Havaktingit

You are here

Nunallaami Tamaat Ihivriurhiniq TB-kut (Tuberculosis) Qikiqtarjuami

Iitjirurvia 02, 2018

Inungnun Aanniarutimik Tuhaqtitauyukhaq

 

Nunallaami Tamaat Ihivriurhiniq TB-kut (Tuberculosis) Qikiqtarjuami

Aanniaqtailinirmut Havakvik unniutiyumayait Qikiqtarjuarmiut taimaatut nunallaami-tamaat ihivriurnikkut TB-kut (Tuberculosis) pipkainiaqtut ikikliharumaplugit amigailiqtut aannialaqitjutihimayuq talvuunga nunallaami. Nunallaami ilauquiyut akhuurhaiyut piiyarumaplugu TB pipkainikkullu ihuaqtunik havauhiqtuutinik tamainnun nunallaamiunnun.

Ihivriurhiniq aullaqtirniaqtuq February 5-mi, 2018 uvani Qikiqtarjuap ulapqiyaqtuqviani. Nunallaamiut uqaqatigiyauniaqtut igluqpakkuurlutik, qaiyukhat ihviriurhinirmun ilaqaqtumik apirhuutimik, uvinikmi uuktuutimi, hatqami iksuliirutimik piniarungnarhiyullu auktaqtaulutik.

Una Qikiqtarjuaq Munarhitkut upalungaittiarhimayut piqarhutiklu aallanik, havattiarumayunik havaktikhanik aullaqtirnikkut uumani TB-kut ihivriurhinirmi. Inuit naunaitkutiqarhimaliqtut TB-kut akhuurhaqtauyut ihivriurhiqtauquplugit aullaaqtinnatik, hiamitingittaami aanniarutimik, qauyangnarniq mikkaugaluaqtillugu. Nunavunmiut kappiahuktukhaungitut aullaariami Nunavunmi.

Piqarniaqtuq aallaniklu ilitturipkaitjutikhanik mighaagut ihivriurhinirmi ukunani tikittukhani havainirni uvani Qikiqtarjuap nunallaami naalautaani, nunallaamiut akhuurhaqtauyut naalaquyauplutik, uqaqatigiluguluunniit munarhitkut. Aallanik ilitturipkaitjutikhanik TB-kut ihivriurhinirmilu, taigutjavat una Tuberculosis Kangiqhitjuti-titiraq unalu Tuberculin Uvinikkut Uukturuti Makpiraannuaq.

###

Tuhagaqtidjutikhanut Uqaqvikhaq:

Ron Wassink
Tuhaqtipkainirmut Ayuittiaqhimayuq
Aanniaqtailinirmut Havakvik
(867) 975-5710
rwassink@gov.nu.ca