavin utiqtitauyukhanik niuvaivingnun niqivaluit, hivayaqlugit nunalaani munarhitkut, aanniarviliaqlutinluuniit.

Naunaikhittiarumaguvit, uqaqvigilugit Canadian Food Inspection Agency hivayaglugin 1-800-442-2342 uvaluuniin takulugu qaritauyakkut www.inspection.gc.ca.  Titiraqlutin tapkuninga niqinik utiqtitauyukharnik uvani http://inspection.gc.ca/english/util/listserv/listsube.shtml .

###

Tuhagaqtidjutikhanut Uqaqvikhaq:

Nadine Purdy
Tuhaqtakhanun Atannguyaq
Munarhiliqiyitkut
867-975-5712
npurdy@gov.nu.ca